Llwybr arfordir i arfordir Stad Southwood
Mwynhewch olygfeydd arfordirol ysgubol, ffermdir sy’n fwrlwm o fywyd gwyllt a choedwigoedd hudolus ar y gylchdaith 2.5 filltir hon o gwmpas traeth Niwgwl.
Cyfanswm y camau: 10
Cyfanswm y camau: 10
Man cychwyn
Maes Parcio Maidenhall, cyfeirnod grid: SM 85800 20135
Cam 1
Gan ddechrau o faes parcio Maidenhall, croeswch y ffordd a throwch i’r chwith drwy gât y cae, gan ddilyn ymyl y cae. Mae’r ffermdir yma yn cael ei reoli er budd adar ffermdir a phlanhigion âr prin, yn ogystal â chael ei bori gan wartheg a merlod.
Cam 2
Ewch drwy’r gât fetel ac ar hyd ymyl y cae nesaf, gan ddilyn yr arwyddion. Y fferm fawr yn y pellter, i’r dde, yw Fferm Southwood. Yng nghornel waelod y cae hwn mae gât law bren – ewch drwyddi a dilyn ymyl y cae isaf i’r chwith.
Cam 3
Dilynwch yr arwyddion i gyrraedd gât law bren yn y ffens. Mae’r llwybr yn mynd i lawr y gefnen o redyn a chlychau’r gog at bont dros y nant ar y gwaelod. Rydych chi nawr yn cyrraedd Fferm Southwood. Gall gwartheg a merlod fod yn y cae hwn.
Cam 4
Ewch i lawr cefnen fechan a thrwy’r gât ger nant fas, gan fynd i mewn i’r coetir a throi i’r chwith i anelu am y môr. Wrth y man lle byddwch yn croesi’r nant mae onnen drawiadol, wedi’i gorchuddio â mwsogl, rhedyn a chennau. Mae’n un o lawer o goed llawn cymeriad yn y goedwig hon.
Cam 5
Dilynwch yr arwyddion ar draws y cae y tu hwnt i’r coetir, gan groesi dyffryn nant fechan cyn dringo i’r cae nesaf, gan basio drwy ardal gorsiog i gyrraedd gât fetel ar ffin y cae. Mae’r llwybr wedyn yn troi tua’r arfordir, ar hyd coridor wedi’i ffensio.
Cam 6
Wrth i chi groesi i Pinch Hill, rydych chi’n gadael tir sydd o dan ofal yr Ymddiriedolaeth Genedlaethol. Ewch ar hyd ymyl safle chwarela bach a dilynwch y llwybr i’r gogledd, i’r dde, gan fynd i lawr llethr arfordirol i gyrraedd y maes parcio canol, reit y tu ôl i draeth Niwgwl.
Cam 7
Ewch yn ôl ar hyd y ffordd neu, yn dibynnu ar y llanw, ar hyd y traeth neu’r gefnen garegog.
Cam 8
Manteisiwch ar y caffi a’r tai bach cyhoeddus ym maes parcio Parc Cenedlaethol Arfordir Penfro ym mhen deheuol traeth Niwgwl cyn dringo’r bryn ar y ffordd.
Cam 9
Dilynwch lwybr yr arfordir oddi ar y ffordd hon. Byddwch yn ailymuno â thir sydd o dan ofal yr Ymddiriedolaeth Genedlaethol ar ôl mynd drwy’r gât law nesaf. Mae’r clogwyni o gwmpas Trwyn Maidenhall yn cael eu pori gan ein merlod a’n gwartheg yn achlysurol i gadw’r llystyfiant arfordirol mewn cyflwr da.
Cam 10
Ewch ar hyd llwybr yr arfordir, gan deithio tua’r de, cyn troi i’r chwith tua’r tir mawr. Mae pantiau bach i’w gweld yma ac acw ar y llwybr arfordirol yma – gweddillion hen waith glo Fictoraidd. Ewch drwy’r gât law bren a chroeswch y ddôl blodau gwyllt i ddychwelyd i faes parcio Maidenhall.
Man gorffen
Maes Parcio Maidenhall, cyfeirnod grid: SM 85800 20135
Map llwybr
Mwy yn agos i’r man hwn
Taith bywyd gwyllt Stad Southwood
Dewch am dro drwy ffermydd Folkeston a Trefrane, yng nghanol y stad, lle mae’r caeau’n cael eu rheoli’n ofalus i gefnogi bioamrywiaeth bywyd gwyllt.
Taith gerdded arfordirol Penmaen Dewi
Dilynwch lwybr ar hyd pentir arfordirol mwyaf dramatig Sir Benfro, dafliad carreg o Dyddewi, i ddarganfod henebion cynhanesyddol ac adar amrywiol.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Sir Benfro
Mae tirwedd Sir Benfro yn gyfuniad lliwgar o arfordir a chefn gwlad, gyda thraethau eang, gwlyptiroedd toreithiog ac ynysoedd creigiog i chi eu darganfod.
Siopa yn Nhyddewi
Mae’r siop dan ei sang ag eitemau Cymreig, lleol a chynhyrchion gan yr Ymddiriedolaeth Genedlaethol. Galwch draw i bori drwy’r casgliad neu brynu rhywbeth i gofio’ch ymweliad.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)
Teithiau cerdded arfordirol yng Nghymru
Darganfyddwch lwybrau cerdded gorau arfordir Cymru, gan fwynhau penrhynoedd prydferth, pentrefi cain, henebion cynhanesyddol a bywyd gwyllt godidog.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.