Darganfyddwch fwy ym Mhlas yn Rhiw
Dysgwch pryd mae Plas yn Rhiw ar agor, sut i gyrraedd yno, pethau i’w gweld a’u gwneud a mwy.
Ymweld â Phlas yn Rhiw gyda’ch ci
Nid yw diwrnod hefo’ch teulu yn gyflawn heb eich cyfaill ar bedair coes. Dyma ein hawgrymiadau i sicrhau eich bod chi a’ch ci yn gwneud y mwyaf o’ch taith i Blas yn Rhiw.
Ein system sgorio pawennau
Rydym wedi bod yn gweithio’n galed i’w gwneud hi’n haws i chi wybod pa mor groesawgar fydd eich ymweliad i chi a’ch ci cyn i chi gyrraedd. I helpu gyda hyn, rydym wedi creu system sgorio pawennau newydd, a rhoi sgôr i’n holl leoliadau. Gallwch ddod o hyd i’r wybodaeth hon yn llyfryn aelodau’r Ymddiriedolaeth Genedlaethol.
Mae gan Blas yn Rhiw sgôr o un bawen.
Mae croeso i gŵn yma, ond mae’r cyfleusterau’n gyfyngedig. Gallant ymestyn eu coesau yn y maes parcio a cherdded yn y mannau agored gerllaw, yn dibynnu ar y tymor. Darllenwch ‘mlaen i weld ble yn union gallwch chi fynd â’ch ci.
Ble allai fynd â fy nghi ym Mhlas yn Rhiw?
Mae croeso i gŵn ddod i archwilio llwybrau’r coetir isaf, tu ôl i’r dderbynfa i ymwelwyr a’r toiledau, ar dennyn byr. Mae croeso iddynt hefyd ar y cwrt wrth yr ystafell de ar dennyn.
Ble fydd fy nghi ddim yn cael mynd?
Dim ond cŵn cymorth sy’n cael mynd i’r brif ardd, y coetir uchaf, y berllan a’r tŷ.
Cod Cŵn
Rydym wedi gweithio gyda’n partner Forthglade i lunio’r cod cŵn hwn, sy’n helpu i sicrhau y gall pawb fwynhau eu diwrnod:
- Tynhewch y tennyn: gallwch helpu i leihau’r siawns y bydd eich ci yn tarfu ar adar sy’n nythu ar y ddaear ac anifeiliaid fferm drwy ei gadw ar dennyn byr. Mae’n hanfodol defnyddio tennyn byr o gwmpas defaid. Ond os bydd gwartheg yn dod atoch chi, y peth gorau i’w wneud yw gadael eich ci oddi ar y tennyn, a’i alw’n ôl atoch chi pan mae’n ddiogel i wneud hynny.
- Codi’r baw: glanhewch ar ôl eich ci bob tro. Os nad ydych chi’n gallu dod o hyd i fin gerllaw, ewch â’r bagiau baw adref gyda chi.
- Troediwch yn ofalus: cadwch olwg ar arwyddion a hysbysiadau lleol ble bynnag fyddwch chi’n cerdded. Byddant yn rhoi gwybod i chi os yw cŵn wedi’u gwahardd o draeth, er enghraifft, neu os yw llwybr wedi’i wyro, neu os ydych chi mewn ardal lle gall cŵn redeg yn rhydd.
- Cadw’ch llygad ar y bêl: cofiwch nad yw pawb yn caru cŵn, ac mae rhai pobl yn eu hofni. Felly gwnewch yn siŵr nad yw eich ci yn rhedeg i fyny at bobl eraill, yn enwedig plant.
Cyfleusterau sydd ar gael i’m ci
Mae bowlenni dŵr ar gael tu allan i’r dderbynfa i ymwelwyr ac ar gwrt yr ystafell de. Mae un bin baw cŵn ar y safle, ym man cychwyn y llwybrau yn y coetir isaf ar ôl y toiledau.
Ein partneriaid
Rydym wedi ffurfio partneriaeth â’r gwneuthurwr bwyd anifeiliaid anwes naturiol, Forthglade fel y gallwch chi a’ch ci gael mwy fyth allan o’r lleoedd arbennig sydd dan ein gofal.
Pethau eraill o ddiddordeb i chi
Ymweld â’r ardd ym Mhlas yn Rhiw
Mae gan yr ardd ym Mhlas yn Rhiw lawer i'w gynnig trwy'r tymhorau, o'r eirlysiau sionc i berllan o ffrwythau a blodau hyfryd.
Ymweld â'r tŷ ym Mhlas yn Rhiw
Dewch i Blas yn Rhiw yng Ngwynedd i ddysgu sut y gwnaeth tenantiaid y gorffennol y tŷ yn gartref cysurus.
Ymweld â lleoliadau’r Ymddiriedolaeth Genedlaethol gyda’ch ci
Os ydych chi’n dod â’ch ci i’r llefydd rydym yn gofalu amdanynt, darllenwch y Cod Cŵn a dysgwch am y System Sgorio Pawennau i’ch helpu i gynllunio eich ymweliad. (Saesneg yn unig)
Llefydd sy’n croesawu cŵn yng Nghymru
O’r mynyddoedd a’r traeth, i erddi a pharcdiroedd, gallwch ganfod llwybr cerdded cŵn yng Nghymru y byddwch chi, a’ch cyfaill pedair coes, yn ei wir fwynhau. Dyma eich canllaw ar gyfer rhai o’r lleoliadau gorau yng Nghymru i ymweld â nhw gyda chŵn.
Taith Plas yn Rhiw a phentref y Rhiw
Taith trwy goetir arfordirol i bentref y Rhiw, gan fynd o amgylch godre’r mynydd ac yn ôl i lawr i Blas yn Rhiw ar hyd lonydd gwledig.
