Gwirfoddoli yng Nghastell Powis

Gwirfoddolwyr yn edrych ar y Bwrdd Pietra Dura Rhufeinig | © National Trust Images/Paul Harris

Awydd antur newydd? Ydych chi erioed wedi dychmygu sut brofiad fyddai gwirfoddoli mewn castell canoloesol mewn gardd fyd enwog?

Cyfleoedd presennol

Mae gennym amryw o gyfleoedd gwirfoddoli ar gael, felly os ydych yn dod â blynyddoedd o brofiad gyda chi, neu'n awyddus i drio rhywbeth newydd, byddem wrth ein boddau yn eich cyfarfod.

Mae sawl ffordd y gallwch ymuno â ni a dod yn aelod gwerthfawr o'r tîm. O groesawu ymwelwyr i ystafelloedd addurnedig crand y castell, yn adrodd ei straeon diddorol a dangos yr ardd fyd enwog i bobl, i roi cymorth inni edrych ar ôl eitemau hanesyddol sydd yn ein gofal a darparu gwasanaeth croesawgar yn y siop a'r caffi - mae yna rywbeth i bawb.

Gallwch gael rhagor o wybodaeth am y rolau ac ymgeisio ar-lein fan hyn, neu e-bostio volunteeringpowis@nationaltrust.org.uk yn uniongyrchol.

Volunteers on the terrace at Powis Castle | © National Trust Images / Paul Harris

Sut brofiad yw gwirfoddoli gyda ni

Rydym yn credu'n gryf yng ngwerth amrywiaeth, felly gallwch gael profiad o amrywiol o rolau pe dymunech. Mae pob dydd yn antur newydd ac mae gwirfoddoli yn ffordd wych o gyfarfod pobl newydd, i ddysgu rhywbeth newydd a bod yn rhan o elusen gadwraeth fwyaf Ewrop. Rydym bob amser yn annog gwirfoddolwyr i gynnig syniadau newydd a bod o gymorth inni sicrhau bod yr hyn a gynigiwn i'n hymwelwyr yn ddim llai na gwych.

Gallwch hefyd fwynhau y buddion canlynol:

Mynediad rhad ac am ddim i bob eiddo'r Ymddiriedolaeth Genedlaethol;
Gostyngiadau yn ein siopau ac ystafelloedd te;
Cylchlythyr eiddo misol i gael y newyddion diweddaraf;
Rota hyblyg ar-lein, fel y gallwch ddewis eich dyddiau a ffitio'r gwirfoddoli i'ch siwtio chi;
Mynediad at wybodaeth a chyngor i fod o gymorth ichi elwa i'r eithaf o'ch profiad gwirfoddoli; Costau teithio rhwng eich cartref a Chastell Powis (hyd at filltiroedd penodol).

Volunteers in the Long Gallery at Powis Castle, Wales | © National Trust Images / Paul Harris

Beth ydym ni'n ei ddisgwyl gennych chi

Mae ein gwirfoddolwyr yn cynnig croeso cynnes i bawb, gan sicrhau bod ymwelwyr yn cael profiad gwerth chweil. Maen nhw'n gwneud i'n hymwelwyr deimlo'n arbennig, wedi eu hysbrydoli, a chwilfrydig, fel eu bod yn gadael yn teimlo'n anhygoel ac yn awyddus i ymweld eto'n fuan.

Nid ydym yn chwilio am haneswyr neu arbenigwyr cymwys, dim ond pobl gyfeillgar, groesawgar sydd â gwir ddiddordeb yng Nghastell Powis ac sydd eisiau rhannu ei straeon, fel y gall pawb ei fwynhau, am byth.