Fy Nghyfrif

Cwestiynau cyffredin

• A allaf ddal i’ch ffonio os nad ydw i am fynd ar-lein?

  Gallwch, gallwch ddal i ffonio’r Ganolfan Gwasanaethau Cefnogwyr ar 0344 800 1895.

• Pam nad oes dewis digidol o’r Llawlyfr?

  Yn ein hymchwil, dywedodd llawer o aelodau wrthym eu bod yn hoffi’r fersiwn brintiedig o’r Llawlyfr, a gofynnodd eraill am gael y dewis i beidio â derbyn Llawlyfr printiedig. Rydym am roi dewis i bawb, felly yn Fy Nghyfrif gallwch ddewis peidio â derbyn Llawlyfr printiedig. Os yw’n well gennych ymchwilio i leoedd yr Ymddiriedolaeth Genedlaethol ar-lein, mae’r holl wybodaeth sydd yn y Llawlyfr printiedig a mwy ar gael ar ein gwefan.

• Beth yw’r fersiwn ddigidol o gylchgrawn yr Ymddiriedolaeth Genedlaethol?

  Mae gan fersiwn ddigidol Cylchgrawn yr Ymddiriedolaeth Genedlaethol ddewisiadau i’w wneud yn fwy hygyrch i bawb i’w ddarllen, a byddwch hefyd yn dod ar draws pethau ychwanegol fel fideos a phodlediadau i gyd-fynd â rhai o’r erthyglau ysgrifenedig.

  Er mwyn rhoi gwybod i ni a fyddech yn hoffi derbyn y fersiwn digidol, gallwch wneud hynny trwy Fy Nghyfrif. Cofrestrwch neu fewngofnodi, a dewis pa gylchgrawn hoffech chi ei gael dan ‘Dewisiadau aelodaeth’ yn yr adran ‘Fy aelodaeth’.

  Pe byddai’n well gennych barhau i dderbyn eich cylchgrawn wedi’i argraffu, nid oes angen i chi wneud dim.

• Sut gallaf ddiweddaru fy nghaniatadau e-bost?

  Os mai chi yw’r aelod arweiniol (y person sy’n talu am yr aelodaeth), gallwch ddefnyddio Fy Nghyfrif i ddiweddaru eich dewisiadau marchnata.

  Os nad chi yw’r aelod arweiniol, neu os byddai’n well gennych gysylltu â ni mewn ffordd wahanol, gallwch ffonio’r Ganolfan Gwasanaethau Cefnogwyr ar 0344 800 1895 neu anfon e-bost ar enquiries@nationaltrust.org.uk.

  Os ydych yn aelod newydd, gallwch roi eich caniatâd i ddeunydd marchnata wrth ymuno ar-lein, neu mewn lle dan ein gofal gan ddefnyddio’r ffurflen gofrestru.

• Gyda phwy y dylwn i gysylltu os byddaf yn cael problemau yn cofrestru ar Fy Nghyfrif neu fewngofnodi iddo?

  Os byddwch yn cael problemau gyda Fy Nghyfrif, ffoniwch y Ganolfan Gwasanaethau Cefnogwyr ar 0344 800 1895.

• Pryd y bydd pobl eraill ar aelodaeth yn gallu rheoli eu haelodaeth trwy Fy Nghyfrif?

  Rydym yn dal i ddatblygu Fy Nghyfrif ac yn archwilio nodweddion newydd i’w cyflwyno yn y dyfodol fel bod aelodau ychwanegol hefyd yn gallu cael mynediad i Fy Nghyfrif.

• Beth ddigwyddodd i Fy Ymddiriedolaeth Genedlaethol?

  Rydym wedi diweddaru rhai o’n systemau TG fel ein bod yn gallu cynnig profiad gwell i chi. Mae Fy Nghyfrif yn rhoi mwy o hyblygrwydd i chi reoli eich aelodaeth ar-lein. Mae’n rhoi cyfle i chi ddewis sut y byddwch yn clywed gennym, a gallwch ei ddefnyddio i wneud newidiadau i’ch aelodaeth ar-lein.