Dysgwch sut yr ydym yn ail ddehongli’r tŷ masnachwr olaf i oroesi er mwyn gallu rhannu hanes y lle arbennig hwn gyda’r holl ymwelwyr. Mae’r tŷ yn rhan bwysig o’r gymuned leol ac rydym yn cynnwys gwahanol randdeiliaid i helpu i ddatblygu’r cynlluniau. Dysgwch ragor am y newidiadau wrth i’r prosiect ddatblygu.
Gwelodd Tŷ Aberconwy lawer o newidiadau o ran arddangosfa neu’r ffordd y mae’n cael ei ddehongli ers canol yr 1990au. Mae’r ffordd y mae ymwelwyr yn mwynhau amgueddfeydd ac adeiladau treftadaeth hefyd wedi newid. Rydym yn gweld mwy o ymweliadau gan deuluoedd ac fe fyddem yn hoffi defnyddio dull gwahanol o rannu hanes difyr y lle arbennig hwn. Rydym hefyd eisiau gweithredu fel lle i’r gymuned leol ei ddefnyddio.
Adeiladwyd Tŷ Aberconwy yn yr 14eg ganrif, a dyma’r unig dŷ masnachwr sydd wedi goroesi yng Nghonwy. Mae’n cynnwys dau lawr isaf o garreg sy’n cynnal llawr arall ffrâm bren sy’n ymwthio allan dros y stryd.
Ychydig sy’n hysbys am hanes cynnar y tŷ ond daeth dan ofal yr Ymddiriedolaeth Genedlaethol yn 1934. Roedd wedi ei brynu cyn hynny gan Alexander Campbell Blair oedd wedi ei achub rhag cael ei bacio a’i gludo i’r Unol Daleithiau.
Mae Tŷ Aberconwy wedi cael ei ddefnyddio ar gyfer nifer o bethau ar hyd y blynyddoedd fel man cymdeithasol yng nghanol prysurdeb tref Conwy. Rydym yn gweithio gyda’r gymuned, partneriaid a rhanddeiliaid i ddatblygu defnydd y lle arbennig hwn at y dyfodol. Mae Tŷ Aberconwy yn adeilad pwysig i’r gymuned leol a bydd gwasanaethu’r gymuned honno yn ganolog i’n cynlluniau wrth symud ymlaen. Dewch yn ôl i gael y newyddion diweddaraf am ddatblygiad Tŷ Aberconwy.
Awst 2021
Tra’r oedd y tŷ ar gau i ymwelwyr, ni wnaeth y gwaith cadwraeth stopio. Roedd y tîm o staff a gwirfoddolwyr yn brysur yn gofalu am y lle arbennig hwn. Roedd y gwaith yn cynnwys glanhau’r ffenestri, golchi’r drysau, ysgubo’r grisiau. Daethpwyd â phlanhigion i’r tŷ i roi dipyn o fywyd iddo. Mae’r gwaith yn helpu i sicrhau bod y tŷ arbennig yma’n parhau i synnu ymwelwyr yn Stryd y Castell, Conwy.
Mae pawb angen natur, nawr yn fwy nag erioed. Rhowch heddiw ac fe allech helpu pobl a natur i ffynnu yn y lleoedd dan ein gofal.
A world-famous garden home to National Collections and Champion Trees | Gardd fyd enwog yn gartref i Gasgliadau Cenedlaethol a Choed Campus