Bwyta a Siopa yng Ngardd Goetir Colby

Cyhoeddwyd:: 04 Ebrill 2023

Golygfa allanol o adeilad y caffi ac adeilad yr oriel gyda byrddau a chadeiriau yng nghwrt Gardd Goedwig Colby, Sir Benfro — Ystafell te Y Bothy ac Oriel Gardd Goedwig Colby, Sir Benfro | © National Trust Images/Sue Jones

Mae’r ystafell de a’r galeri wedi eu lleoli mewn grŵp o ysguboriau gwyngalchog lle’r oedd gweithwyr ystad Colby’n byw, coginio a chysgu ar un adeg. Galwch heibio am rywbeth i’w fwyta, neu brynu anrheg wedi’i gwneud â llaw cyn neu ar ôl eich ymweliad â’r ardd.

Bwyta a Siopa yn Colby

Gyda chymaint i’w archwilio yng Ngardd Goetir Colby, byddwch yn siŵr o fod eisiau bwyd. Mwynhewch brydau blasus yn Ystafell De’r Caban, cyn siopa am gofroddion ac anrhegion yn Galeri’r Crefftwyr neu’r siop lyfrau ail-law a chofroddion Colby yn y Ganolfan Croesawu Ymwelwyr.

Ystafell De’r Caban

Gyda’i chasgliad o gacennau a chinio, nid yw’n anodd gweld pam fod Ystafell De’r Caban yn ffefryn gyda phobl leol ac ymwelwyr fel ei gilydd. Fe ddaeth i’r brig yn sgorio’r Ymddiriedolaeth Genedlaethol 2019 am fwyd o ansawdd yng Nghymru.

Mae’r tîm o deulu lleol sydd wedi rhedeg y caffi dros y 10 mlynedd ddiwethaf, Penny, Sam, a Charley wedi creu bwydlen sy’n llawn o fwydydd bendigedig a blasau dychmygus.

Beth sydd ar y fwydlen

Danteithion melys

Mae yna ystod o brydau fegan, llysieuol a heb glwten ar gael ar y fwydlen, felly mae rhywbeth at ddant pawb. Mae cacennau Penny’n cael eu pobi bob dydd, gyda danteithion blasus megis pecan a sinsir, courgette a leim, a siocled tywyll ac oren. Mae yna amrywiaeth o 20 gwahanol bob dydd, felly mae yna ddigon o ddewis. Am ddanteithion melysach eraill, blaswch sgon gyda hufen tolch neu mwynhewch hufen iâ o hufenfa leol.

Casgliad o ddiodydd

I yfed, mwynhewch ddiodydd poeth ac oer yn cynnwys coffi rhost lleol, te llysieuol, smŵddis sydd wedi eu cyfuno fesul archeb, a sudd afal lleol. Fel arall, pam na ddewiswch chi o’u bwydlen siocled poeth cyflawn.

Gwybodaeth alergenau

Mae yna ystod eang o fwydydd ar y fwydlen. Pan fyddwch yn ymweld, holwch un o’r tîm am y wybodaeth alergenau ddiweddaraf ar gyfer eich hoff bryd.

Two children with mugs of hot chocolate at the cafe at Osterley Park — Ymwelwyr yn mwynhau lluniaeth. | © National Trust Images/Arnhel de Serra

Siopa yn Colby

Yn y Ganolfan Croesawu Ymwelwyr fe welwch ystod o gofroddion Colby, ynghyd â’n siop lyfrau ail law sy’n cadw ystod eang o lyfrau wedi eu defnyddio ac yn helpu i godi arian i ofalu am yr ardd. Dewch i siopa, i roi llyfrau ail-law neu ddod yn wirfoddolwr.

Galwad am lyfrau ail-law.

Rydym bob amser yn chwilio am lyfrau nad yw pobl eu hangen bellach. Os ydych yn teimlo y gallwch roi rhai, ffoniwch 01834 811885 (est. 2) neu e-bostio colby@nationaltrust.org.uk Oherwydd eich gwario a’ch cymorth chi rydym yn gallu parhau i ofalu am natur, prydferthwch a hanes i bawb, am byth. Diolch.

“Mae pob llyfr sy’n cael ei roi neu ei brynu yn ein siop lyfrau ail-law yn dod â llawenydd i wirfoddolwyr ac ymwelwyr fel ei gilydd, wrth ein helpu ni i ofalu am y lle arbennig iawn hwn.”

Dyfyniad gan Ellen DaviesYmddiriedolaeth Genedlaethol Rheolwr Croeso, Gardd Goetir Colby

Galeri’r Groglofft

Mynediad mewnol Galeri’r Croglofft Gardd Goetir Colby, Sir Benfro. — Galeri’r Croglofft Gardd Goetir Colby, Sir Benfro. | © National Trust Images/Sue Jones

Mae croeso cynnes yn eich disgwyl yng Ngaleri’r Groglofft, sy’n cael ei redeg gan grefftwyr Sir Benfro, cymuned o artistiaid a chrefftwyr annibynnol sydd wedi bod yn mynd ers bron i 40 mlynedd.

Dewiswch o gasgliad eclectig o grefftau cyfoes a thraddodiadol wedi eu gwneud â llaw. Cewch hyd i grochenwaith, gemwaith, dillad wedi eu gwau, gwaith lledr wedi eu gwneud â llaw a lluniau a ffotograffau gwreiddiol yn cael eu harddangos. Cewch gwrdd â rhai o’r crefftwyr a sgwrsio am eu crefft.

Mae’r Galeri wedi ei lleoli yn ardal yr iard gerllaw Ystafell De’r Caban ac mae modd cael mynediad drwy fynd i fyny’r grisiau allanol ym mhen pellaf yr ysguboriau gwyngalchog.

Am ragor o wybodaeth ynghylch crefftwyr Sir Benfro ewch i’w gwefan fan hyn, neu ymunwch ag un o’u nifer o weithdai sy’n cael eu cynnal yn ystod y tymor gwyliau.