Taith gerdded Sarn y Plas
Taith gylchol weddol heriol o amgylch waelod Rhiw, gan basio Sarn y Plas, a fu unwaith yn gartref i'r bardd R.S. Thomas a'r arlunydd ME (Elsi) Eldridge. Roedd eu gwaith wedi’u hysbrydoli’n ddwfn gan dirwedd a natur Llŷn.
Cyfanswm y camau: 12
Cyfanswm y camau: 12
Man cychwyn
Maes parcio Plas yn Rhiw - Cyfeirnod grid: SH237282
Cam 1
Trowch i'r dde allan o'r maes parcio a dilynwch y ffordd. Unwaith y byddwch wedi mynd heibio’r bwthyn ar y dde i chi, edrychwch am arwydd glas Llwybr yr Arfordir. Gadewch y ffordd yn y fan hon a dilynwch hen ffordd y Rhiw.
Cam 2
Stopiwch wrth y grisiau i fwthyn Sarn y Plas, lle'r oedd R.S Thomas yn byw gyda'i wraig Elsi Eldridge o 1978 to 1996.
Cam 3
Parhewch ar hyd yr hen lôn trwy faes carafanau Treheli nes cyrraedd y ffordd. Ewch yn syth ar draws a dilyn y trac i Dy’n y Parc.
Cam 4
Dilynwch y llwybr heibio fythynnod gwyliau’r Ymddiriedolaeth Genedlaethol yn Nhy’n y Parc, gan gadw i’r dde wrth y fforch nes cyrraedd giât bren. Ewch drwy'r giât ac ewch ymlaen ar hyd y trac.
Cam 5
Byddwch yn cyrraedd llannerch ar ddiwedd y trac. O'ch blaen, fe welwch fwthyn gwyn. Dilynwch y llwybr y tu ôl i'r bwthyn hwn, gan gadw i'r chwith wrth y fforch.
Cam 6
Tuag at ddiwedd y rhan hon o'r trac, fe welwch dro sydyn i'r chwith gyda llwybr yn mynd trwy'r coetir. Dilynwch y llwybr hwn drwy’r coed nes i chi ddod at ddiwedd y llwybr coediog.
Cam 7
Wrth y cyfeirbwynt melyn, dilynwch y llwybr i'r dde, gan fynd dros gamfa garreg fechan.
Cam 8
Ar ôl ychydig, fe ddowch at fforch arall yn y llwybr. Cymerwch y llwybr ar y dde a’i ddilyn y tu ôl i’r tŷ nes i chi gyrraedd giât fetel bychan.
Cam 9
Ewch drwy'r giât a dilynwch y trac nes i chi gyrraedd y lôn.
Cam 10
Trowch i’r chwith a dilynwch y ffordd nes i chi gyrraedd Eglwys Sant Aelrhiw.
Cam 11
Trowch i'r chwith wrth y blwch post a dilynwch y ffordd i lawr i Blas yn Rhiw. Yma gallwch ymweld â Phlas yn Rhiw a stopio am luniaeth yn yr ystafell de.
Cam 12
Dilynwch y llwybr o Blas yn Rhiw yn ôl i’r maes parcio.
Man gorffen
Maes parcio Plas yn Rhiw
Map llwybr
