Ar eich ymweliad â Dolaucothi cewch eich tywys ar daith sy’n datgelu cyfrinachau’r dirwedd ddiwydiannol hon. Bydd angen i chi archebu eich taith ymlaen llaw – dysgwch sut i archebu a beth i’w ddisgwyl wrth gyrraedd.
Os ydych chi am ymweld â Dolaucothi, rhaid i chi archebu tocynnau ymlaen llaw. Edrychwch ar y dudalen 'Pethau i’w gweld a’u gwneud’ i gael gwybodaeth fanwl am y 3 taith dywys sydd gennym i’w cynnig. Mae dwy ohonyn nhw'n deithiau eithaf caled, ac yn brofiadau awyr agored gan fwyaf, sy'n cynnwys stepiau serth a llwybrau ar dir uchel. Wedi dweud hynny, mae gennym hefyd Daith Wastad, heb stepiau. Dewiswch y daith fwyaf addas i chi.
Cadarnhewch fod lle ar gael ac archebwch eich ymweliad â Dolaucothi.
Os oes problem neu os na allwch gael mynediad i’r broses archebu ar-lein, ffoniwch 0344 249 1895.
A482. Ffordd ar gau
Os byddwch yn teithio i Ddolaucothi yn ystod yr wythnosau nesaf, sylwch fod y ffordd ar gau ar yr A482 rhwng Llanwrda a Phumsaint. Mae gwyriadau ar waith, ond bydd angen ichi ganiatáu amser ychwanegol ar gyfer eich taith.
Os gwnaethoch greu cyfrif wrth wneud eich archeb, byddwch yn gallu newid dyddiad/amser eich archeb ar-lein hyd at 24 awr cyn dyddiad eich ymweliad, neu drwy ffonio 0344 249 1895.
Os ydych chi’n aelod ac nad ydych yn gallu dod mwyach, rhowch wybod i ni drwy ein ffonio ar 0344 249 1895.
Bydd pob taith yn dechrau’n brydlon ar yr amseroedd a ddangosir. Dylech anelu at gyrraedd 15 munud cyn yr amser hwnnw er mwyn cael yr offer priodol a gwybodaeth am Iechyd a Diogelwch.
Bydd y teithiau'n cael eu cynnal yn brydlon ar yr amseroedd canlynol:
• 10.30 (Taith Rufeinig)
• 12.00 (Mwyngloddio drwy Hanes)
• 13.00 (Taith Rufeinig)
• 14.30 (Mwyngloddio drwy Hanes)
• 15.30 (Y Daith Wastad)
Os ydych chi am fod ychydig yn hwyr ar y dydd, ffoniwch 01558 650177 a gadewch neges i’r tîm.
Cofiwch fod angen i chi archebu tocynnau ar gyfer Teithiau Cerdded Dan Ddaear Dolaucothi. Gallwch archebu ar y diwrnod, hyd at 1 awr cyn yr amser rydych chi wedi’i ddewis (gan ddibynnu beth sydd ar gael). Bydd tocynnau ar gael bob dydd Iau am y 4 wythnos nesaf.
Gyda dros 2,500 erw o ystâd, coetir, ffermydd a pharcdir i’w darganfod, mae cymaint mwy i Ddolaucothi yn Sir Gâr na’r mwyngloddiau Rhufeinig.
Mae gan Ddolaucothi sgôr o un bawen. Mae croeso cynnes i gŵn ym mhob rhan o Ddolaucothi, o’r teithiau o’r gloddfa aur Rufeinig i’r milltiroedd o lwybrau cerdded sy’n cris-croesi’r ystâd ehangach.
Dechreuodd gwaith cloddio aur yn Nolaucothi o leiaf 2,000 o flynyddoedd yn ôl, a daeth i ben ychydig cyn yr Ail Ryfel Byd. Dysgwch fwy am unig gloddfa aur Rufeinig y DU.