Darganfyddwch fwy yng Ngerddi Dyffryn
Dysgwch pryd mae Gerddi Dyffryn ar agor, sut i gyrraedd yno, pethau i’w gweld a’u gwneud a mwy.
Nadolig yng Ngerddi Dyffryn
Dihangwch rhag prysurdeb y Nadolig a mwynhau hwyl yr ŵyl mewn ffordd fwy hamddenol yng Ngerddi Dyffryn y gaeaf hwn.
Y Nadolig yng Ngerddi Dyffryn 2026
5 Rhagfyr – 4 Ionawr
Dihangwch rhag prysurdeb y Nadolig a mwynhau hwyl yr ŵyl mewn ffordd fwy hamddenol yng Ngerddi Dyffryn y gaeaf hwn.
Dewch am dro heddychlon trwy'r gerddi rhestredig gradd I a darganfod coed Nadolig wedi'u haddurno'n hyfryd, a fydd yn ychwanegu ychydig o geinder i'ch taith gerdded aeafol.
Mwynhewch eiliadau i’w trysori gyda theulu a ffrindiau ar hyd y ffordd, cyn ymweld â'r Ganolfan Gemau am ychydig o gystadlu cyfeillgar. Dewch â hoff draddodiadau Nadolig eich teulu mas i’r awyr iach gyda gemau enfawr y gall pawb eu mwynhau.
Tynnwch y straen allan o’r siopa Nadolig a dod o hyd i anrhegion arbennig ar eich cyflymder eich hun. Darganfyddwch drysorau ail-law yn y siop lyfrau neu dewch o hyd i rywbeth arbennig i berson arbennig yn siop yr Ymddiriedolaeth Genedlaethol. Ar ôl eich ffics o siopa, ymlaciwch yn y caffi gyda siocled poeth a sleisen o deisen.
O greu atgofion gydag anwyliaid i fwynhau eiliad o dawelwch, i ffwrdd o’r holl brysurdeb - darganfyddwch lawenydd syml y Nadolig yng Ngerddi Dyffryn dros yr ŵyl.
Mae’r llwybr yn hygyrch ac yn addas ar gyfer cymhorthion symudedd a bygis. Does dim archebu ac mae’r digwyddiad am ddim (rhaid talu’r pris mynediad arferol, mynediad am ddim i aelodau'r Ymddiriedolaeth Genedlaethol). Rydyn ni hefyd yn croesawu cŵn (ar dennyn) yng Ngerddi Dyffryn fel y gallwch chi ddod â phob aelod o'ch teulu gyda chi.
Mae hwn yn ddigwyddiad awyr agored yn bennaf, felly gwisgwch yn addas ar gyfer y tywydd a chofiwch siwmper Nadolig hwyl (rydyn ni hefyd yn annog clustiau ceirw a hetiau Siôn Corn!)
Bwyta a siopa yng Ngerddi Dyffryn
Mwynhewch brydau i dwymo’r galon neu snac ysgafn yn y caffi, gyda danteithion blasus yn goron ar eich ymweliad. A chofiwch alw i mewn i’r siop i brynu rhywbeth i gofio’ch ymweliad.
Y gerddi yn Nyffryn
Darganfyddwch erddi 55 erw Dyffryn, gan gynnwys yr ardd goed, planhigion trofannol y tŷ gwydr, Gerddi’r Gegin a’r ardal chwarae wyllt.
Ymweld â Gerddi Dyffryn gyda’ch ci
Mae gan Erddi Dyffryn sgôr o ddwy bawen. Dysgwch fwy am ymweld gyda’ch ci a sut rydym yn gwneud Dyffryn yn well fyth i gŵn.
