Skip to content
Nôl i Gardd Goedwig Colby
Prosiect

Apêl Gasebo Colby

The Colby Gazebo, a small, cream coloured building with tall windows and a pointed roof sites at the end of a garden path which is lined with flowers, plants and trees.
Mae’r Gasebo wrth galon yr Ardd Furiog yng Ngardd Goedwig Colby, Sir Benfro | © National Trust Images/James Dobson

Mae'r Gasebo’n eistedd wrth galon yr Ardd Furiog yng Ngardd Goedwig Colby. Fodd bynnag, ac yntau wedi bod ar gau ers 2019, mae ei waliau a'i weithiau celf yn dechrau dirywio. Cyfrannwch heddiw a helpwch i adfer yr adeilad gwerthfawr hwn a phenderfynu sut y caiff ei ddefnyddio yn y dyfodol.

Hanes Gasebo Colby

Wedi’i adeiladu yn y 1970au gan Peter a Pamela Chance, mae Gasebo Colby yn cyfuno celf a natur.

Wedi'i amgylchynu gan ardd sy'n fôr o liw a bywyd, mae'r Gasebo bob amser wedi bod yn hafan o lawenydd a llonyddwch.

Y tu mewn, mae'r waliau wedi'u peintio â gwaith celf 3D rhyfeddol gan yr artist Americanaidd, Lincoln Taber. Wedi'u gorffen hanner canrif yn ôl ar ôl iddynt gael eu comisiynu gan Peter, maen nhw bellach angen eu hadfer ar frys.

Rydyn ni eisiau adfer y berlen hanesyddol boblogaidd hon i'w gwir ogoniant. Mae adfer yn golygu mwy nag achub adeilad; mae'n golygu gwarchod etifeddiaeth fyw.

A man holds a piece of honey comb on the rooftop of Colby Gazebo during removal of a bee colony, Colby Woodland Garden, Pembrokeshire
Darn o ddil mêl wedi ei dynnu o do Gasebo Colby yn ystod y gwaith adfer | © National Trust Images/Jack Abbott

Problem ludiog

Yn 2019 symudodd nythfa o wenyn mêl i mewn i do’r Gasebo, gan ei gau i ymwelwyr. Roedd y gwenyn amddiffynnol yn golygu bod gwaith cynnal a chadw rheolaidd yn amhosibl ac felly dirywiodd yr adeilad. Mewn tywydd poeth roedd gwêr a mêl yn toddi trwy'r nenfwd, gan niweidio'r gweithiau celf gwerthfawr.

O’r diwedd, y llynedd, ar ôl sawl ymdrech mae’r gwenyn wedi cael eu hailgartrefu. Gosodwyd to newydd ar y Gasebo ac mae bellach yn barod ar gyfer y cam nesaf o adfer, i adfywio'r gofod i bawb allu ei fwynhau unwaith eto.

A close up of damage to paint and artworks on the ceiling of the Colby Gazebo at Colby Woodland Garden, Pembrokeshire
Paentiad trompe l’oeil wedi’i ddifrodi ar do Gasebo Colby | © National Trust Images

Sut bydd eich rhodd yn helpu

Mae angen i ni godi £20,000 i sicrhau dyfodol Gasebo Colby.

Bydd eich rhodd yn ariannu’r gwaith o warchod ac adfer y Gasebo a'i waith celf trompe l'oeil rhyfeddol yn uniongyrchol.

Gyda'n gilydd, gallwn ni sicrhau bod y Gasebo ar gael i’w fwynhau i bawb, am byth.

Helpwch i benderfynu ar y defnydd o’r Gasebo Colby yn y dyfodol

Mae miloedd o ymwelwyr â Gardd Goedwig Colby wedi dod o hyd i ysbrydoliaeth a heddwch yn y Gasebo.

Helpwch ni i ddod â'r swyn yn ôl trwy rannu eich syniadau ar sut y gellir defnyddio'r gofod newydd orau yn y dyfodol.

Cysylltwch â ni yn colby@nationaltrust.org.uk

Golygfa o’r Ardd Furiog yng Ngardd Goedwig Colby, Sir Benfro. Mae llwybr yn arwain drwyddi, a nesaf ato mae borderi trwchus a choeden aeddfed fawr â dail coch tywyll.

Darganfyddwch fwy yng Ngardd Goedwig Colby

Dysgwch pryd mae Gardd Goedwig Colby ar agor, sut i gyrraedd yno, pethau i’w gweld a’u gwneud a mwy.

Trefnwch eich ymweliad

Cofrestrwch i glywed mwy gan yr Ymddiriedolaeth Genedlaethol

Trwy rannu eich cyfeiriad e-bost rydych chi’n cytuno i dderbyn e-byst marchnata gan yr Ymddiriedolaeth Genedlaethol ac yn cadarnhau eich bod yn 18 oed neu hŷn. Gweler ein am fwy o wybdaeth am sut rydyn ni’n gofalu am eich data personol.