Darganfyddwch fwy yng Nghastell a Gardd Powis
Dysgwch pryd mae Castell a Gardd Powis ar agor, sut i gyrraedd yno, pethau i’w gweld a’u gwneud a mwy.
Bwyta a siopa yng Nghastell Powis
Ar ôl crwydro’r castell neu deithio trwy’r terasau yng Nghastell Powis, sbwyliwch eich hun ym Mwyty’r Cwrt, prynwch anrheg yn y siop, neu chwiliwch am fargen yn y siop lyfrau ail-law.
Bwyta yng Nghastell a Gardd Powis
Mae’n cogyddion yn falch o weini bwydlen dymhorol, gan ddefnyddio cynhyrchion lleol a masnach deg pryd bynnag y bydd yn bosibl. Boed yn felys neu’n sawrus, rydym yn siŵr o fod â rhywbeth at eich dant.
Caffi’r Cwrt
Wedi ei osod yn yr hyn a fu unwaith yn stabl, mae Caffi’r Cwrt ar agor bob dydd yn gweini cinio poeth, brechdanau, danteithion sawrus, cacennau a diodydd poeth ac oer
Os bydd y tywydd yn dda, bwytwch al fresco a mwynhau golygfa hardd o’r castell o’n byrddau yn y cwrt. Pam nad ewch chi â diod boeth neu frechdan i’r ardd a dod o hyd i’r lle perffaith am bicnic?
Siop Goffi’r Ardd
Crwydrwch i lawr i Siop Goffi’r Ardd sy’n cuddio yn yr ardd ffurfiol Edwardaidd. Dyma’r lle perffaith i fwynhau hufen ia neu fyrbryd ysgafn, gan edmygu arogleuon a golygfeydd hyfryd ein gardd.
Bwydlen plant
Mae’r plant wrth eu boddau yn dewis eu blychau cinio lliwgar eu hunain a dewis pa brydau iach a blasus y bydden nhw’n hoffi eu cael ynddyn nhw. Fe allan nhw fwynhau eu cinio dan do neu bicnic tu allan os yw’r tywydd yn dda.
Gall plant hefyd ddewis o’n bwydlen dymhorol a mwynhau fersiynau llai o’n prif brydau.
Darn o ddanteithion Cymreig
Mwynhewch flas traddodiadol Cymru trwy flasu tafell o’n bara brith blasus pan fyddwch yn ymweld. Mae rysáit ein cogydd yn gyfrinach sy’n cael ei chadw’n hynod o ofalus ac rydym yn meddwl ei fod yn arbennig iawn.
Gwybodaeth am alergenau
Mae’r rhan fwyaf o’n bwyd a diod yn cael ei baratoi ar y safle yn ein cegin gan ddefnyddio amrywiaeth eang o gynhwysion. O ganlyniad, ni allwn warantu bod ein cynhyrchion bwyd a diod yn hollol rydd o alergenau.
Os oes gennych alergedd neu anoddefgarwch ac yr hoffech weld gwybodaeth am gynhwysion bwyd a diod, gofynnwch i’r staff a fydd yn hapus i helpu.
Cadarnhewch cyn eich ymweliad
Wedi ymweld o’r blaen? Weithiau rydym yn newid ein ryseitiau i wella ansawdd a blas, gan gynnwys y cynhwysion. Ar eich ymweliad, siaradwch ag aelod o’n tîm i wirio’r wybodaeth ddiweddaraf am alergenau ar gyfer eich hoff bryd.
Siop y Cwrt
Cymrwch eich ysbrydoliaeth gan gasgliad eithriadol Powis a’r dirwedd drawiadol a dod o hyd i’r gofrodd neu anrheg berffaith yn un o’n siopau. Yn hen Ystafell Harneisiau’r castell, mae Siop y Cwrt yn gwerthu amrywiaeth eang o nwyddau i’r tŷ, cynhyrchion glanhau eco, dillad, tlysau, ategolion, llyfrau, teganau a bwyd a diod blasus.
Danteithion wedi eu cynhyrchu’n lleol
Os ydych yn chwilio am garthen lawn steil i sionci eich cartref, sgarff newydd â phatrwm unigryw neu eich bod am lenwi eich cypyrddau gyda jam ffrwythau, bisgedi crensiog neu ddanteithion a gynhyrchwyd yn lleol, yna camwch i mewn i chwilota.
Bydd gennym samplau ar gael yn aml felly cofiwch alw heibio a manteisio ar ein cynigion diweddaraf sy’n newid trwy gydol y flwyddyn.
Siop yr Ardd
Yn stablau’r castell, mae Siop yr Ardd yn gwerthu amrywiaeth eang o ddodrefn gardd, offer bwydo adar, cerfluniau, goleuadau awyr agored a’r holl offer y bydd arnoch eu hangen i fwynhau garddio.
Blodau o’r ardd
Os yw’r blodau lliwgar a’r llwyni gwyrdd hyfryd yn ein gardd wedi eich ysbrydoli, mae gennym ddewis helaeth ohonynt i’w prynu.
O Artemesia ‘Castell Powis’ i dresi aur bythwyrdd rydych yn siŵr o weld y planhigyn di-fawn perffaith i’ch gardd eich hun, llawer ohonynt wedi eu tyfu yn y Feithrinfa yma ym Mhowis.
Mwynhewch yr awyr agored
Nid yw’r stori i gyd am arddio chwaith. Beth bynnag yw’r tywydd, mae gennych ddigonedd i’ch helpu i fwynhau’r awyr agored gydag ategolion picnic a cherdded, hetiau haul, ymbarelau, ponshos, a bagiau cefn atal dŵr.
Detholiad o blanhigion sydd ar gael i’w prynu o Siop yr Ardd yng Nghastell Powis a’r Ardd, Cymru.
Mae Siop yr Ardd ar agor yn dymhorol, edrychwch ar yr hafan i weld yr amseroedd agor presennol neu i gael rhagor o wybodaeth.
Diolch
Diolch i’ch ceiniogau a’ch cefnogaeth chi y gallwn barhau i ofalu am natur, harddwch a hanes i bawb, am byth.
Y Siop Lyfrau Ail Law
Rhwng Siop y Cwrt a’r Bwyty, mae ein Siop Lyfrau Ail Law yn fwy na dim ond lle i gael hyd i lyfr da.
Mae’r holl arian a godir yn mynd tuag at brosiectau cadwraeth, gan ein helpu i ofalu am Gastell Powis am byth, i bawb.
Llyfrau difyr i bob oed
O lyfrau ffuglen a throsedd newydd, i arddio, bywyd gwyllt a ffefrynnau’r plant - mae cannoedd o deitlau yn cael eu diweddaru’n gyson felly dewch i mewn i ddod o hyd i’r llyfr sydd at eich dant a’n helpu i barhau i adrodd hanes rhyfeddol Castell Powis am flynyddoedd i ddod.
Rhoi eich llyfrau ail-law
Rydym yn dibynnu ar roddion i gadw’r stoc i fynd a bydd ein tîm yn falch iawn o dderbyn blychau bach yn Siop y Cwrt. Os dymunwch chi gyflwyno llawer o lyfrau, cysylltwch â ni ymlaen llaw er mwyn i aelod o’r staff fod wrth law i’ch helpu.
Cysylltwch â ni ar e-bost powiscastle@nationaltrust.org.uk
Neu, rhowch alwad i ni ar 01938 551920
Pethau eraill o ddiddordeb i chi
Erthygl
Ymweld â’r ardd yng Nghastell Powis
Yn dyddio’n ôl 300 mlynedd, mae’r ardd o’r safon uchaf yn llawn o hanes. Welwch gymysgedd o derasau dramatig, borderi blodau , tocwaith anhygoel a golygfeydd rhyfeddol.
Erthygl
Ymweld â Chastell a Gardd Powis gyda'ch ci
Mae gan Gastell a Gardd Powis sgôr o un bawen. Dysgwch ragor am ddod â’ch ci i Gastell a Gardd Powis. Gallwch aros yn y Cwrt i weld y castell a chael diod a thamaid i’w fwyta hefo’ch ci wrth eich ochr. Dysgwch yr ardd 4 Medi - 28 Chwefror.
Erthygl
Hanes Castell Powis
Castell Cymreig yw Powis a adeiladwyd gan dywysog Cymreig, Gruffudd ap Gwenwynwyn (tua 1252). Goroesodd ryfeloedd a’i rannu i ddod yn un o gestyll amlycaf Cymru.
Erthygl
Y casgliad yng Nghastell Powis
Dewch i ymweld i ddysgu rhagor am y casgliadau byd-eang ym Mhowis, gan gynnwys cerfluniau, dodrefn a thecstilau o Ewrop, India a Dwyrain Asia.