Gwirfoddoli yn Nhŷ Tredegar

Gweini ar gwsmeriaid yn Nhŷ Tredegar, Casnewydd, Cymru — Gweini ar gwsmeriaid yn Nhŷ Tredegar | © National Trust Images/Aled Llywelyn

Drwy wirfoddoli yn Nhŷ Tredegar, byddwch yn cael y cyfle i ddysgu sgiliau newydd, cwrdd â phobl newydd a chael profiadau newydd.

Y gwahaniaeth mae gwirfoddolwyr yn ei wneud

Mae tua 300 o wirfoddolwyr yn cynnig help llaw drwy gydol y flwyddyn i sicrhau y gall y tŷ a’r ardd agor rhwng Chwefror a Rhagfyr. Fel elusen, mae’r gefnogaeth hon yn amhrisiadwy.

Bob blwyddyn mae miloedd yn cael eu croesawu drwy ddrysau Tŷ Tredegar i ymlacio yn yr ardd ffurfiol, palu i hanes y tŷ a gwrando ar straeon am y teulu Morgan.

Gwirfoddolwyr sy’n helpu i gadw’r ardd yn daclus, a gwirfoddolwyr sy’n adrodd ag angerdd straeon am sw Evan Morgan neu ymdrechion dyngarol Godfrey Morgan.

Gwahanol rolau gwirfoddoli

Mae llwyth o rolau gwirfoddoli ar gael yn Nhŷ Tredegar; pob un yn gwneud gwahaniaeth i’r gwaith o warchod a gofalu am yr eiddo hwn yn ei ffordd ei hun. Mae rhestr o’r holl rolau gwahanol sydd gan wirfoddolwyr o fewn y tîm isod.

Mae Tŷ Tredegar yn lwcus o gael criw angerddol o wirfoddolwyr, ac felly nid yw’n recriwtio ar gyfer pob rôl bob amser. Cysylltwch â’r tîm os oes gennych ddiddordeb mewn maes penodol.

Gwirfoddoli yn yr hanesyddol Dŷ Tredegar, Casnewydd, Cymru — Gwirfoddoli yn yr hanesyddol Dŷ Tredegar | © National Trust Images/Trevor Ray Hart

Yn y tŷ

Gwirfoddolwch yn y tŷ fel croesawydd a dod â 500 mlynedd o hanes yn fyw i ymwelwyr, gan rannu straeon lliwgar Tredegar a chadw llygad ar y casgliad gwerthfawr.

Gwirfoddoli yn yr awyr agored

Ymunwch â’r tîm awyr agored a dod yn gydlynydd dydd yn yr ardd neu helpwch i gynnal a chadw’r ardd ffurfiol.

Gwirfoddoli ar gyfer gweithgareddau

Helpwch i drawsnewid y tŷ a’r ardd i ddathlu pob tymor, o’r Pasg i’r Nadolig. Mwynhewch eich hun a helpwch ymwelwyr i gael diwrnod gwych yn y rôl amrywiol a heriol hon.

Y tu ôl i’r llenni

Enillwch brofiad mewn swyddfa brysur drwy ein helpu i gadw trefn ar bopeth fel gwirfoddolwr gweinyddol. 

Mae ‘na hefyd wirfoddolwyr archif yn gweithio y tu ôl i’r llenni i sicrhau bod yr holl straeon yn cael eu cofnodi’n ddiogel yn yr archifau, helpu gyda gweithrediad gweinyddol yr eiddo a helpu i gynnal a chadw’r eiddo.

Tri ymwelydd yn sgwrsio o dan fasarnen o flaen y plasty brics coch. — Crwydro'r parc yn Nhŷ Tredegar | © National Trust Images/Aled Llywelyn

Pam ymuno â ni?

Mae llawer o resymau dros ymuno â ni; gallai gwirfoddoli fod y penderfyniad gorau a wnaethoch erioed.

Dod yn rhan o dîm cyfeillgar ac ymroddedig
Cwrdd â phobl o bob cefndir a gwneud ffrindiau newydd
Defnyddio eich sgiliau presennol a dysgu rhai newydd
Gwella eich CV a datblygu eich gyrfa
Mwynhau’r awyr iach
Dysgu am hanes y lle arbennig hwn

Drwy ymuno â’r tîm, gallwch gael effaith go iawn ar y diwydiant treftadaeth, gan alluogi trigolion Casnewydd a thu hwnt i fwynhau rhyfeddodau’r lle arbennig hwn a chadw Tŷ Tredegar yma i bawb, am byth.

‘Gan fy mod i eisoes yn gweithio’n rhan-amser mewn addysg, ro’n i’n chwilio am gyfle i wneud rôl wahanol mewn sefydliad arall.
Mae gwirfoddoli yn Nhŷ Tredegar wedi rhoi’r profiad newydd yma i fi, ond gyda’r hyblygrwydd sy’n dod law yn llaw gyda gwirfoddoli. Mae wedi bod yn brofiad cadarnhaol iawn.’

– Mandy, gwirfoddolwr gweinyddol Tŷ Tredegar

Cysylltwch â ni am wirfoddoli yn Nhŷ Tredegar

E-bostiwch ni yn tredegar@nationaltrust.org.uk a byddwn mewn cysylltiad i drafod eich anghenion penodol a sut y gallwch gael y mwyaf allan o’ch amser gyda ni.