Llwybr Glan yr Afon Ystad Colby (Llwybr Oren)
Cymru
Mae'r daith gerdded gylchol olygfaol hon yn troelli trwy goetir yr ystâd gan ddilyn cwrs y nant ar lawr y dyffryn. Mae'r llwybr yn dringo i fyny i olygfeydd arfordirol godidog sy'n ferw o flodau gwyllt yn y gwanwyn a dechrau'r haf, cyn esgyn yn araf trwy goetir uwchben glan yr afon.
Eiddo ger
Colby Woodland GardenMan cychwyn
Maes parcio Uchaf Ystad Colby, cyf. grid: SN 15990 08175Gwybodaeth am y Llwybr
*Argymhellir esgidiau cerdded neu esgidiau cadarn ar gyfer y daith gerdded hon. Mae'r llwybr yn cynnwys tir anwastad, gyda dringfa raddol i fyny i dir fferm mwy gwastad. Gall llwybrau coetir fod yn fwdlyd. Mae yno greigiau rhydd a gwreiddiau coed agored. Mae glannau’r nant yn agored. Mae glannau nentydd yn berygl i blant a dylid eu goruchwylio. Mae'r daith gerdded yn cynnwys 6 giât. 120m o esgyniad/120m o ddisgyniad. Pwynt Uchaf 180m o uchder .
**Nid yw'n addas ar gyfer cadeiriau gwthio na chadeiriau olwyn na phobl â symudedd gwael.
***Pan yn agos at dda byw, rhaid cadw cŵn dan reolaeth agos bob amser ar dennyn byr ar Ystâd Colby. Cŵn ar dennyn drwy Ardd Goedwig Colby. Caniateir cŵn i mewn i'r Ystafell De. Dim ond cŵn cymorth a ganiateir yn yr Ardd Furiog. Ewch â baw eich ci adref gyda chi.
Canfod bywyd gwyllt
Mae'r gwanwyn yn dod â'r cyfle i weld Delor y Cnau neu Gnocell Fraith Fwyaf, gyda Gwybed Mai yn dawnsio dros ddŵr bywiog. Mae gloÿnnod byw cynnar fel y Brwmstan a'r Gwyn Blaen Oren yn dod i'r amlwg. Mae ymylon ac isdyfiant y coetiroedd yn llawn clychau'r gog. Cadwch lygad am gwningod ar ymylon tir fferm. Yn yr haf, gwrandewch am ganeuon melodig y Penlöynnod a galwad nodedig y Piod bach. Efallai y byddwch chi'n gweld brogaod a madfallod dŵr mewn ardaloedd coetir llaith. Mae ystlumod yn hela pryfed gyda'r cyfnos ar hyd llinell y coed a thros y dŵr. Yn yr hydref, chwiliwch am ffyngau, ar y coed a'r canghennau sydd wedi cwympo. Mae gwiwerod a mamaliaid bach yn casglu bwyd ar gyfer y gaeaf. Yn y gaeaf, mae'r coetiroedd yn dod yn fyw gyda heidiau o Ditwod Mawr, Titwod Tomos Las, a Thitwod Cynffon Hir yn bwydo, tra bod Adar Du, Robin Goch, a Drywod yn llenwi'r awyr â'u galwadau. Mae gwrychoedd fferm yn darparu ffynhonnell fwyd yn y gaeaf a lloches i'r Cesig y Ddrycin a'r Esgyll Cochion.
Cyfanswm y rhannau: 6
Cyfanswm y rhannau: 6
Man cychwyn
Maes parcio Uchaf Ystad Colby, cyf. grid: SN 15990 08175
Rhan 1
O'r hysbysfwrdd ym mhen uchaf y maes parcio, ewch tua'r gorllewin i lawr trwy'r maes parcio a thrwy ardal goedwig fach nes i chi gyrraedd y ffordd. Trowch i'r dde i'r ffordd. Gwyliwch am draffig.
Rhan 2
Ewch heibio i ‘Rose Cottage’ ar eich ochr dde, yna trowch yn syth i’r dde wrth y cyfeirbwynt oren, trwy’r giât fach i’r llwybr troed. Parhewch ar hyd y llwybr, gan ddilyn y nant.
Rhan 3
Daliwch ati i fynd yn syth ymlaen trwy 2 giât yn olynol a dilynwch y cyfeirbwyntiau oren. Arhoswch wrth ochr y nant gan ddilyn y llwybr wrth iddo fforchio'n sydyn i fyny'r allt.
Rhan 4
Wrth i'r llwybr ymuno â'r llwybr ceffylau mae yna esgyniad serth byr sy'n parhau o amgylch tro pedol sydyn. Ar ael y bryn chwiliwch am lwybr â giât i'r dde. Ewch i'r dde drwy'r llwybr â giât (dilynwch yr arwyddion Oren a Phinc). Ewch ymlaen i'r cyfeirbwynt pinc nesaf wrth gyffordd fforchog gyda llwybr â giât i ffwrdd i'ch chwith. Ewch i'r chwith yma drwy'r giât lai. Mae'r llwybr yn arwain at giât cae (1). Mae hon yn ardal lle caniateir cŵn ar dennyn. Arhoswch wrth ochr y gwrych ar eich ochr dde nes i chi gyrraedd cornel bellaf y cae. Ewch i'r dde drwy giât (2) ac yna'n syth i'r chwith, gan ddilyn ffin y gwrych i gornel bellaf y cae. Ewch i'r chwith drwy'r giât (3). Daliwch ati i symud yn syth ymlaen gyda'r gwrych ar eich ochr dde nes i chi fynd trwy 2 giât yn olynol gyda chyfeirbwyntiau pinc/oren yn arwain at lwybr fferm.
Rhan 5
Ar ôl mynd trwy’r giât, cymerwch y llwybr fferm llydan ar y dde tuag at ‘Fferm Craig y Borian’. Wrth y cyfeirbwynt oren, cyn cyrraedd y fferm, trowch yn ôl ar y trac isaf. Parhewch tuag i lawr wrth ddyffryn yr afon am tua 25 munud.
Rhan 6
Trowch i'r chwith i'r ffordd darmac. Ewch heibio i ‘Rose Cottage’ ar eich chwith (bwthyn gwyliau’r Ymddiriedolaeth Genedlaethol) a Thŷ Colby ar eich dde. Ychydig ar ôl Tŷ Colby, fe welwch fynedfa ar eich dde sy'n arwain at yr Ystafell De, y toiledau, yr Oriel a'r Siop Lyfrau. Rydych chi nawr yng Ngerddi Coetir Colby. I ddychwelyd i'r maes parcio uchaf, cymerwch y llwybr gyferbyn â mynedfa'r maes parcio isaf.
Man gorffen
Maes parcio Ystad Colby, cyf. grid: SN 15990 08175
Map llwybr
Colby Estate Streamside Walk (Orange Trail) Map | © Komoot
Mwy yn agos i’r man hwn
Gardd Goedwig Colby
Mae dyffryn coediog cudd Colby yn llawn rhyfeddodau annisgwyl. Gyda’i orffennol diwydiannol a’i ardd gudd, mae’n lle perffaith i ddysgu am dreftadaeth a chwarae ym myd natur.
Llwybr Lawrenni
Llwybr 3-milltir drwy goedwigoedd derw prydferth Lawrenni, gyda thraethellau lleidiog, morfeydd heli, ffosydd llanwol Garron Pill ac Afon Cresswell.
Llwybr bywyd gwyllt Stad Stagbwll
Cadwch olwg am adar môr a dyfrgwn wrth i chi ddarganfod rhai o gynefinoedd bywyd gwyllt gorau Sir Benfro ar lwybr bywyd gwyllt ar hyd yr arfordir yn Stagbwll.
Llwybr clogwyni ac ogofâu Lydstep
Mae’r llwybr hawdd hwn o gwmpas tiroedd Plas Newydd yn hwyl a sbri i’r teulu i gyd, gan gynnwys tŷ coeden a maes chwarae antur, gyda mynyddoedd Eryri ac Afon Menai yn gefndir godidog.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Ymwelwch â Gardd Goedwig Colby
Mae rhywbeth i bawb yma, o hanes diymhongar yr ardd gegin wreiddiol i dreftadaeth gyfoethog yr ardd goedwig a’r lle chwarae naturiol.
Bywyd gwyllt yng Ngardd Goedwig Colby
Mae dyffryn coediog Colby dan ei sang â chreaduriaid o bob lliw a llun. Cadwch olwg am adar, pryfed, ystlumod prin ac ambell ddyfrgi hyd yn oed.
Bwyta a Siopa yng Ngardd Goetir Colby
Mae Ystafell De’r Caban, sy’n ffefryn gyda phobl leol ac ymwelwyr fei ei gilydd, yn gweini cinio blasus a chacennau sy’n tynnu dŵr o’r dannedd ac mae Galeri’r Groglofft yn gwerthu cynnyrch lleol wedi’u crefftio â llaw. Mae yna siop lyfrau ail-law a chofroddion ar gyfer yr ardd yn ein Canolfan Ymwelwyr.
Cotswold Outdoor: Ein partner cerdded
Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
