Llwybr clogwyni ac ogofâu Lydstep
Llwybr ar hyd y clogwyni sy’n cynnig golygfeydd godidog o’r môr a chyfleoedd gwych i wylio bywyd gwyllt. Mae’r glaswelltir yn gyfoeth o flodau gwyllt a phili-palod, tra bod y clogwyni’n gartref i frain coesgoch, adar drycin y graig a gwylanod. Ar ddiwrnod clir fe welwch Ynys Wair ac arfordir Gwlad yr Haf, ac fe allech fod yn ddigon lwcus i weld dolffiniaid neu lamidyddion yn y dŵr.
Eiddo ger
Tudor Merchant's HouseMan cychwyn
Maes parcio Pentir Lydstep, cyfeirnod grid: SS087977Gwybodaeth am y Llwybr
Cyfanswm y rhannau: 8
Cyfanswm y rhannau: 8
Man cychwyn
Maes parcio Pentir Lydstep, cyfeirnod grid: SS087977
Rhan 1
O’r maes parcio cerddwch tuag at y môr heibio i biler concrid a llwyfan tanio o’r Ail Ryfel Byd. Lle mae’r llwybr yn gwahanu, trowch i’r dde i weld y traeth, yr ogofâu a draw at Faes Saethu Maenorbŷr.
Rhan 2
Dilynwch y llwybr o gwmpas tua’r chwith drwy’r llwyni eithin. Efallai y cewch gwrdd â’r gwartheg sy’n pori’r pentir i ni.
Rhan 3
Lle mae’r llwyni’n agor allan i laswelltir arfordirol, fe welwch Ynys Bŷr gyda’i goleudy o’ch blaen. Ar ddiwrnodau clir gallwch weld Ynys Wair ac arfordir Gwlad yr Haf ar y gorwel.
Rhan 4
Mae’r clogwyni calchfaen, gyda’u plygiadau fertigol trawiadol, yn boblogaidd gyda dringwyr ac efallai y gwelwch bysgotwyr ar y creigiau islaw.
Rhan 5
Wrth i chi gyrraedd pen draw’r pentir, cewch olygfeydd o Bwynt Giltar a Bae Caerfyrddin yn ei gyfanrwydd, yr holl ffordd rownd i Benrhyn Gŵyr.
Rhan 6
Dilynwch yr arfordir hyd at y chwarel uwchben Lydstep Haven, pentref gwyliau mawr wedi ei dirlunio’n dda.
Rhan 7
Ewch ymlaen drwy ddarn bach o goedwig ac yn ôl i’r maes parcio.
Rhan 8
I archwilio’r ogofâu, cadwch i’r dde wth i chi adael y maes parcio ac ewch i lawr y 100 o stepiau at y traeth. Dim ond gyda’r distyll (llanw isel) y mae’n bosib i chi fynd i’r ogofâu felly gwnewch yn siŵr eich bod yn gwybod beth yw amserau’r llanw os hoffech chi fynd i archwilio.
Ogof Pentir Lydstep, Sir Benfro | © National Trust Images/Robert Morris Man gorffen
Maes parcio Pentir Lydstep, cyfeirnod grid: SS087977
Map llwybr
Map llwybr clogwyni ac ogofâu Lydstep | © Crown copyright and database rights 2013 Ordnance Survey
Mwy yn agos i’r man hwn
Tŷ’r Masnachwr Tuduraidd
Tŷ masnachwr o’r 15fed ganrif yng nghanol tref hanesyddol Dinbych-y-pysgod.
Llwybr bywyd gwyllt Stad Stagbwll
Cadwch olwg am adar môr a dyfrgwn wrth i chi ddarganfod rhai o gynefinoedd bywyd gwyllt gorau Sir Benfro ar lwybr bywyd gwyllt ar hyd yr arfordir yn Stagbwll.
Llwybr Pyllau Lili Bosherston â Stad Stagbwll
Os hoffech daith gerdded sy’n fwrlwm o fywyd gwyllt drwy gydol y flwyddyn, ewch ar hyd llwybr Pyllau Lili Bosherston â Stad Stagbwll, lle gallwch hefyd grwydro twyni a phyllau Cwm Mere Pool y tu ôl i draeth Aber Llydan.
Llwybr cyfrinachau Llys Stagbwll
Dysgwch am hanes y teulu Cawdor a mwynhau golygfeydd godidog ar lwybr cyfrinachau Llys Stagbwll.
Cysylltwch
Tŷ’r Masnachwr Tuduraidd, Quay Hill, Dinbych y Pysgod, Sir Benfro, SA70 7BX
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Llwybrau cerdded i’r teulu
Mwynhewch ddiwrnod allan gyda’r teulu gyda thaith gerdded yn yr awyr iach, gyda llawer o bethau diddorol i bawb o bob oedran ar hyd y daith. (Saesneg yn unig)
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Cotswold Outdoor: Ein partner cerdded
Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch.(Saesneg yn unig)
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Teithiau cerdded arfordirol yng Nghymru
Darganfyddwch lwybrau cerdded gorau arfordir Cymru, gan fwynhau penrhynoedd prydferth, pentrefi cain, henebion cynhanesyddol a bywyd gwyllt godidog.