![Ymwelydd ar Lwybr Arfordir Sir Benfro yn Stagbwll](http://nt.global.ssl.fastly.net/binaries/content/gallery/website/national/regions/wales/places/stackpole-estate/library/visitor-pembrokeshire-coast-path-stackpole-wales-.973073.jpg?auto=webp&width=767&crop=16:9&dpr=2 2x)
Llwybr bywyd gwyllt Stagbwll
Darganfyddwch rai o gynefinoedd bywyd gwyllt gorau Sir Benfro ar y llwybr bywyd gwyllt arfordirol hwn. Rhyfeddwch at glogwyni calchfaen ag adar môr sy’n bridio, gan gynnwys gwylogod, yn ogystal â thraethau, twyni a llynnoedd dŵr croyw gyda lilis a chyfle i weld dyfrgwn.
Dod o hyd i’r dyfrgwn
Cadwch olwg am y mamaliaid swil hyn ar eich taith gerdded, yn enwedig ar Gam 8. Pont yr Wyth Bwa yw’r lle gorau i’w gweld.
Cyfanswm y camau: 9
Cyfanswm y camau: 9
Man cychwyn
Maes parcio yng Nghei Stagbwll, cyfeirnod grid: SR990958
Cam 1
O faes parcio Cei Stagbwll, dilynwch lwybr yr arfordir tua Barafundle. Cymerwch saib ar gopa’r grisiau i edrych i lawr ar Gei Stagbwll, ac ar y galchfaen yn newid i dywodfaen goch i’r chwith ohonoch.
Cam 2
Wrth gyrraedd Barafundle, ewch i lawr y grisiau i’r tywod. Croeswch y traeth, a dringwch y grisiau drwy’r coetir yn y pen pellaf.
![Ymwelydd yn cael hoe ar lwybr yn Stagbwll i edrych ar draws y traeth ym Mae Barafundle, Sir Benfro, Cymru](http://nt.global.ssl.fastly.net/binaries/content/gallery/website/national/regions/wales/places/stackpole-estate/library/barafundle-bay-stackpole-pembrokeshire-wales-1602562.jpg?auto=webp&width=684&dpr=2 2x)
Cam 3
Dilynwch lwybr yr arfordir tua Thrwyn Stagbwll, gan aros i edmygu’r Ffenestri Delltog, y bwâu carreg naturiol oddi tanoch.
Cam 4
Ewch yn eich blaenau ar hyd llwybr yr arfordir, gyda glaswelltir eang Cwningar Stagbwll i’r dde ohonoch. Yn y gwanwyn a’r haf mae’n fôr o flodau gwyllt a phili-palod.
Cam 5
Mae sawl llwybr yn eich tywys i lawr at lannau Llynnoedd Bosherston. Anelwch at arllwysfa’r llyn y tu cefn i Draeth Aber Llydan. Mae’r gwely cyrs ymylol cul yn lle gwych i wylio adar, gydag adar sy’n bridio yn yr haf ac adar y bwn a rhegennod dŵr yn y gaeaf.
Cam 6
Croeswch y bont garreg bitw dros yr arllwysfa a dilynwch lwybr Cangen y Gorllewin tua Bosherston. Gallwch aros yn Bosherston am rywbeth i fwyta ac yfed; fel arall, cadwch at y llwybr.
Cam 7
Croeswch Sarn Bosherston, dringwch dros y clogwyn calchfaen a chroeswch y Sarn Ganol. Dyma’r pyllau lili enwog. Fe welwch y lilis dŵr o fis Mehefin i fis Medi. Dilynwch y llwybr i lawr i’r Bont Welltog.
Cam 8
Peidiwch â chroesi’r Bont Welltog - trowch i’r chwith a dilynwch lwybr y Gangen Ddwyreiniol i fyny i Bont yr Wyth Bwa.
![Pâr o ddyfrgwn yn sbecian uwchben y dŵr ymysg y lilis dŵr yn Stagbwll, Sir Benfro, Cymru.](http://nt.global.ssl.fastly.net/binaries/content/gallery/website/national/regions/wales/places/stackpole-estate/library/otters-lily-pond-stackpole-pembrokeshire-wales-1151882.jpg?auto=webp&width=684&dpr=2 2x)
Cam 9
Croeswch Bont yr Wyth Bwa, a dilynwch drac y Parc Ceirw yn ôl i Gei Stagbwll.
Man gorffen
Maes parcio yng Nghei Stagbwll, cyfeirnod grid: SR990958
Map llwybr
![Map yn dangos llwybr bywyd gwyllt Stagbwll](http://nt.global.ssl.fastly.net/binaries/content/gallery/website/national/regions/wales/places/stackpole-estate/library/stackpole-wildlife-walk-trail-map.jpg?auto=webp&width=767&dpr=2 2x)
Mwy yn agos i’r man hwn
![Cangen orllewinol Llyn Bosherston, Sir Benfro](http://nt.global.ssl.fastly.net/binaries/content/gallery/website/national/regions/wales/places/stackpole-estate/library/summer/the-western-arm-of-bosherston-lake-pembrokeshire-1360262.jpg?auto=webp&width=505&crop=16:9&dpr=2 2x)
Llwybr Pyllau Lili Bosherston yn Stagbwll
Am daith gerdded sy’n fwrlwm o fywyd gwyllt drwy gydol y flwyddyn, dilynwch lwybr Pyllau Lili Bosherston yn Stagbwll, lle gallwch hefyd grwydro twyni a phyllau dŵr Cwm Mere Pool y tu ôl i draeth Aber Llydan.
![Golygfa o’r Bont Wyth Bwa dros y Llyn Pysgod yn Stagbwll](http://nt.global.ssl.fastly.net/binaries/content/gallery/website/national/regions/wales/places/stackpole-estate/library/autumn/eight-arch-bridge-over-the-fish-pond-at-stackpole-pembrokeshire-1263852.jpg?auto=webp&width=505&crop=16:9&dpr=2 2x)
Llwybr cyfrinachau Llys Stagbwll
Dysgwch am hanes y teulu Cawdor a mwynhau golygfeydd godidog ar lwybr cyfrinachau Llys Stagbwll.
Cysylltwch
Ein partneriaid
![Cotswold Outdoor](http://nt.global.ssl.fastly.net/binaries/content/gallery/website/national/partners/cotswold-outdoor-logo.jpg?auto=webp&width=156&crop=1:1&dpr=2 2x)
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
![A person walking along the South West Coast Path at East Soar, South Devon](http://nt.global.ssl.fastly.net/binaries/content/gallery/website/national/regions/devon/places/east-soar/library/walking-the-south-west-coast-path-east-soar-south-devon-1423843.jpg?auto=webp&width=505&crop=16:9&dpr=2 2x)
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)
![Dwy ferch yn cerdded ar lwybr trwy'r goedwig yn Stad Southwood, Sir Benfro yng Nghymru](http://nt.global.ssl.fastly.net/binaries/content/gallery/website/national/regions/wales/places/southwood-estate/library/visitors-walking-southwood-estate-pembrokeshire-wales-1386592.jpg?auto=webp&width=505&crop=16:9&dpr=2 2x)
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
![A group of people in a hiking group are being guided on a hike by rangers at Marsden Moor, West Yorkshire](http://nt.global.ssl.fastly.net/binaries/content/gallery/website/national/library/our-cause/communities/hiking-group-on-a-guided-hike-led-by-rangers-at-marsden-moor-west-yorkshire-1618381.jpg?auto=webp&width=505&crop=16:9&dpr=2 2x)
Cotswold Outdoor: ein hunig bartner cerdded
Dysgwch ragor am bartneriaeth barhaus yr Ymddiriedolaeth Genedlaethol gyda Cotswold Outdoor fel ein hunig bartner cerdded. (Saesneg yn unig)
![An aerial view of an adult and baby walking a dog along a path at Baggy Point, Devon](http://nt.global.ssl.fastly.net/binaries/content/gallery/website/national/regions/devon/places/baggy-point/library/autumn/adult-child-dog-walking-cliff-baggy-point-devon-1204387.jpg?auto=webp&width=505&crop=16:9&dpr=2 2x)
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
![Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.](http://nt.global.ssl.fastly.net/binaries/content/gallery/website/national/regions/northern-ireland/places/divis-and-the-black-mountain/library/people-walk-divis-black-mountain-1416521.jpg?auto=webp&width=505&crop=16:9&dpr=2 2x)
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
![Elyrch ar Lynnau Stagbwll , Sir Benfro](http://nt.global.ssl.fastly.net/binaries/content/gallery/website/national/regions/wales/places/stackpole-estate/library/summer/swans-stackpole-lake-pembrokeshire-sue-jones.jpg?auto=webp&width=505&crop=16:9&dpr=2 2x)
Gwylio bywyd gwyllt yn Stagbwll
Mae Stagbwll yn gartref i bob math o greaduriaid, o’r dyfrgwn enwog i nythfa fwyaf Cymru o ystlumod pedol mwyaf.
![Ystafell de’r Tŷ Cychod yn edrych dros Gei Stagbwll, Sir Benfro.](http://nt.global.ssl.fastly.net/binaries/content/gallery/website/national/regions/wales/places/stackpole-estate/library/the-boathouse-tearoom-stackpole-pembrokeshire-sue-jones.jpg?auto=webp&width=505&crop=16:9&dpr=2 2x)
Bwyta yn Stagbwll
Mwynhewch ffefrynnau ffein yn Nhŷ Te’r Tŷ Cychod a golygfeydd godidog o Gei Stagbwll.
![Dyn ar feic mynydd yn reidio drwy goetiroedd godidog gwyrdd](http://nt.global.ssl.fastly.net/binaries/content/gallery/website/national/regions/wales/places/stackpole-estate/library/stackpole-mountain-biking.jpg?auto=webp&width=505&crop=16:9&dpr=2 2x)
Gweithgareddau awyr agored yn Stagbwll
Mae awyr iach Stagbwll yn siŵr o roi gwynt yn eich hwyliau. Mae angen natur ar bawb, ac mae cyfoeth ar gael yn Stagbwll. Dysgwch ble y gallwch aros yn Stagbwll hefyd.