Melys a sawrus
Mae digon o fwyd da, maethlon yma, yn cynnwys ffefrynnau’r Ymddiriedolaeth Genedlaethol megis tatws trwy’u crwyn, cinio’r gwerinwr, cawl cartref a phaninis. Wrth gwrs, mae te hufen traddodiadol yn rhan hanfodol o bob un o gaffis yr Ymddiriedolaeth ac ry’n ni’n gweini un o’r rhai gorau!
Cadw’n lleol
Ry’n ni’n gwneud ymdrech arbennig i sicrhau bod ein cynnyrch yn dymhorol, yn lleol ac yn ffres. Pan fyddwch yn bwyta gyda ni, fe gewch flas go iawn o Sir Benfro.
Llecyn delfrydol
Gan ei fod yn hawdd i’w gyrraedd gyda char neu ar droed o unrhyw un o’n meysydd parcio ar yr ystâd, mae Cei Stagbwll yn ganolbwynt cyfleus i gerdded llwybr yr arfordir. Mae Caffi’r Boathouse hefyd wedi hen sefydlu’i hun fel hafan fach i gerddwyr ac anturwyr.
Ar agor boed law neu hindda
Mae’r caffi ar agor trwy gydol y flwyddyn, bob dydd rhwng y Pasg hyd at fis Hydref. Y tu fas i’r prif dymor, byddwn yn parhau i fod ar agor ar benwythnosau, yn cynnig paned, croeso a chyfle i ymochel rhag y gwynt a’r glaw.
Dewch i weld a blasu
Mae ein bwydlen yn newid yn aml a’n nod yw cynnig croeso cynnes i bawb sy’n mentro draw. Mae Caffi’r Boathouse yn lle gwych i bawb – boed yn ffrindiau sy’n cwrdd am baned a chacen, cerddwyr yn ymochel rhag y tywydd neu deulu cyfan yn dod allan am ginio neu de prynhawn.
Mannau eraill i fwyta yn Stagbwll
Hefyd ar yr ystâd mae
Gardd Furiog Stagbwll* sydd wedi’i lleoli ger Coedwig Lodge Park. Mencap Sir Benfro sy’n rhedeg yr ardd, felly gwnewch amser i ddod draw i fwynhau’r caffi, yr ardd a’r siop.
Os y’ch chi’n mynd i’r traeth yna gallwch gael tamaid i’w fwyta o un o’r stondinau bwyd gerllaw. Wrth draeth Broadhaven South mae stondin y
Slow Pig* yn paratoi bwyd poeth, tymhorol. Yn Freshwater West mae
Caffi Môr*, ac mae bara lawr yn un o’r prydau arbennig yma!
(*Linc i wybodaeth sydd mewn Saesneg yn unig.)
