Digon o ddiwylliant ym Mhen Llyn

Cewch ddarganfod mannau tawel lle gallwch arafu lawr ac ymlacio, gweld ty anhygoel mewn lleoliad hyfryd a mwynhau darn o gacen hynod. Dewch draw i weld beth sydd ar gael. Mae eich taith yn dechrau yma.

Y Tŷ a'r Ardd ym Mhlas yn Rhiw, Penrhyn Llŷn — Crwydrwch o gwmpas yr ardd neu archwiliwch y tu mewn i'r tŷ

Plas yn Rhiw

Dewch i ymweld â’n maenordy dymunol â’i ardd addurnol a’i olygfeydd ysblennydd. Mae mewn llecyn delfrydol ac mae’r golygfeydd a welwch ar draws Bae Ceredigion o’r gerddi ymhlith y mwyaf ysblennydd ym Mhrydain, ym mhob tymor.

Dianc y torfeydd

Y Ffordd ym Mhorth y Swnt, Aberdaron — Swatiwch yn y pod a darganfod Penrhyn Llŷn ar y sgrin

Porth y Swnt

Mae ein canolfan ragoriaeth arfordirol yn borth i chi ddarganfod Pen Llŷn. Ysbrydolwyd cynllun y ganolfan newydd gan bensaernïaeth Aberdaron a threftadaeth forwrol yr ardal.

Perffaith ar ddiwrnod gwlyb

Felin Uchaf, Penrhyn Llŷn — Profwch ganolfan addysgol unigryw sy’n archwilio ffyrdd o fyw a gweithio gyda’r amgylchedd

Menter Y Felin Uchaf

Canolfan addysgiadol yw hon sy’n archwilio ffyrdd o fyw a gweithio mewn partneriaeth â'r amgylchedd. Mae'n cynnig cyrsiau preswyl mewn sgiliau gwledig ac amaethyddiaeth gynaliadwy, Mae hefyd yn cynnal rhaglen o ddigwyddiadau trwy gydol y flwyddyn ac amrywiaeth o gyfleoedd gwirfoddoli.

Menter Y Felin Uchaf

Plas Glyn y Weddw

Camwch i mewn i un o'r orielau celf hynaf yng Nghymru. Maenordy Fictoraidd Gothig gwych yw Plas Glyn y Weddw, gydag orielau, gerddi a chaffi gwerth chweil. Gallwch fwynhau golygfeydd hyfryd o'r môr wrth gael paned ac wrth ddilyn y llwybrau drwy’r goedwig i fyny at y pentir uwchben. Mae croeso cynnes Cymreig yn eich disgwyl mewn ardal o harddwch naturiol eithriadol.

Plas Glyn y Weddw

Nant Gwrtheyrn

Archwiliwch hen bentref chwarel hudolus. Cewch ddarganfod mwy am rai o chwedlau a hanesion hudolus Cymru a mwynhau paned neu bryd o fwyd mewn caffi braf gyda golygfa wych o’r môr. Erbyn hyn mae’r 'Nant' yn ganolfan preswyl ar gyfer dysgu’r iaith Gymraeg ac yn ganolfan dreftadaeth sydd ar agor i bawb.

Nant Gwrtheyrn

Llŷn Maritime Museum

Dyma’r lle i ymgolli mewn hanes a dathlu ein treftadaeth forwrol. Mae’r môr yn agos at bob man ar benrhyn Llŷn. Mae’r amgueddfa’n llawn o wybodaeth ddiddorol – am y seintiau Celtaidd cynnar, am Edward 1af, ac am fôr-ladron, smyglwyr, llongddrylliadau trasig a gwaith y bad achub.

Llŷn Maritime Museum