Ymweld ag Erddig efo'ch ci

Ymweld ag Erddig gyda’ch ci 

Mae digonedd i’w archwilio gyda’ch ci yn Erddig, o’r ardd a’r iardiau hanesyddol i deithiau cerdded ar draws yr ystâd ehangach. Darganfyddwch lle mae croeso i gŵn, y canllawiau i’w dilyn a’r cyfleusterau sydd ar gael yn ystod eich ymweliad. 

Ein system raddio pawennau 

Mae Erddig yn lleoliad sy’n cael gradd dwy bawen. Mae croeso i gŵn mewn nifer o ardaloedd awyr agored a mannau dethol dan do, gyda chyfleusterau dŵr a gwastraff ar gael. Mae rhai ardaloedd lle na all cŵn fynd, felly darllenwch ymlaen er mwyn helpu i gynllunio eich ymweliad. 

Ymweld â’r ardd gyda’ch ci 

Mae croeso i gŵn yn yr ardd yn Erddig yn ystod oriau agor arferol. 

Yn dilyn arbrawf dros bedwar mis yn 2026, ystyriwyd adborth gan ymwelwyr, staff a gwirfoddolwyr, ochr yn ochr â’r effaith ar yr ardd. Gweithiodd trefniadau’r treial yn dda, ac mae mynediad i’r ardd estynedig yn barhaol o 1 Medi 2026. 

Er mwyn ein helpu i ofalu am yr ardd a sicrhau y gall pawb fwynhau eu hymweliad, gofynnwn yn garedig ichi: 

• gadw eich ci ar dennyn byr na ellir ei ymestyn 

• aros ar lwybrau’r ardd - “pawennau ar y llwybrau” 

• casglu ar ôl eich ci a defnyddio’r biniau a ddarperir 

• dilyn arwyddion lleol ac unrhyw ganllawiau gan y tîm. 

Os oes angen tennyn byr arnoch, gofynnwch i’r tîm Croeso i Ymwelwyr.

Lle arall allaf i fynd â fy nghi? 

Mae croeso i gŵn mewn llawer o ardaloedd o amgylch Erddig, gan gynnwys yr ystâd ehangach, yr iardiau a nifer o fannau ymwelwyr. Mae’r rhannau yn cynnwys y Parlwr, y siop lyfrau, yr Ochr Orllewinol, y stablau a’r garejis, y tai gwydr a’r Ganolfan Gwerthu Planhigion. 

Cadwch eich ci ar dennyn byr wrth archwilio’r ystâd ehangach os gwelwch yn dda a chadwch lygad am arwyddion a rhybuddion lleol yn ystod eich ymweliad. 

Cerdded ar yr ystâd 

Mae gan ystâd 1,200 erw Erddig goetir, parcdir, llwybrau glan yr afon a golygfeydd yn ôl tuag at y tŷ. Mae nifer o lwybrau wedi’u marcio i ddewis ohonynt, a gallwch gasglu map wrth ichi gyrraedd i’ch helpu i gynllunio eich taith gerdded. 

Mae’r parcdir yn gartref i dda byw a bywyd gwyllt drwy gydol y flwyddyn. Cadwch eich ci ar dennyn a dan reolaeth agos os gwelwch yn dda, a dilynwch arwyddion neu gyfyngiadau dros dro bob amser. Mae ardal ddynodedig heb dennyn yn y parcdir, ger Canolfan Cefn Gwlad Felin Puleston, wedi’i marcio gydag arwyddion.  

Coedwig Cŵn Campus 

Y Goedwig Cŵn Campus yw ardal campau cŵn Erddig yn y Goedwig Fawr. Yn rhad ac am ddim, mae’n rhoi ffordd arall i gŵn a’u perchnogion archwilio’r ystâd gyda’i gilydd, gyda rhwystrau wedi’u creu o ddeunyddiau naturiol o’r ystâd yn bennaf, gan gynnwys cylchoedd, clwydi a thrawstiau cydbwyso. 

Noder: Mae’r Goedwig Cŵn Campus (Woof’s Den) yn wahanol i Ardal Chwarae Naturiol Ffau’r Blaidd (Wolf’s Den). Ardal chwarae i blant yw Ffau’r Blaidd (Wolf’s Den) ac ni chaniateir cŵn yno, heblaw cŵn cymorth.

Cerdded ar yr ystâd 

Mae gan ystâd 1,200 erw Erddig goetir, parcdir, llwybrau glan yr afon a golygfeydd yn ôl tuag at y tŷ. Mae nifer o lwybrau wedi’u marcio i ddewis ohonynt, a gallwch gasglu map wrth ichi gyrraedd i’ch helpu i gynllunio eich taith gerdded. 

Mae’r parcdir yn gartref i dda byw a bywyd gwyllt drwy gydol y flwyddyn. Cadwch eich ci ar dennyn a dan reolaeth agos os gwelwch yn dda, a dilynwch arwyddion neu gyfyngiadau dros dro bob amser. Mae ardal ddynodedig heb dennyn yn y parcdir, ger Canolfan Cefn Gwlad Felin Puleston, wedi’i marcio gydag arwyddion.  

Coedwig Cŵn Campus 

Y Goedwig Cŵn Campus yw ardal campau cŵn Erddig yn y Goedwig Fawr. Yn rhad ac am ddim, mae’n rhoi ffordd arall i gŵn a’u perchnogion archwilio’r ystâd gyda’i gilydd, gyda rhwystrau wedi’u creu o ddeunyddiau naturiol o’r ystâd yn bennaf, gan gynnwys cylchoedd, clwydi a thrawstiau cydbwyso. 

Noder: Mae’r Goedwig Cŵn Campus (Woof’s Den) yn wahanol i Ardal Chwarae Naturiol Ffau’r Blaidd (Wolf’s Den). Ardal chwarae i blant yw Ffau’r Blaidd (Wolf’s Den) ac ni chaniateir cŵn yno, heblaw cŵn cymorth.

Helpwch ni i ofalu am Erddig 

Mae dilyn ychydig o gamau syml yn helpu i ddiogelu’r ardd, bywyd gwyllt a da byw, gan sicrhau y gall pawb fwynhau eu diwrnod ar yr un pryd: 

• Cadwch nhw’n agos: defnyddiwch dennyn byr a chadwch eich ci dan reolaeth. 

• Casglwch y baw ci: cliriwch ar ôl eich ci bob amser a defnyddiwch fin lle mae un ar gael. 

• Edrychwch ar yr arwyddion: bydd arwyddion lleol yn rhoi gwybod ichi am gyfyngiadau neu newidiadau dros dro. 

• Canolbwyntiwch: nid yw pawb yn gyfforddus o amgylch cŵn, felly rhowch ddigon o le i bobl eraill. 

Diolch am ein helpu ni i ofalu am Erddig. 

Ydych chi wedi ymweld ag Erddig gyda’ch ci? 

Rhannwch luniau o’ch ymweliad ar Facebook neu Instagram a thagiwch @erddignt_ ac #ErddigNT.