Darganfyddwch fwy am Llanerchaeron
Dysgwch pryd mae Llanerchaeron ar agor, sut i gyrraedd yno, pethau i’w gweld a’u gwneud a mwy.
Gwaith cadwraeth yn Llanerchaeron
Er nad yw Llanerchaeron wedi newid rhyw lawer ers dros 200 mlynedd, mae gwaith cadwraeth wedi bod yn cael ei wneud i adfer y tiroedd hamdden i’w gwir ogoniant ac adfywio’r dolydd a’r glaswelltir.
Adfer y tiroedd hamdden yn Llanerchaeron
Mae’r tiroedd hamdden yn Llanerchaeron, a fu unwaith yn dirwedd agored ac amrywiol, wedi mynd rhwng y cŵn a’r brain – maent bellach yn cael eu dominyddu gan rhododendron ponticum. Mae hyn yn gwrthgyferbynnu’n llwyr â’r weledigaeth wreiddiol – roeddent i fod yn gefnlen bwysig i fila John Nash, gyda phlannu gofalus yn gwneud i’r tŷ ddiflannu i’r dirwedd.
Mae prosiect ar waith i adfer yr ardal hon i’w gogoniant Sioraidd fel y gallwch ymweld a mwynhau’r tiroedd hamdden fel ymwelwyr y bedwaredd ganrif ar bymtheg. Bydd llawer o’r ponticum yn cael ei dorri i greu gofod agored a golygfeydd, a chaiff amrywiaeth ehangach o blanhigion ei chyflwyno, ynghyd â mwy o ddiddordeb tymhorol.
Prosiect Save Our Magnificent Meadows
Roedd gweirgloddiau parcdir eiconig Llanerchaeron yn un o naw safle yng Ngheredigion i fanteisio ar y prosiect Save Our Magnificent Meadows. Dechreuodd y prosiect yn 2014 gyda’r nod o wella ffawd 6,000 hectar o ddolydd a glaswelltiroedd ledled y DU. Mae dolydd a glaswelltiroedd sy’n gyfoeth o rywogaethau yn rhan annatod o dreftadaeth naturiol a diwylliannol y DU ond maen nhw wedi dioddef dirywiad sylweddol – dim ond 2% o’r dolydd a fodolai yn y 1930au sy’n dal i fod gyda ni heddiw.
Ar safleoedd y prosiect yng Ngheredigion, roedd y ffocws ar bori’r cynefinoedd mewn ffordd benodol er mwyn gwneud y glaswelltiroedd cystal ag y gallant fod i fywyd gwyllt, yn ogystal â thorri eithin a rhedyn a lledaenu hadau blodau gwyllt. Yn Nôl yr Afon yn Llanerchaeron gwelwyd gwelliant bron ar unwaith yn 2015, ac erbyn 2017 roedd y ddôl yn fwrlwm o fywyd ac yn fôr o liw.
Pethau eraill o ddiddordeb i chi
Erthygl
Hanes Llanerchaeron
Am dros dair canrif bu Llanerchaeron yng Ngheredigion yn gartref i ddeg cenhedlaeth o’r teulu Lewis/Lewes. Dysgwch sut y cyfrannodd pob cenhedlaeth at yr ystâd fel y gwelwch chi hi heddiw.
Erthygl
Crwydrwch yr ystâd yn Llanerchaeron
Dewch am dro i weld amrywiaeth o fywyd gwyllt drwy gydol y flwyddyn yn Llanerchaeron, yn y parcdir, y goedwig, y dolydd ac wrth gwrs y buarth gweithredol.
Erthygl
Working towards a green recovery
With support from the Government’s Green Recovery Challenge Fund, we're looking for ways to protect our environment and combat climate change. Find out more about the work we're doing.
Erthygl
How we're tackling climate change
Climate change is the single biggest threat to the places we care for. Take a look at our environmental pledges as we adapt, reduce carbon emissions and address the damage already done.