Tu ôl i’r llen yn Stagbwll

Mae mis prysur arall wedi pasio, gyda 2 ŵyl y banc, gŵyl a thrip prin i ffwrdd o Stagbwll i gymysgu gyda thrigolion cefn gwlad eraill yng Nghynhadledd Coetiroedd Cymru flynyddol yr Ymddiriedolaeth Genedlaethol.

Ym mis Ebrill gwnaethom groesawu’r Pasg, sy’n adeg brysur iawn i’r ystâd. Roedd yr haul yn gwenu dros y penwythnos hir, ac fe heidiodd pobl yma i fwynhau ein traethau, mynd am dro o gwmpas y pyllau lili a rhyfeddu at sioe drawiadol y garlleg gwyllt a chlychau’r gog yn y coetir.

Yn ystod y mis d’wetha’ ry’n ni wedi bwrw mla’n gyda’n gwaith coedwigo yn Stagbwll, gan roi un ymdrech fawr mewn i bethe cyn i’r gwanwyn gyrraedd go iawn. ʼSdim dowt bod newid yn yr awyr, ac mae gweld dail yn ymagor ac arogl garlleg gwyllt yn atgoffad parhaol o hyn.