Diwrnodau allan i'r teulu yng Dinefwr

Plentyn yn crwydro o amgylch Dinefwr, Sir Gaerfyrddin — Teulu’n crwydro o amgylch stâd Dinefwr, Sir Gaerfyrddin | © National Trust Images / Annapurna Mellor

Mae rhywbeth i’w wneud bob amser yn Ninefwr, waeth beth yw’r tywydd. Archwiliwch ystafelloedd eang y tŷ, dewch i weld beth sy’n newydd ym Mhentref y Tylwyth Teg, mwynhewch ginio yn y caffi, ewch am dro o amgylch y parcdir a’r coetiroedd Cymreig hynafol, neu os ydych chi’n teimlo’n egnïol, ewch i weld adfeilion urddasol Castell Dinefwr.

Cynllunio eich ymweliad gyda’r teulu

I’ch helpu i gynllunio’ch diwrnod allan ymlaen llaw, dyma ychydig o wybodaeth allweddol:

· Gallwch ddod o hyd i'n holl oriau agor yma ar gyfer gwahanol rannau'r ystâd. Cynghorwn eich bod yn cael golwg ar ein horiau agor cyn i chi deithio oherwydd gall amseroedd agor rhai rhannau newid yn dibynnu ar y tymor.

· Mae croeso i gŵn o gwmpas y rhan fwyaf o'r ystâd ac yn y tŷ a'r caffi. Darllenwch fwy am ymweld gyda’ch ffrind pedair coes yma.

· Gellir dod o hyd i’r toiledau yn y ganolfan ymwelwyr yn y maes parcio ac o fewn islawr Tŷ Newton. Mae'r toiledau anabl a’r cyfleusterau newid yn y ganolfan ymwelwyr yn y maes parcio.

· Gellir gweld prisiau mynediad ar ein tudalen we yma (Gall aelodau'r Ymddiriedolaeth Genedlaethol gael mynediad am ddim).

· Os ydych chi’n ymweld â ni mewn cadair olwyn neu gyda chadair wthio, mae mynediad gwastad o’r maes parcio i Dŷ Newton. Gellir gweld llwybrau hygyrch, gwastad o flaen Tŷ Newton, ond noder y gallai rhai llwybrau fod yn anaddas ac nid oes lifft y tu mewn i’r tŷ. Os oes angen cymorth arnoch chi, neu os oes angen rhagor o wybodaeth arnoch, gofynnwch i aelod o’n tîm cyfeillgar.

Hanner tymor mis Mai yn Ninefwr

Ymunwch â ni yn Ninefwr yn ystod hanner tymor mis Mai (dydd Sadwrn 25 Mai - dydd Sul 2 Mehefin) am hwyl ac anturio yn Nhŷ Newton ac o gwmpas yr ystâd.

Cewch gyfle i ailgysylltu â natur wrth grwydro o gwmpas yr ardd a’r parcdir, gweld clychau’r gog wedi blodeuo a’r coed yn fwrlwm o fywyd, mynd i weld y lloeau Parc Gwyn a cherdded i fyny at gastell Dinefwr i gael golygfeydd ysblennydd o’r dyffryn tu hwnt. Cadwch olwg am ein gyr o hyddod brith yn pori yn ymyl y Tŷ wrth i chi fwynhau tamaid i’w fwyta yn ein caffi.

Yn y tŷ, mae digonedd o le i grwydro o gwmpas. Dewch i fwynhau’r gemau yn yr ystafell gyfarch, a’r gwisgoedd hyfryd yr un fath â’r rhai yn y paentiadau portread. Cofiwch roi cynnig ar yr helfa ffigyrau bach LEGO - byddwn wedi symud bob un i le newydd erbyn hanner tymor. Allwch chi ddod o hyd i bob un ohonynt?

Cymerwch ran yn ein digwyddiadau teuluol drwy gydol y flwyddyn. Mae gwybodaeth am y digwyddiadau sydd ar y gweill ar gael yma.

Teithiau Cerdded yn Ninefwr

Ymgollwch ym myd natur a mwynhewch harddwch 800 acer o goetir, coed hynod a pharcdir. Mae adfeilion trawiadol tŵr castell Dinefwr yn sefyll uwchben yr ystâd ac mae llwybr yn arwain at y Castell o'r maes parcio, gyda golygfa gwirioneddol fendigedig o Ddyffryn Tywi cyfan yn wobr. Mae Dinefwr yn llawn o nifer o rywogaethau o adar a bywyd gwyllt a gellir gweld gyr lleol o geirw braenar yn pori gerllaw'r Tŷ yn aml.