Gwirfoddolwch gyda ni
Chwiliwch am gyfleoedd gwirfoddoli, neu cofrestrwch eich diddordeb yn Rhosili ac Arfordir De Gŵyr.
Gwirfoddoli yn De Gŵyr
Rydym bob amser yn chwilio am wirfoddolwyr i’n helpu i wneud ein gwaith yn De Gŵyr, o ymgysylltu ag ymwelwyr i un o’n prosiectau cadwraeth niferus. Dysgwch am ein cyfleoedd gwirfoddoli a sut y gallwch gymryd rhan.
Diolch am ddangos diddordeb mewn gwirfoddoli
Nid oes unrhyw gyfleoedd gwirfoddoli ar gael ar hyn o bryd. Galwch 'nôl am gyfleoedd newydd yn y dyfodol, neu cymerwch olwg ar ein gwefan wirfoddoli bwrpasol am ffyrdd o wirfoddoli mewn llefydd eraill rydym yn gofalu amdanynt.
Ar y penwythnos
Chwilio am rywbeth i’w wneud ar ddydd Sadwrn? Ar eich pen eich hun neu gyda’r teulu cyfan, ymunwch â grŵp gwirfoddoli’r penwythnos sy’n cwrdd ar ddydd Sadwrn cyntaf y mis. Gallwch ddarganfod golygfeydd cudd De Gŵyr tra’n gwneud amrywiaeth o waith cadwraeth ymarferol.
Yn ystod yr wythnos
Ar ddyddiau Mawrth, Mercher ac Iau mae gennym wirfoddolwyr yn gweithio gyda’r ceidwad ar amrywiaeth o dasgau cadwraeth ymarferol, o lanhau’r traeth i godi waliau cerrig, o ffensio i reoli cynefinoedd. Mae sgiliau newydd i’w dysgu, pobl i’w cyfarfod a llefydd i’w darganfod.
Gwirfoddoli corfforaethol
A yw eich cwmni’n eich annog i wirfoddoli am ddiwrnod – at ddibenion adeiladu tîm neu i gyfrannu at brosiect ymgysylltu cymunedol? Mae llawer o bethau y gallech eu gwneud yn De Gŵyr, fel clirio’r traeth lleol neu greu cynefinoedd ar gyfer pob math o fywyd gwyllt.
Digwyddiadau dydd
Dewch i helpu yn ein digwyddiadau a’n diwrnodau gweithgareddau. Oes gennych chi stori i’w rhannu neu ddiddordeb mewn pwnc arbenigol? Dewch i ysbrydoli eraill gyda’ch angerdd dros yr awyr agored.
Helpwch ni i arolygu bywyd gwyllt
Gyda’r holl waith rydym yn ei wneud, mae’n bwysig cadarnhau pa mor effeithiol yw ein gwaith rheoli. Mae angen help arnom i arolygu ein cynefinoedd, planhigion ac anifeiliaid. Mae’n anhygoel beth welwch chi drwy edrych ychydig yn agosach.
Pam ymuno â ni?
Mae llawer o resymau dros ymuno â ni; gallai gwirfoddoli fod y penderfyniad gorau a wnaethoch erioed.
- Dod yn rhan o dîm cyfeillgar ac ymroddedig
- Cwrdd â phobl o bob cefndir a gwneud ffrindiau newydd
- Defnyddio eich sgiliau presennol a dysgu rhai newydd
- Gwella eich CV a datblygu eich gyrfa
- Mwynhau’r awyr iach
- Dysgu am hanes y lle arbennig hwn
Am gael rhagor o wybodaeth?
Os oes gennych ddiddordeb mewn ymuno â ni, neu os hoffech ddysgu mwy am unrhyw rai o’n cyfleoedd gwirfoddoli, e-bostiwch visit.rhosili@nationaltrust.org.uk neu ffoniwch ni ar 01792 390636.
Pethau eraill o ddiddordeb i chi
Cwestiynau cyffredin am wirfoddoli
Dylai’r cwestiynau cyffredin hyn roi’r holl wybodaeth sydd ei hangen arnoch am bwy all wirfoddoli, beth fyddwch chi’n ei wneud a sut i wneud cais. (Saesneg yn unig)
Ein gwaith yn Rhosili
Dysgwch sut mae arferion ffermio hynafol wedi helpu bywyd gwyllt y Gŵyr.
Hanes Rhosili ac Arfordir De Gŵyr
Tirwedd hynafol yw Rhosili ac arfordir De Gŵyr. Mae’r rhan fwyaf o ymwelwyr yn dod i fwynhau’r traeth a’r golygfeydd ysgubol, ond o dan ein traed mae tir hynafol, hanesyddol a thrysorau i’w darganfod.
Ymweld â Rhosili ac Arfordir De Gŵyr
Ardal arbennig ar gyfer cerdded yr arfordir, gwneud campau dŵr a gwylio bywyd gwyllt. Gyda 3 milltir o dywod, mae digon o le i’r teulu cyfan chwarae yn y tywod neu hedfan barcud.
