Bwyta yn Stagbwll

Ystafell de’r Tŷ Cychod yn edrych dros Gei Stagbwll, Sir Benfro. — Nhŷ te’r Tŷ Cychod yng Nghei Stagbwll | © National Trust images / Sue Jones

Mae Tŷ Te’r Tŷ Cychod yn un o ffefrynnau bwyd Sir Benfro.  Mwynhewch damaid o fwyd neu ddiod tra’n edmygu’r olygfa odidog yng Nghei’r Stagbwll.

Awydd tamaid i fwyta yng Nghei Stagbwll

Bwyd i dwymo’r galon sydd ar gael yma, gan gynnwys ffefrynnau fel tatws drwy’u crwyn, cinio gwas ffarm, cawl cartref a the hufen enwog yr Ymddiriedolaeth Genedlaethol.

Cadw pethau’n lleol

Rydym yn gwneud ymdrech arbennig i ddefnyddio cynnyrch tymhorol, lleol a ffres, a phan fyddwch yn bwyta gyda ni rydym am i chi gael blas go iawn ar Sir Benfro.

Gwybodaeth am alergenau

Mae’r rhan fwyaf o’n bwyd a diod yn cael ei baratoi ar y safle yn ein cegin gan ddefnyddio amrywiaeth eang o gynhwysion. O ganlyniad, ni allwn warantu bod ein cynhyrchion bwyd a diod yn hollol rydd o alergenau.

Os oes gennych alergedd neu anoddefgarwch ac yr hoffech weld gwybodaeth am gynhwysion bwyd a diod, gofynnwch i’r staff a fydd yn hapus i helpu.

Cadarnhewch cyn eich ymweliad

Wedi ymweld o’r blaen? Weithiau rydym yn newid ein ryseitiau i wella ansawdd a blas, gan gynnwys y cynhwysion. Ar eich ymweliad, siaradwch ag aelod o’n tîm i wirio’r wybodaeth ddiweddaraf am alergenau ar gyfer eich hoff bryd.

Lleoliad eich breuddwydion

Yn hawdd ei gyrraedd yn y car neu ar droed o unrhyw un o feysydd parcio’r stad, mae Cei Stagbwll yn fan delfrydol i fynd am dro ar hyd llwybr yr arfordir. Mae Tŷ Te’r Tŷ Cychod wedi bod yn hafan i gerddwyr ac ymwelwyr ers tro hefyd.

Mannau eraill i fwyta yn Stagbwll

Mae Gardd Furiog Stagbwll ar y stad, ger Coedwig Parc y Porth. Yn cael ei rhedeg gan Mencap Sir Benfro, galwch draw i ddal eich gwynt a mwynhau’r caffi, yr ardd a’r siop.