Y prosiect yn dechrau yn swyddogol.
Chwefror 2026
Prosiect
#Coed6 Glan Faenol - Ymestyn Gwreiddiau
- Wedi'i ddiweddaru ddiwethaf:
- 24 Medi 2026
Ein gweledigaeth yw i Glan Faenol fod yn goetir ffyniannus, gwydn ac yn gyfoethog o ran bywyd gwyllt — lle gellir rhywogaethau prin ac endemig ffynnu, a lle mae pobl yn teimlo ymdeimlad dwfn o gysylltiad a stiwardiaeth.
Wedi'i gefnogi gan y Grant Buddsoddi mewn Coetiroedd (TWIG), bydd prosiect #Coed6 Glan Faenol – Ymestyn Gwreiddiau dan arweiniad Ymddiriedolaeth Genedlaethol Cymru yn cyflawni ystod o welliannau i wella mynediad, bioamrywiaeth, ymgysylltiad cymunedol a chadwraeth treftadaeth ar draws y safle.
Gwaith adfer coetir a chau rhannau o'r llwybr
Beth sydd ar y gweill?
Mae'r gwaith hwn yn yr hydref yn dechrau creu coetir iachach a mwy gwydn yng Nglan Faenol. Mae hyn yn golygu y byddwn yn cael gwared ar gonifferau anfrodorol, sy'n barod i'w cynaeafu, ac yn plannu planhigion newydd a fydd yn cynnwys coed llydanddail brodorol a choed pinwydd yr Alban.
Cau rhannau o Lwybr Arfordir Cymru
Oherwydd y gwaith coetir, bydd y rhan o Lwybr Arfordir Cymru sy'n mynd drwy Glan Faenol ar gau o 28 Medi am thua 6 wythnos. Bydd llwybr amgen ar gael.
Adfer Coetir
Cafodd coed conwydd eu plannu yma rhai degawdau yn ôl, gan greu cynefin sy’n ecolegol wael. Mae nifer wedi cyrraedd aeddfedrwydd ac yn barod i ’w cynaeafu. Pe bai’r coed yn cael eu gadael i bydru, byddai llawer o’r carbon sydd wedi’i storio yn cael ei ryddhau yn ôl i ’r atmosffer.
Bydd cymysgedd amrywiol o goed llydanddail brodorol yn cymryd eu lle, gan gynnwys derw, bedw, criafol, gwern a chyll sydd o lawer mwy o fudd i natur. Bydd coed pinwydd yr Alban yn cael eu plannu hefyd i wella'r cynefin ar gyfer gwiwerod coch.
Bydd y gwaith hwn yn helpu i adfer iechyd a chydnerthedd ecolegol y coetir tra hefyd yn cefnogi uchelgais Glan Faenol i ddod yn rhan o Goedwig Genedlaethol Cymru.
Mynediad
Er ei leoliad prydferth ar lannau'r Afon Menai, mae mynediad gwael neu gyfyngedig yn atal rhai ymwelwyr a chymunedau rhag mwynhau'r safle.
Wedi’i gefnogi gan Grant Buddsoddi mewn Coetiroedd (TWIG), mae gwaith eisoes wedi dechrau i greu a gwella mwy na 1,300 metrau o lwybrau, gan ei gwneud yn haws i ymwelwyr archwilio a mwynhau Glan Faenol.
Bydd yr odyn galch o'r 19eg ganrif, un o nifer o nodweddion hanesyddol ar y safle, yn elwa o well mynediad, gwelededd a dehongliad, gan helpu ymwelwyr i ddarganfod a gwerthfawrogi treftadaeth gyfoethog Glan Faenol.
Cyn ac ar ôl - gwaith gwellau llwybrau yng Nglan Faenol
Llithrydd gyda delweddau cyn ac ar ôl
Gweithdy
Byddwn yn uwchraddio ein gofod gweithdy i gynnwys storfa offer, goleuadau ac ystafell ddosbarth awyr agored ar gyfer ysgolion lleol. Bydd y cyfleuster gwell yn ein helpu i recriwtio mwy o wirfoddolwyr ac yn ein galluogi i gynnal mwy o weithgareddau sgiliau coetir, fel gwaith coed, coedlannu a chasglu hadau.
Beth sydd wedi digwydd hyd yma
Grant Buddsoddi mewn Coetiroedd (TWIG)
Mae'r prosiect yn cael ei ariannu gan y Grant Buddsoddi mewn Coetir (TWIG), cynllun grant sy'n darparu cyllid i greu, adfer a gwella coetiroedd yng Nghymru, sydd yn cael ei ddarparu gan Gronfa Treftadaeth y Loteri Genedlaethol mewn partneriaeth a Llywodraeth Cymru a'u Rhaglen Coedwig Genedlaethol i Gymru.
Ein partneriaid
Ariennir y prosiect hwn gan gynllun y Grant Buddsoddi mewn Coetiroedd (TWIG). Mae'n cael ei ddarparu gan Gronfa Treftadaeth y Loteri Genedlaethol mewn partneriaeth â Llywodraeth Cymru.