Diwrnodau allan i'r teulu yn Dinefwr
Mae rhywbeth i’w wneud bob amser yn Dinefwr, waeth beth fo’r tywydd. Archwiliwch ystafelloedd y tŷ, dewch i weld beth sy’n newydd yn yr Iard Dderw, mwynhewch ginio yn y caffi, ewch am dro o amgylch y parcdir a’r coetiroedd Cymreig hynafol, neu os ydych chi’n teimlo’n egnïol, ewch i weld adfeilion urddasol Castell Dinefwr.
Y Pasg yn Ninefwr
28 Mawrth - 12 Ebrill
Dewch i hopian, sgipio a neidio i mewn i’r Pasg wrth i Dŷ Newton drawsnewid i’r ‘Tŷ Adar’. Ar hyd a lled y tŷ, mae pob ystafell yn cynnig rhywbeth newydd, sy’n addas i’r teulu cyfan, i’w ddarganfod. Yn yr Ystafell Fwyta, gall plant roi cynnig ar wisgo het nyth adar a phrofi eu sgiliau dal “wyau”, tra bod yr Ystafell Groeso’n cynnal Te Parti Adar dymunol, gyda gwisgoedd chwareus. I lawr y grisiau, mae’r islawr yn lleoliad clyd ar gyfer Egret’s Breakfast, profiad adrodd stori braf, yn berffaith i ymwelwyr iau.
Bydd digon i anturiaethwyr bach ei fwynhau, o baratoi “Cawl Pryf Genwair” dychmygol yn yr ystafell ymolchi i swatio gyda llyfrau, posau a ffilmiau ar thema adar yn y Seler Gwrw. Mae'r Hen Gegin wedi cael ei thrawsnewid yn Fyd Adar, sy’n llawn rhyfeddodau bach, ac mae’r Ystafell Addysg yn croesawu dychweliad y Theatr Goetir boblogaidd.
Y tu allan ar yr Iard Dderw, siglwch a dringwch yn yr Hen Olchdy gyda ‘Thriciau Teiars’, neu sblasio, tywallt a chario dŵr yn yr ardal chwarae. Os oes angen man tawelach arnoch, mwynhewch chwarae synhwyraidd yn yr ardal Black Raven.
Oriau o hwyl yn Dinefwr
Gwisgwch yn cynnes a beth bynnag fo’r tywydd, gadewch i Ddinefwr ddarparu’r hwyl ar gyfer antur eich teulu chi y gaeaf hwn.
Gyda’r parcdir yn aros amdanoch, rhedwch, cerddwch, chwarae cuddio, crwydro’r Parc Ceirw neu’r Castell.
Cewch hyd i'r Cwt Cludfwyd yn y mae parcio, y lle am rywbeth melys i'w fwyta neu ddiod cynnes ar ddiwrnod oer, ar agor pob dydd.
Bydd croeso cynnes i chi yn Dinefwr y gaeaf hwn.
Beth sydd i’w weld yn y Parcdir?
Tu fas mae aceri o barcdir i ddarganfod, perffaith ar gyfer rhedeg, neidio a chwarae.
A welwch chi’r Gwartheg Gwyn yn y cae o flaen y tŷ? Neu mynd syth am Gastell Dinefwr? Beth bynnag eich dewis mae digon o hwyl i’w gael tu fas yn Dinefwr.
Yn y Parc Ceirw cewch hyd i’r llwybr bordiau sy’n grêt ar gyfer bygis a’r cwt cludfwyd sy’n gweini paneidiau neu rhywbeth melys i’w fwynhau ar ôl mynd am dro.
Ddim yn siŵr ble i gerdded? Bydd ein tîm yn fwy na hapus i’ch helpu i ddarganfod y llwybr gorau i chi, mae hefyd map i’w weld yn y maes parcio.
Cynllunio eich ymweliad gyda’r teulu
I’ch helpu i gynllunio’ch diwrnod allan ymlaen llaw, dyma ychydig o wybodaeth allweddol:
· Gallwch ddod o hyd i'n holl oriau agor yma ar gyfer gwahanol rannau'r ystâd. Cynghorwn eich bod yn cael golwg ar ein horiau agor cyn i chi deithio oherwydd gall amseroedd agor rhai rhannau newid yn dibynnu ar y tymor.
· Mae croeso i gŵn o gwmpas y rhan fwyaf o'r ystâd ac yn y tŷ a'r caffi. Darllenwch fwy am ymweld gyda’ch ffrind pedair coes yma.
· Gellir dod o hyd i’r toiledau yn y maes parcio ac o fewn islawr Tŷ Newton. Mae'r toiledau anabl a’r cyfleusterau newid yn y maes parcio.
· Gellir gweld prisiau mynediad ar ein tudalen we yma (Gall aelodau'r Ymddiriedolaeth Genedlaethol gael mynediad am ddim).
· Os ydych chi’n ymweld â ni mewn cadair olwyn neu gyda chadair wthio, mae mynediad gwastad o’r maes parcio i Dŷ Newton. Gellir gweld llwybrau hygyrch, gwastad o flaen Tŷ Newton, ond noder y gallai rhai llwybrau fod yn anaddas ac nid oes lifft y tu mewn i’r tŷ. Os oes angen cymorth arnoch chi, neu os oes angen rhagor o wybodaeth arnoch, gofynnwch i aelod o’n tîm cyfeillgar.
· Mae digonedd o lefydd i fwynhau picnic yn Dinefwr, neu'r mae'r cwt cludfwyd a'r caffi yn y tŷ yno ar gyfer byrbrydau, hufen iâ neu ddiodydd.
Pethau eraill o ddiddordeb i chi
Ymweld â Thŷ Newton a'r Ardd yn Dinefwr
Yn swatio ym mharc Dinefwr ger Llandeilo, mae Tŷ Newton yn blasty Cymreig anffurfiol sy’n cynnig cyfuniad o’r hanesyddol a’r cyfoes.
Crwydrwch y parc yn Ninefwr
Dewch am dro drwy Barc Dinefwr ger Llandeilo, ystâd 800-erw drawiadol lle gwelwch amrywiaeth o fywyd gwyllt a rhai o’r coed hynaf yng ngwledydd Prydain.
Ymweld â Dinefwr gyda'ch ci
Mwynhewch ddiwrnod allan gyda'ch ci yn Ninefwr. Croesawir cŵn drwy gydol y flwyddyn, ac mae digon o leoedd ichi eu harchwilio.
