Gwirfoddoli yng Ngardd Goedwig Colby

Gwirfoddolwyr yr ardd furiog

Yn ardd gegin yn wreiddiol, mae gardd furiog Colby yn lle godidog i weithio. Wedi’i chynnal yn ddestlus gydag amrywiaeth o blanhigion tymhorol, mae bob amser rhywbeth diddorol i’w wneud.

Garddwyr y goedwig

Mae ein tîm o wirfoddolwyr coedwig yn gweithio ar nifer o dasgau gan gynnwys clirio deiliach i helpu bylbiau i flodeuo a chael gwared ar rywogaethau goresgynnol.

Gwirfoddolwyr croesawu

Mae gwirfoddolwyr croesawu yn cynnig croeso cynnes i’n hymwelwyr, gan eu helpu i ddarganfod a dysgu mwy am Colby a sicrhau eu bod yn cael ymweliad dymunol a chofiadwy. Maen nhw hefyd yn helpu gyda digwyddiadau, yn amrywio o lwybrau’r Pasg i Haf o Chwaraeon.

Swyddogion monitro bywyd gwyllt

Diddordeb mewn bywyd gwyllt ac ecoleg? Helpwch ni i fonitro bywyd gwyllt Colby i ddarganfod a yw ein trefniadau rheoli cynefinoedd yn effeithiol. Drwy wneud hynny, gallwn gael llawer mwy allan o’n tirwedd a sicrhau ein bod yn diogelu a gofalu am fywyd gwyllt ar hyd y daith.

Pam ymuno â ni?

Mae llawer o resymau dros ymuno â ni; gallai gwirfoddoli fod y penderfyniad gorau a wnaethoch erioed.

• Dod yn rhan o dîm cyfeillgar ac ymroddedig
• Cwrdd â phobl o bob cefndir a gwneud ffrindiau newydd
• Defnyddio eich sgiliau presennol a dysgu rhai newydd
• Gwella eich CV a datblygu eich gyrfa
• Mwynhau’r awyr iach
• Dysgu am hanes y lle arbennig hwn

Cysylltwch â ni

Os hoffech ymholi am wirfoddoli neu gael rhagor o wybodaeth am rôl benodol, ffoniwch 01646 623110 eu e-bostiwch colby@nationaltrust.org.uk a gofyn am ffurflen gais. Byddwn yn eich gwahodd i ddod draw am sgwrs anffurfiol ac, os hoffech ymuno â’n tîm, byddwn yn trefnu sesiwn ymgyfarwyddo.

Fel holl eiddo’r Ymddiriedolaeth Genedlaethol, rydym yn talu costau teithio, a chewch y cyfle i ymuno â’n cymuned ar-lein o wirfoddolwyr hefyd.