Darganfyddwch fwy am Llanerchaeron
Dysgwch pryd mae Llanerchaeron ar agor, sut i gyrraedd yno, pethau i’w gweld a’u gwneud a mwy.
Bwyta a siopa yn Llanerchaeron
Mae Conti’s Café yn swatio ar lannau afon Aeron – llecyn hyfryd i fwynhau diod, tamaid o fwyd neu eu hufen iâ enwog ar eich ymweliad. Gallwch hefyd brynu cynnyrch a dyfwyd yn yr ardd yn Llanerchaeron a phori’r siop lyfrau ail-law i ddod o hyd i’ch hoff lyfr nesaf.
Conti’s Café yn Llanerchaeron
Mae’r caffi’n cael ei redeg gan Conti’s Café, busnes teuluol o Lambed sy’n enwog am eu hufen iâ hyfryd – perffaith ar diwrnod heulog o haf.
Maen nhw’n gweini dewis o ddiodydd, brechdanau, byrbrydau, cacennau ac, wrth gwrs, hufen iâ enwog Conti’s. Mwynhewch goffi rhost hyfryd neu frechdan flasus ar eich ymweliad. Mae’r caffi ar agor o ddydd Mercher i ddydd Sul bob wythnos.
Ar eich ymweliad, siaradwch ag un o’r tîm i wirio’r wybodaeth ddiweddaraf am alergenau ar gyfer eich hoff bryd.
Mae llawer o’r cynhyrchion yn lleol, sy’n golygu bod bwyd ffres a thymhorol ar gael gydol y flwyddyn. Mae opsiynau di-glwten ar gael hefyd. I ddysgu mwy am Conti’s, ewch i’w gwefan: http://www.contisicecream.com/
Dod â phicnic
Os byddai’n well gennych ddod â phicnic, mae gennym feinciau ym muarth yr ardd a ger yr adeilad ymwelwyr.
Cynnyrch o’r ardd a llyfrau ail-law Llanerchaeron
Yn nerbynfa’r ymwelwyr fe welwch lysiau tymhorol, ffrwythau a blodau ar werth, i gyd wedi’u tyfu yn amgylchedd gwarchodol yr ardd furiog. Mae tîm o staff a gwirfoddolwyr yn trin y planhigion, pigo’r ffrwythau a’r llysiau a’u paratoi i’w gwerthu. Rydym hefyd yn gwerthu amrywiaeth o blanhigion a pherlysiau lluosflwydd a epiliwyd ar yr ystâd.
Yma hefyd mae’r siop lyfrau ail-law. Mae’r holl elw’n aros yma yn Llanerchaeron.
Diolch
Diolch i’ch ceiniogau a’ch cefnogaeth chi y gallwn barhau i ofalu am natur, harddwch a hanes i bawb, am byth.
Pethau eraill o ddiddordeb i chi
Erthygl
Ymweld â fila John Nash yn Llanerchaeron
Mae fila Sioraidd Llanerchaeron yn gwneud y gorau o brydferthwch Dyffryn Aeron, ac mae enghraifft brin o iard wasanaeth gyflawn yn cuddio yng nghefn y tŷ.
Erthygl
Crwydrwch yr ystâd yn Llanerchaeron
Dewch am dro i weld amrywiaeth o fywyd gwyllt drwy gydol y flwyddyn yn Llanerchaeron, yn y parcdir, y goedwig, y dolydd ac wrth gwrs y buarth gweithredol.
Erthygl
Ymweld â'r Ardd Furiog yn Llanerchaeron
Mae’r gerddi muriog yn Llanerchaeron yng Ngheredigion wedi bod yn tyfu bwyd blasus ers dros 200 mlynedd. Gallwch brynu cynnyrch ffres ar eich ymweliad.
Erthygl
Casgliadau Llanerchaeron
Yn Llanerchaeron, porwch drwy gasgliad hen bethau eclectig Pamela Ward a thrysorfa Geler Jones o beiriannau amaethyddol a domestig o ddechrau’r 20fed ganrif.