Yr haf ym Mannau Brycheiniog

Glyn Tarell, Bannau Brycheiniog

Dewch i ddarganfod lliwiau bywiog, teithiau cerdded hardd a digon o uchafbwyntiau bywyd gwyllt wrth i chi grwydro’r Bannau Brycheiniog yr haf hwn.

Teithiau cerdded gorau’r haf
Rhaeadr ar dir Comin Abergwesyn, Powys

Heriwch eich hun drwy rostir mynydd yn Abergwesyn 

Mwynhewch hyfrydwch ochr ddwyreiniol Comin Abergwesyn yr haf hwn a chewch eich gwobrwyo â golygfeydd ysblennydd o Fynyddoedd y Cambrian.

Llyn y Begwns a’r tir comin o gwmpas

Y Begwns; yr holl olygfeydd heb ddringo 

Nid oes rhaid i chi gerdded i fyny mynydd i fwynhau golygfeydd godidog yr haf hwn. Archwiliwch hyfrydwch y Begwns a darganfod golygfeydd godidog ar draws y Bannau Brycheiniog a thu hwnt o’r man uchaf ar y comin - Y Cylchfan.

Fan y Big, Bannau Brycheiniog

Dewch i ddarganfod calon y Bannau Brycheiniog 

Profwch ochr wahanol canol y Bannau Brycheiniog yr haf hwn drwy ddilyn llwybr arall i fynydd uchaf de Prydain. Cerddwch i’r tri chopa uchaf; Pen-y-fan, Corn Du a’r Cribyn a mwynhau awyrgylch y lle ysbrydoledig hwn.

Uchafbwyntiau bywyd gwyllt yr haf
Dôl o flodau gwyllt ar Fferm Berthlwyd yn y Bannau Brycheiniog, Cymru

Uchafbwyntiau bywyd gwyllt yr haf 

Mae dôl blodau gwyllt yn olygfa ysblennydd yn ystod yr haf ac yn llawn bywyd bob amser. O’r pryfed sy’n cropian, pili-palod sy’n arnofio i’r adar sy’n hedfan, mae’n bleser i edmygu ecosystem mor amrywiol ac nid yw Fferm Berthlwyd yn eithriad. Er nad yw ar agor gan ei bod yn fferm weithio gyda thenantiaid, mae llwyddiant y safle hwn yn ysbrydoliaeth ar gyfer rheoli cadwraeth yn y dyfodol a dathlu ein dolydd blodau gwyllt gwych.

Dysgwch fwy
Cadwraeth ar waith
A view of Cribyn from Pen y Fan in the central Brecon Beacons, Powys

Cadwraeth llwybrau troed ar hyd y Cribyn 

Gyda thros 350,000 o gerddwyr yn cerdded llethrau Pen-y-fan bob blwyddyn, mae atgyweiriadau brys yn hanfodol ac yn 2019 mae’r llwybr cyfuchlin o gwmpas y Cribyn yn cael tipyn o sylw. Heb lwybr diffiniedig, byddai llystyfiant yn cael ei golli a byddai’r llwybr yn lledu gan achosi craith ar y dirwedd. Mae’r prif geidwad Rob Reith a’i dîm yn gweithio’n galed i leihau erydu gan sicrhau eich bod yn mwynhau’r dirwedd eiconig hon.

Gwirfoddolwyr ar Ben-y-fâl ger y Fenni, Sir Fynwy, yn helpu i drwsio wal cerrig sych

Gwirfoddolwch gyda thîm y Bannau Brycheiniog 

Os ydych chi wedi cael eich ysbrydoli gan waith cadwraeth tîm y Bannau Brycheiniog a’ch bod am gymryd rhan i helpu i warchod ein lleoedd arbennig, rydym yn recriwtio’n rheolaidd i nifer o swyddi gwirfoddoli. Cysylltwch â ni neu ewch i wefan wirfoddoli yr Ymddiriedolaeth Genedlaethol i gael gwybod sut y gallwch chi helpu.