Dyddiau i’r Teulu yng Ngardd Goetir Colby

Cynllunio eich ymweliad ar gyfer y teulu 

Dyma ychydig o wybodaeth allweddol i’ch helpu i gynllunio eich diwrnod ymlaen llaw. 

• Mae ein horiau agor ar gael yma. . Gwiriwch ein horiau agor cyn teithio, oherwydd gall oriau agor gwahanol rannau o’r ardd newid, yn ddibynnol ar y tymor. 
• Mae Ystafell De y Bothi yn gweini bwyd ffres blasus.
• Mae croeso ichi ddod â phicnic gyda chi.
• Mae ardaloedd chwarae naturiol ar gael. 
• Mae croeso i gŵn, ond rhaid ichi gadw cŵn ar dennyn ym mhob rhan o Ardd Goetir Colby. Darllenwch fwy am ymweld â ni gyda’ch cyfaill pedair coes yma
• Mae toiledau ar gael ger yr Ystafell De. Mae cyfleusterau newid babanod ar gael, yn ogystal â chyfleusterau toiled hygyrch. 
• Os ydych chi’n ymweld â ni mewn cadair olwyn neu gyda chadair wthio, mae mynediad gwastad a phwynt gollwng ger y mynediad i gerbydau wrth yr Oriel. Mae llogi cadair olwyn yn rhad ac am ddim, os oes rhai ar gael. Os oes angen cymorth neu fwy o wybodaeth arnoch, gofynnwch i aelod o’n tîm cyfeillgar. Cymerwch gip ar ein map hygyrch yma.

Dathlwch Ddydd Gŵyl Dewi gyda ni yng Ngardd Goedwig Colby

Ymunwch â ni i ddathlu Cymru, diwylliant Cymru, a chrwydro o amgylch yr Ardd yng Ngardd Goedwig Colby. Bydd y Ganolfan Groeso ac Ystafell Wybodaeth y Bwthyn wedi'u haddurno i adlewyrchu chwedlau a diwylliant Cymru.

Bydd llawer o adloniant ar gael gan gynnwys cerddoriaeth fyw, adrodd straeon a chrefftau.

O 10am-1pm bydd y delynores, Elin Lloyd, yn perfformio rhaglen o gerddoriaeth Gymreig yn ogystal â rhannu ei sgiliau gydag ymwelwyr iau ar delyn lai.

O 2-3pm bydd y storïwr, Phil Okwedy, yn adrodd straeon am hanes lleol Cymru.

Yn Ystafell Wybodaeth y Bwthyn, crëwch bwysi cenhinen Bedr i'w gymryd adref i gofio eich diwrnod (tra bo’r cyflenwad o ddeunyddiau crefft ar gael).

Bydd gan Ystafell De'r Bwthyn brydau arbennig Dydd Gŵyl Dewi ar y fwydlen hefyd.

Ar 1 Mawrth nid oes tâl i barcio yn unrhyw un o feysydd parcio Gardd Goedwig Colby yr Ymddiriedolaeth Genedlaethol, ond os ydych chi'n Aelod o'r Ymddiriedolaeth Genedlaethol, sganiwch eich cerdyn Aelodaeth wrth y peiriant Talu ac Arddangos. Wedi'i ariannu gan Lywodraeth Cymru.

Nid oes angen archebu lle. Dewch i ddathlu!

Anturiaethau'r Pasg yng Ngardd Goetir Colby

Ymunwch â ni ar benwythnos y Pasg am lwybr Pasg arbennig wedi'i ysbrydoli gan natur.

O ddydd Gwener 3 - dydd Llun 6 Ebrill ymunwch â'n profiad antur Pasg! Pan gyrhaeddwch, ewch i'r Ganolfan Groeso i dalu am eich llwybr ac yna dilynwch y saethau i gasglu taflen y llwybr a chlustiau cwningen o'r babell fawr ar y llwybr islaw/gerllaw'r Ganolfan Groeso. Darganfyddwch hyfrydwch naturiol Gardd y Goedwig yn y gwanwyn, archwiliwch y ddôl a'r goedwig orllewinol wrth i chi ddilyn y llwybr gyda gweithgaredd i'w ddarganfod ym mhob gorsaf cyn dod o hyd i'r man casglu wyau Pasg i gael stampio eich taflen a chasglu eich danteithion. Gallwch ddewis o naill ai wy siocled coco Ardystiedig Cynghrair y Goedwig Law neu wy siocled Rhydd Rhag. Dysgwch fwy yn ra.org.

Pethau sydd angen i chi eu gwybod cyn ymweld y Pasg hwn:

• Mae pob llwybr yn costio £3.50, heb fod angen archebu.
• Mae pob pecyn llwybr yn cynnwys taflen weithgareddau a chlustiau cwningen i'ch helpu i gwblhau'r gweithgareddau.
• Mae tocyn y llwybr yn cynnwys wy siocled, neu wy siocled figan a Rhydd Rhag, wedi'i wneud yma yn y Deyrnas Unedig o goco sy'n cael ei gaffael yn gyfrifol o ffermydd Ardystiedig Cynghrair y Fforest Law. Un wy i bob taflen llwybr.
• Gobeithio y bydd y tywydd yn garedig ond cofiwch wisgo esgidiau addas os yw wedi bwrw glaw rhag ofn, gall fynd ychydig yn fwdlyd ar hyd y ffordd (byddai esgidiau glaw yn berffaith!).

Pethau i’w gwneud yn yr ardd 

Ardaloedd Chwarae Naturiol. 

Gardd y Coetir yw'r lle delfrydol i blant o bob oed ddarganfod natur drwy chwarae. Darganfyddwch y llannerch syllu ar yr awyr ym mhen y goedwig, neu mwynhewch adeiladu ffau dan y coed. Mwynhewch neidio ar y cerrig camu anferth neu archwiliwch y fflora a’r ffawna sy’n ymgartrefu o amgylch y nant sy’n llifo drwy’r ddôl yn rhan isaf yr ardd. 

Cael picnic

Mae digonedd o leoedd i fwynhau picnic yn yr ardd. Dewiswch rhwng y ddôl, y goedwig neu unrhyw le sy’n apelio atoch.
Os oes angen rhywle hygyrch arnoch, ystyriwch y fainc a wnaed â llaw sydd ar y llwybr gro sy’n rhedeg ochr yn ochr â’r ddôl neu'r fainc ger y bont uchaf. Am wybodaeth fanylach gofynnwch i’n staff yn y ganolfan groeso, sydd yn barod iawn i helpu.
 

Citiau, beiciau a pheli

Gall plant ifanc ymarfer ar eu beiciau balansio yn yr ardd goetir yn unig, ac mae chwarae gemau pêl yn ogystal â hedfan barcud yn y ddôl yn llawn hwyl. Nid ydym yn caniatáu beiciau balansio, barcudiaid na gemau pêl yn yr ardd furiog.

Ardaloedd chwarae

Mae yna ardaloedd chwarae naturiol ym mhob man gan gynnwys coed wedi disgyn i'w dringo, ffau bambŵ yn y ddôl, cerrig camu yn y goedwig a llawer mwy i’w ddarganfod pan fyddwch chi’n ymweld.

Uchafbwyntiau darganfod natur

Darganfyddwch fywyd gwyllt fel adar, bronfreithod bach, gwenoliaid y bondo a’r anifeiliaid di-asgwrn-cefn eraill sy’n byw yn y pyllau a’r afon.

Llwybrau

I roi cynnig ar ein llwybrau teulu-gyfeillgar, ewch i’r Ganolfan Croesawu Ymwelwyr i gasglu eich taflen llwybr ac am fwy o wybodaeth, neu i ddarganfod taith gerdded Gardd Goetir Colby ar ein gwefan

50 o bethau

Casglwch eich taflen ‘50 o bethau i’w gwneud cyn eich bod yn 11¾’ o’r Ganolfan Croesawu Ymwelwyr a gofynnwch am gyngor gan ein staff cymwynasgar ar ba weithgareddau sy’n gweithio orau yn ystod yr adeg o’r flwyddyn y byddwch chi’n ymweld.