Darganfyddwch fwy ym Mhlas yn Rhiw
Dysgwch pryd mae Plas yn Rhiw ar agor, sut i gyrraedd yno, pethau i’w gweld a’u gwneud a mwy.
Ymweld â’r ardd ym Mhlas yn Rhiw
Crwydrwch o gwmpas yr ardd organig, yn llawn o blanhigion wedi eu fframio â dros chwarter milltir o wrychoedd pren bocs. Bydd pob tymor yn cynnig rhywbeth gwahanol i chi ei ddarganfod yn yr ardd ym Mhlas yn Rhiw. Dysgwch beth fyddwch chi’n ei weld pan fyddwch yn ymweld.
Hydref
Mae tair eucryphia urddasol yn tra-arglwyddiaethu ar yr ardd trwy gydol mis Medi, eu blodau gwyn pur yn berwi o wenyn. Mae codau ffrwythau tebyg i chili y Magnolia (campbellii mollicomata) yr un mor atyniadol â'i blodau yn y gwanwyn.
Y berllan
Wrth i'r dyddiau ddechrau byrhau, mae lliwiau fflamgoch y coetir yn gefnlen hardd. Crwydrwch yn ein perllan ac fe welwch ddigonedd o ffrwythau, y cyfan yn gynhenid i Gymru. Chwiliwch am yr afal Enlli enwog.
Gaeaf
Wrth i’r dail ddisgyn, byddwch yn barod i gael eich synnu gan y golygfeydd o’r môr a’r arfordir o’r ardd ym Mhlas yn Rhiw.
Elebwr a llysiau’r blaidd
Bydd yr ardd yn parhau i roi trwy fisoedd llwm y gaeaf, gyda'r pren bocs Nadolig a'r gollen ystwyth yn llenwi'r ardd â'u peraroglau; bydd crafanc-yr-arth, bleidd-dag y gaeaf a choesynnau coch noeth y cwyrosyn coch yn cynnig amrywiaeth o liwiau.
Eirlysiau ym Mhlas yn Rhiw
Yr eirlysiau llachar yw'r arwydd cyntaf bod y gwanwyn ar ei ffordd. Byddant yn garped ar lawr y coetir ac yn llenwi'r ardd, golygfa i ryfeddu ati.
Gwanwyn
Mwynhewch y magnolias a’r camellias rhyfeddol, Rhododendron ac asaleas, cennin Pedir, tiwlipau a phob math o drysorau yn y borderi. Yn hwyr yn y gwanwyn cewch arddangosfa wych gan y wisteria sy'n dringo, gan orchuddio'r hen adeiladau.
Tegeirianau
Chwiliwch am y tegeirianau brith cyffredin yn y berllan, clychau'r gog yn y coetir uchaf a briallu ger pwll y felin, golygfa i ryfeddu ati.
Rhododendron
Chwiliwch am y tegeirianau brith cyffredin yn y berllan, clychau'r gog yn y coetir uchaf a briallu ger pwll y felin, golygfa i ryfeddu ati.
Y parcdir a chlychau’r gog ym Mhlas yn Rhiw
Yn y gwanwyn, ymgollwch yn yr arddangosfa ryfeddol o glychau'r gog sy'n garped ar lawr y coetir, a'r briallu melyn llachar.
Bydd y berllan yn dod yn fyw tua diwedd Ebrill a mis Mai, gyda dros 130 o goed yn blodeuo. Bydd y glaswelltir o ddiddordeb hefyd, chwiliwch am y briallu brith cyffredin, pys y ceirw a blodau'r llefrith. Daw'r gog heibio Plas yn Rhiw ac fe'i clywyd ac fe’i gwelwyd yma yn ystod y blynyddoedd diwethaf.
Haf
Crwydrwch trwy fôr o liwiau'r haf yn cynnwys casgliad o dri lliw ar ddeg; y mathau pen mop, les a villosa anarferol. Bydd ffiwsias, rhosod hen ffasiwn a blodau parhaol y borderi yn llenwi'r ardd â lliw ac arogleuon hyfryd.
Jasmin wen
Wrth adael y tŷ, mae'r feranda yn cysgodi jasmin wen hardd, tair abwtilon ashford coch sy'n blodeuo'n barhaus trwy gydol y flwyddyn, a rhes o rosod dringol, heb bigau (zepherine drouhin).
Caeau blodau gwyllt
Bydd y caeau blodau gwyllt yng nghefn y tŷ yn llawn o bryfed. Gwyliwch am wenoliaid a gwenoliaid y bondo yn cario pryfed i'w cywion, neu fwncathod yn troelli uwch ben.
Pethau eraill o ddiddordeb i chi
Hanes Plas yn Rhiw
Dysgwch ragor am gyn-breswylwyr Plas yn Rhiw, o'r teulu Lewis oedd yn disgyn o Frenin Powys yn y nawfed ganrif, i'r chwiorydd Keating a'i hadferodd yn 1939.
Ymweld â'r tŷ ym Mhlas yn Rhiw
Dewch i Blas yn Rhiw yng Ngwynedd i ddysgu sut y gwnaeth tenantiaid y gorffennol y tŷ yn gartref cysurus.
Ymweld â Phlas yn Rhiw gyda’ch ci
Mae gan Blas yn Rhiw sgôr o un bawen. Dyma i chi ganllaw i’r hyn y gallwch ei ddisgwyl wrth ddod â’ch ci i Blas yn Rhiw yng Ngwynedd, Cymru.
Ein gwaith ym Mhlas yn Rhiw
Darllenwch sut y trawsnewidiwyd cae yn gynefin llawn bywyd gwyllt ym Mhlas yn Rhiw, Gwynedd.
