Ystafelloedd Swyddogol Y Castell
Dros 400 mlynedd, comisiynodd y teulu Herbert artistiaid i dyfu eu casgliad gwych o baentiadau, tapestrïau, dodrefn, a cherfluniau. Mae sut rydych chi'n gweld y castell heddiw yn adlewyrchu eu gweledigaethau a'u huchelgeisiau ar gyfer eu cartref. Mae pob modfedd o Gastell Powis wedi'u haddurno â manylion cywrain, hardd. Wrth i chi grwydro drwy ystafelloedd swyddogol y castell, cewch eich tywys ar daith o’r gorffennol. O Oes Elisabeth drwodd i Oes Edward, gwnewch yn siwr eich bod yn oedi am funud ym mhob ystafell i gymryd y cyfan i mewn.
Yr Ystafell Fwyta Swyddogol
Trawsnewidiwyd y Neuadd Fawr ganoloesol gan bensaer yr Adfywiad Gothig, G.F. Bodley, yn ystafell fwyta arddull Jacobeaidd addurnedig. Yn seiliedig ar ddyluniadau yr oedd George Herbert, 4ydd Iarll Powis, yn eu hedmygu'n fawr yn Amgueddfa Victoria ac Albert.
Yma gallwch weld portreadau teuluol pwysig, gan gynnwys pâr o bortreadau o ddechrau 1600 i ddathlu priodas William Herbert ac Eleanor Percy, Arglwydd 1af ac Arglwyddes Powis.
Yr Ystafell Groeso Las
Wedi'i lleoli ar ben y Grisiau Mawr, ac yn cael ei hadnabod fel y Siambr Fawr neu'r Salŵn yn Oes Elisabeth, byddai gwesteion yn bwyta, yfed ac yn cael eu diddanu yma. Nid yw'r ystafell wedi newid rhyw lawer ers 1705 pan gomisiynwyd Gerard Lanscron i beintio'r nenfwd, ac mae llawer o'i nodweddion addurnol i'w gweld hyd heddiw.
Sylwch ar y ddwy gist ddroriau gwych, a wnaed o baneli o lacr Tsieineaidd gan Pierre Langlois.
Yr Ystafell Wely Swyddogol
Un o'r ychydig ym Mhrydain i gadw cynllun ffurfiol alcof gwely wedi'i osod y tu ôl i reilen, cynlluniwyd yr ystafell hon ar gyfer ymweliadau brenhinol. Mae ei chymeriad baróc yn awgrymu dyddiad creu yn y 1660au neu'r 1670au, er na arhosodd preswylydd brenhinol ynddi tan yr 20fed ganrif.
Mae'r gwely ei hun wedi'i wneud yn rhannol o fahogani euraidd ac wedi'i orchuddio â melfed sidan rhuddgoch - oedd yn arwydd o gyfoeth a statws. Byddai'r rhai a oedd yn dymuno croesawu preswylwyr brenhinol yn dodrefnu eu cartref â dodrefn wedi'u gorchuddio â dail arian, y gallwch eu gweld o hyd ar y cadeiriau heddiw.
Cynlluniwch eich ymweliad
Mae’r castell ar agor bob dydd rhwng 12pm a 4pm (mynediad olaf 3.30pm). Nodwch: ni chaniatäer ffotograffiaeth yn y castell .
Pethau eraill o ddiddordeb i chi
Hanes yr ardd yng Nghastell Powis
Crwydrwch baradwys o ardd yng Nghymru, gyda 300 mlynedd o drawsnewid gardd yn cynnig haenau lawer o hanes i’w harchwilio.
Bwyta a siopa yng Nghastell Powis
Ar ôl crwydro’r castell neu deithio trwy’r terasau, dadebrwch gydag un o’r danteithion blasus o Fwyty’r Cwrt, neu ewch ag anrheg adref o’r siop i’ch helpu i gofio diwrnod gwych.
Y casgliad yng Nghastell Powis
Dewch i ymweld i ddysgu rhagor am y casgliadau byd-eang ym Mhowis, gan gynnwys cerfluniau, dodrefn a thecstilau o Ewrop, India a Dwyrain Asia.