Bannau Brycheiniog

Dringwch i ganol y cymylau wrth gerdded at gopaon Pen y Fan a Corn Du – y ddau gopa uchaf yn ne Prydain. Dewch i ddarganfod teithiau cerdded gwyllt a golygfeydd syfrdanol yng nghalon dramatig ac anghysbell Bannau Brycheiniog.

Dewch i ryfeddu at Raeadr Henrhyd wrth iddi blymio 90 troedfedd i geunant coediog Nant Llech.

Dewch i ddarganfod y mannau gorau ym Mannau Brycheiniog gyda’n teithiau cerdded amrywiol, sydd ar gael i’w lawrlwytho. Beth bynnag sy’n mynd â’ch bryd, o her diwrnod cyfan ar y mynydd neu fynd am dro hamddenol drwy’r wlad, mae gyda ni daith i chi.

Mae’r llyn bach hwn yn swatio dan fynyddoedd Pen y Fan a Chorn Du ac mae’n llawn hanes a chwedlau. Dewch i ddarganfod yr hanes a lawrlwythwch un o’n teithiau cerdded i’ch hebrwng chi o gwmpas y glannau tawel.

Un o’r cymoedd harddaf ym Mannau Brycheiniog. Dyma le arbennig i grwydro ac i fwynhau golygfeydd hardd gan ei fod mor agos at y copaon uchel. Mae yma goedwigoedd hynafol, afonydd byrlymus a chaeau gwyrddion – pa le gwell na Chwm Tarell i ddechrau archwilio’r Bannau?

Grymoedd natur sydd wedi naddu Cwm Gwdi. Nôl yn y cyfnod Fictorianaidd hwyr roedd y maes parcio yng Nghwm Gwdi yn rhan o wersyll hyfforddi milwrol. Heddiw, mae’n fan da i ddechrau ar rai o deithiau cerdded caletaf Bannau Brycheiniog.

Pont ar Daf yw’r goedwig fwyaf diweddar i gael ei phrynu gennym ac rydym yn parhau i droi’r blanhigfa fasnachol hon yn goedwig fywiog ac agored, gan ei gwneud yn lle gwell i fywyd gwyllt a phobl.

Rydyn ni wedi bod wrthi'n selog yn trwsio'r llwybrau yn ardal ganolog Bannau Brycheiniog ers 30 mlynedd. Yma mae ein tîm o Geidwaid yn trafod beth sydd wedi'i gyflawni a'r her o gynnal y llwybrau blwyddyn ar ôl blwyddyn.

Dyma un o’n ffermydd pwysicaf ar gyfer bywyd gwyllt. Mae Berthlwyd yn gartref i weirgloddiau hyfryd sy’n llawn blodau gwyllt. Oherwydd bod y caeau’n dal i gael eu rheoli’n draddodiadol mae sioe anhygoel o liw ynddyn nhw bob haf ac maen nhw’n cynnal amrywiaeth ryfeddol o fywyd gwyllt.

Cynefinoedd gwerthfawr a chynyddol brin yw coedwigoedd lled-hynafol. Maen nhw’n cynnig hafan i fywyd gwyllt. Mae’r coed hyn wedi bod yn tyfu ar lethrau isaf Bannau Brycheiniog ers canrifoedd maith ac maen nhw’n gartref pwysig iawn i ffyngau ac infertebratau prin.

Join our team as a volunteer and put your skills to good use by helping us care for and maintain this special place. From getting your hands dirty to being a meet and greet volunteer, there's plenty of ways you can get involved.

Ydych chi awydd gwyliau heb orfod ymladd am le wrth y pwll nofio? Beth am roi cynnig ar wyliau gweithio? Bydd yn gyfle i wneud ffrindiau newydd, i weithio fel rhan o dîm, i ddysgu sgiliau newydd ac i wneud gwahaniaeth i gefn gwlad bendigedig Cymru.

Effeithiwyd ar gymuned gyfan, nôl ar droad y ganrif ddiwethaf, pan aeth Tommy Jones ar goll ar y Bannau – a cholli ei fywyd hefyd. Mae’r stori’n dal i gael ei phasio lawr o genhedlaeth i genhedlaeth.

Fferm anghysbell, hardd ar dop cwm Nedd yw Berthlwyd. Mae wedi bod yn gartref i’r un teulu ers chwe chenhedlaeth. Ond mae hanes y lle hyfryd hwn yn ymestyn yn ôl llawer pellach na fyddech chi’n dychmygu ac mae’n llawn rhyfeddodau hanesyddol a daearegol.