Ymgynghoriad Gwersyll Fferm Gupton

Fferm Gupton

Bu hon yn fferm draddodiadol ar un adeg ac mae’r hen adeiladau nawr yn ganolbwynt i safle gwersylla croesawgar.

Mae Gupton yn ddrws i ymwelwyr sy’n aros yma sydd eisiau crwydro arfordir Sir Benfro, ac mae’n cynnig dihangfa i eneidiau anturus a’r rhai sy’n caru byd natur.

Nawr, fel rhan o gynlluniau i gael dyfodol mwy sicr i’r safle, rydym yn ceisio caniatâd cynllunio i wneud y safle gwersylla yn un parhaol gyda mwy o hyblygrwydd ynghyd â gwelliannau i gynefinoedd ar gyfer byd natur.

Y ddarpariaeth gwersylla bresennol yn Fferm Gupton

Ers 2015, rydym wedi bod yn cynnal Safle Gwersylla Fferm Gupton ar sail safle eithriedig. Mae hyn yn rhoi caniatâd dros dro i agor o fis Mawrth i fis Tachwedd.

Mae byncws (Surf Lodge) yn y gwersyll, ardal dan do (Hwb), bloc cawodydd a thoiledau a siop, ac rydym yn croesawu tua 3,000 o westeion bob blwyddyn. Mae tri chae sy’n lletya hyd at 50 o bebyll a phum llain ar gyfer faniau gwersylla. Mae’r caeau gwersylla’n cael eu cylchdroi fel caeau cyfan, er mwyn i’r tir gael gorffwys.

Cynlluniau ar gyfer y safle gwersylla yn y dyfodol

Rydym yn ceisio caniatâd cynllunio ar gyfer safle gwersylla parhaol yn Gupton, fydd yn agor am yr un nifer o ddyddiau o fis Mawrth i fis Tachwedd ac yn cadw’r un capasiti cyfan (wedi’i gapio ar 100 o bobl ar y safle fesul noson a hyd at 50 o leiniau ar werth fesul noson).

Y newid allweddol rydym yn ceisio ei gyflwyno ydy cynyddu hyblygrwydd o ran mathau o leiniau. Rydym yn cynnig cynyddu nifer y lleiniau i faniau gwersylla o 5 i 20, gan ganiatáu rhagor o hyblygrwydd a chylchdroi ochr yn ochr â lleiniau pebyll.

Byddai’r dull hyblyg hwn o weithredu yn galluogi’r safle gwersylla i addasu i’r galw tymhorol gan gadw o fewn y terfynau capasiti presennol.

Byddai ein dull o gylchdroi’r tir ar gyfer lleiniau gwersylla yn newid hefyd, ac yn hytrach na chylchdroi caeau cyfan, byddem yn cylchdroi lleiniau unigol er lles y tir a’r gwesteion.

Rydym hefyd yn bwriadu gwneud cais am bum Pod Tir fyddai’n cael eu lleoli’n dymhorol. Byddai’r rhain yn creu darpariaeth ar gyfer pobl nad oes ganddynt fynediad at eu pabell neu eu fan eu hunain ond sydd eisiau mwynhau profiad tebyg sy’n seiliedig ar natur.

Byddai’r newidiadau hyn ein galluogi i ateb y galw presennol yn well yn ystod y tymor prysuraf ac yn darparu opsiwn dichonadwy ar gyfer llety yn ystod y tymhorau ysgwydd pan mae amodau’r tywydd yn golygu bod gwersylla traddodiadol yn llai apelgar.

Byddai cael gwesteion yn aros ar draws y tymor o fudd i staff y gwersyll drwy ddarparu oriau a chyflogaeth cyson.

Mae cynigion i wneud nifer o welliannau i gynefinoedd wedi’u cynnwys yn y cais hefyd, gan gynnwys plannu gwrychoedd, gwelliannau i weirgloddiau blodau gwylltion a chyflwyno blychau ystlumod ac adar.

Dwedwch eich dweud wrthym

Rhwng 1 a 18 Chwefror, rydym yn cynnal ymgynghoriad er mwyn casglu adborth ynglŷn â’n cynlluniau arfaethedig ar gyfer Safle Gwersylla Fferm Gupton. Hoffen ni glywed eich barn; mae modd gwneud hynny mewn sawl ffordd:

Adborth wyneb-yn-wyneb:

Ymunwch â digwyddiad galw-i-mewn ymgynghoriad cymunedol yn Safle Gwersylla Fferm Gupton, SA71 5HW

• Dydd Sadwrn 7 Chwefror 2026, 2pm tan 4pm
• Dydd Iau 12 Chwefror 2026, 10am tan 12pm neu 5pm tan 7pm

Adborth ar-lein:

Cymerwch olwg ar ddogfennau cyn cyflwyno’r cais cynllunio isod a rhowch adborth drwy e-bost i guptonfarmcampsite@nationaltrust.org.uk

Prif ddogfennau'r Ymgynghoriad Statudol:

Gwersyll Fferm Gupton - Atodlen Cais Cynllunio

Gwersyll Fferm Gupton - Datganiad Cynllunio a Dylunio a Mynediad

I wneud cais am yr holl ddogfennau a restrir yn Atodlen y Cais Cynllunio i chi gael eu hystyried a rhoi’ch adborth, anfonwch e-bost at guptonfarmcampsite@nationaltrust.org.uk

Neu fel dewis arall, bydd set gyflawn o ddogfennau wedi’u hargraffu ar gael i’w gweld yn Safle Gwersylla Fferm Gupton (SA71 5HW) 9am - 5pm (yn yr Ystafell Wybodaeth) a Chanolfan Stagbwll (SA71 5DQ) ar Ystâd Stagbwll o 9am - 5pm ac yn Llyfrgell Doc Penfro.

Os cewch chi unrhyw anhawster wrth geisio cael y wybodaeth hon, rhowch alwad i ni ar 01646 623110.

Beth sydd nesaf?

Yn dilyn cyfnod o ymgynghori statudol yn ystod mis Chwefror 2026, rydym yn bwriadu cyflwyno’r cais cynllunio llawn yn ddiweddarach yn y gwanwyn. Os bydd y cais cynllunio yn llwyddiannus, y bwriad ydy dechrau gweithredu gyda chaniatâd cynllunio parhaol a’r cyfuniad newydd o leiniau yng ngwanwyn 2027.