Ystâd Colby Taith Gerdded Mount and Barns Field (Llwybr Porffor)
Cymru
Mae'r llwybr hunan-dywys hwn wedi'i farcio gan lwybr 2km o borfa wedi’i thorri sy’n mynd trwy gaeau a gwrychoedd i greu llwybr cylchol clocwedd. Mae gan y safle doreth o'r hen a'r newydd, gyda ffiniau caeau hanesyddol a llwybrau cloddio, yn ogystal â choetir llydanddail brodorol sydd wedi’i blannu’n ddiweddar (2024) gyda phyllau bywyd gwyllt drwyddi draw. Mwynhewch daith hamddenol gyda golygfeydd eang. Cadwch olwg dros amser wrth i’r safle newydd hwn ddod yn noddfa i lygod yr ŷd, gloÿnnod byw a gweision y neidr.
Eiddo ger
Colby Woodland GardenMan cychwyn
Rosemary Lane, cilfan, cyfeirnod grid: SN 15326 09934Gwybodaeth am y Llwybr
*Mae esgidiau cerdded sy’n dal dŵr yn cael eu hargymell ar gyfer y daith gerdded hon. Gall y llwybr fod yn fwdlyd, yn enwedig yn y gaeaf. Amrywio rhywfaint o dir gwastad. Mae pyllau'n beryglus i blant felly dylid eu goruchwylio.
**Ddim yn addas ar gyfer pramiau, cadeiriau olwyn na phobl gyda symudedd gwael.
***Rhaid cadw rheolaeth dynn ar gŵn bob amser a’u rhoi ar dennyn byr o gwmpas da byw ar Ystâd Colby. Cŵn ar dennyn drwy Ardd Goetir Colby. Caniateir cŵn yn yr Ystafell De. Cŵn cymorth yn unig a ganiateir yn yr Ardd Furiog. Ewch â baw eich ci gartref gyda chi.
Cyfanswm y rhannau: 6
Cyfanswm y rhannau: 6
Man cychwyn
Rosemary Lane, cilfan, cyfeirnod grid: SN 15326 09934
Rhan 1
O’r gilfan, ewch drwy’r giât fetel, ar draws yr iard a heibio adeiladau'r fferm.
Rhan 2
Ewch drwy’r giât fetel, yna parhewch ar hyd y llwybr cylchol clocwedd troellog drwy ddilyn y llwybr o borfa wedi’i thorri. Ewch drwy sawl cae a giât (yn ddibynnol ar weithgarwch pori).
Rhan 3
Ewch drwy’r giât fetel, trowch i’r chwith drwy’r giât fetel gyfagos. Ewch ymlaen tua’r dwyrain drwy’r caeau gan ddilyn y tro yn y llwybr am y de.
Rhan 4
Ewch drwy’r giât fetel, trowch i’r chwith ac ewch drwy’r giât fetel nesaf. Parhewch i ddilyn y llwybr ar draws y caeau.
Rhan 5
Pan fyddwch yn cyrraedd y giât fetel ar Rosemary Lane, croeswch y ffordd yn ofalus a dilynwch y llwybr drwy’r giât fetel sydd gyferbyn. Parhewch ar hyd y llwybr cylchol clocwedd troellog drwy ddilyn y llwybr o borfa wedi’i thorri.
Rhan 6
Mentrwch ar draws y cae olaf tuag at goeden dderw hynafol, fawr. Byddwch yn ofalus wrth fynd drwy’r giât ac ar y ffordd ar gyfer y 90m olaf yn ôl tuag at y gilfan.
Man gorffen
Rosemary Lane, cilfan, cyfeirnod grid: SN 15326 09934
Map llwybr
Colby Estate Mount and Barns Field walk (Purple Trail) map | © National Trust Images
Mwy yn agos i’r man hwn
Ymwelwch â Gardd Goedwig Colby
Mae rhywbeth i bawb yma, o hanes diymhongar yr ardd gegin wreiddiol i dreftadaeth gyfoethog yr ardd goedwig a’r lle chwarae naturiol.
Bywyd gwyllt yng Ngardd Goedwig Colby
Mae dyffryn coediog Colby dan ei sang â chreaduriaid o bob lliw a llun. Cadwch olwg am adar, pryfed, ystlumod prin ac ambell ddyfrgi hyd yn oed.
Bwyta a Siopa yng Ngardd Goetir Colby
Mae Ystafell De’r Caban, sy’n ffefryn gyda phobl leol ac ymwelwyr fei ei gilydd, yn gweini cinio blasus a chacennau sy’n tynnu dŵr o’r dannedd ac mae Galeri’r Groglofft yn gwerthu cynnyrch lleol wedi’u crefftio â llaw. Mae yna siop lyfrau ail-law a chofroddion ar gyfer yr ardd yn ein Canolfan Ymwelwyr.
Cotswold Outdoor: Ein partner cerdded
Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.
