Skip to content

Nadolig yn Nhŷ Tredegar

Tredegar House 17th Century front
Y Nadolig yn Nhŷ Tredegar, Casnewydd | © James Beck

Eleni yn Nhŷ Tredegar, bydd hud y Nadolig yn fyw i bawb ei fwynhau.

Nadolig yn Nhŷ Tredegar

Dilynwch y Nadolig drwy'r oesoedd wrth ddysgu sut mae’r dathliadau wedi newid yn ystod hanes amrywiol a diddorol Tŷ Tredegar. O wleddoedd Tuduraidd mawreddog a dathliadau Fictoraidd i ddyddiau ysgol y 1950au a bwffes lliwgar Gŵyl San Steffan yn y 1980au - darganfyddwch y traddodiadau, yr addurniadau a'r atgofion sydd wedi siapio'r Nadolig dros y 500 mlynedd diwethaf. 

Mae'r dathliadau'n dechrau yn y gerddi, gyda llwybrau goleuadau’n eich tywys tuag at yr Orendy a'r Stablau - lle gallwch chi ymlacio gyda siocled poeth cyn ymlwybro tua’r plasty.  

Mae digon o hwyl i’w gael yn y plasty, ac mae pob ystafell yn cynrychioli cyfnod gwahanol o'r Nadolig a fu. Ar ddyddiadau arbennig (gweler isod), gallai fod angen i chi osgoi Scrooge a’i gwyno crintachlyd. Ond, diolch byth, efallai y bydd Siôn Corn hefyd yn gwneud ymddangosiad i ledaenu ychydig o lawenydd.  

I wneud eich ymweliad yn fwy arbennig fyth, dewch i Dŷ Tredegar ar ôl iddi nosi pan fyddwn ni ar agor yn hwyr rhwng 14 a 23 Rhagfyr a mwynhau ymweliad ar ôl yr ysgol neu’r gwaith - pan fydd miloedd o oleuadau bach disglair yn pefrio ar draws yr ystâd. 

Os ydych chi ar ddêt, yn dal i fyny gyda ffrindiau, yn creu atgofion gyda'r teulu neu'n syml yn mwynhau diwrnod Nadoligaidd i chi’ch hun - mae rhywbeth i bawb ei ddarganfod yn Nhŷ Tredegar y Nadolig hwn. 

Bydd angen talu’r ffioedd mynediad arferol; am ddim i aelodau'r Ymddiriedolaeth Genedlaethol a does dim angen archebu ymlaen llaw ar gyfer eich ymweliad. 

Cliciwch isod i weld manylion ein digwyddiadau Nadolig.

Nadolig yn nhŷ tredegar
Nadolig yn Nhŷ Tredegar | © James Beck

Amseroedd Agor y Nadolig 

Amseroedd agor y tŷ sydd i’w gweld yma (am yr amseroedd agor llawn gweler ein hafan): 

4 - 7 Rhagfyr: 11.30am – 3.30pm (mynediad olaf am 2.45pm) 
8 - 10 Rhagfyr: Ar gau 
11 - 13 Rhagfyr: 11.30am – 3.30pm (mynediad olaf am 2.45pm) 

Nosweithiau hwyr hudolus: 

14 - 23 Rhagfyr: 12pm – 7.30pm (mynediad olaf am 7pm) 
24 - 26 Rhagfyr: Ar gau 
Caffi’r Bragdy: ar agor tan 8pm 

'Y Cyfnod Tawel': 

27 - 31 Rhagfyr: 11am – 3.30pm (mynediad olaf am 2.45pm) 

Dysgwch fwy am ein horiau agor 

A family enjoying Christmas
Nadolig yn Nhŷ Tredegar | © James Beck

Y Nadolig yn y Tŷ 

Camwch i mewn i stori'r Nadolig yn Nhŷ Tredegar a theithio drwy amser wrth ddysgu sut roedd y teulu Morgan a'r rhai a fu'n byw a gweithio yn Nhŷ Tredegar yn dathlu’r ŵyl amser maith yn ôl.  

Darganfyddwch fawredd gwleddoedd Nadolig y Tuduriaid yn Neuadd y Gweision, traddodiadau bwyta Fictoraidd mawreddog a dathliadau'r 1950au, pan roedd y tŷ yn gartref i Ysgol Sant Joseff. A chamwch i mewn i'r 1980au lliwgar, gyda golwg hiraethus ar draddodiadau'r Nadolig y bydd llawer o’n hymwelwyr yn eu cofio o'u plentyndod eu hunain. 

Gyda dros 60 o goed Nadolig wedi'u haddurno a miloedd o oleuadau disglair, mae'r plasty’n llawn manylion Nadoligaidd i'w darganfod rownd pob cornel. 

Mae'r ardaloedd ar y llawr gwaelod ac o dan y grisiau yn Nhŷ Tredegar yn hygyrch i gadeiriau olwyn. Oherwydd cynllun hanesyddol y tŷ, nid yw'r lloriau uchaf yn hygyrch i ddefnyddwyr cadair olwyn. Mae llyfr lluniau sy'n dangos yr ystafelloedd lan stâr ar gael, felly gallwch chi ddysgu am y mannau hyn a'u straeon o hyd. Siaradwch ag aelod o'r tîm os hoffech chi gael golwg. 

A father and daughter enjoying the cedar tree lights.
Nadolig yn Nhŷ Tredegar | © James Beck

Y Nadolig yn y Gerddi 

Mae eich ymweliad Nadoligaidd yn dechrau yn y gerddi, lle mae coed disglair a digwyddiadau hwyl yn cynnig croeso cynnes i Dŷ Tredegar. 

Crwydrwch drwy'r gerddi hanesyddol, gan basio’r sbriws llyfnion wedi'u gorchuddio â goleuadau, a mwynhau’r gedrwydden odidog a'i pheli Nadolig enfawr wrth i chi ymlwybro tuag at 'goetir y gaeaf' yn yr Orendy a chert Fictoraidd – y llun perffaith ar gyfer eich cardiau Nadolig yn y Stablau.  

Galwch am siocled poeth yn yr orsaf ddiodydd Nadoligaidd yn y Stablau ac ymlacio yn y babell fawr cyn parhau â'ch taith drwy’r gatiau Edney euraidd ac i mewn i'r plasty.

Nadolig yn Nhŷ Tredegar
Nadolig yn Nhŷ Tredegar | © James Beck

Nosweithiau Hwyr Hudolus yn Nhŷ Tredegar  

14 - 23 Rhagfyr 
Oriau agor y Tŷ 12pm - 7:30pm (mynediad olaf am 7pm) 

Darganfyddwch Dŷ Tredegar mewn ffordd hollol newydd y Nadolig hwn – byddwn ni’n agor yn hwyr ar ddyddiadau arbennig drwy gydol mis Rhagfyr. 

Wrth iddi nosi dros yr ystâd, mae miloedd o oleuadau disglair yn goleuo'r gerddi, gan greu awyrgylch Nadoligaidd hudolus. 

Dilynwch y llwybr goleuadau drwy'r gerddi, mwynhewch rôl boeth neu win cynnes ger y Stablau a chamwch i'r tŷ i ddarganfod 500 mlynedd o ddathliadau'r Nadolig ar ôl iddi dywyllu. 

O wleddoedd Tuduraidd i ddathliadau hiraethus yr 1980au, mae'r ystafelloedd wedi'u haddurno'n hyfryd ac yn gyfle i brofi hanes y tŷ mewn golau gwahanol. 

Bydd Caffi’r Bragdy hefyd ar agor tan yn hwyr, gan roi amser i chi fwynhau diod gynnes arall neu fwyd poeth yn ystod eich ymweliad gyda’r nos. 

Dewch i fwynhau noson allan i’r teulu neu gwrdd â ffrindiau, neu yn syml ffordd fach wahanol o fwynhau'r ŵyl - mae ein hymweliadau hwyr yn gyfle i dreulio ychydig mwy o amser yn Nhŷ Tredegar y Nadolig hwn. 

Nadolig yn nhŷ Tredegar
Nadolig yn Nhŷ Tredegar | © James Beck

Siôn Corn a Scrooge 

12 a 13 Rhagfyr, ar grwydr o 11am - 4pm 
19 - 23 Rhagfyr, ar grwydr o 12pm - 7pm
 

Bydd dau gymeriad Nadoligaidd gwahanol iawn yn ymweld â Thŷ Tredegar y Nadolig hwn. 

Bydd Siôn Corn yn cerdded o gwmpas y tŷ a'r tiroedd, yn lledaenu hwyl yr ŵyl ac yn cyfarch ymwelwyr yn y cyfnod cyn y diwrnod mawr. 

Yn y cyfamser, yn y plasty, mae gan Ebenezer Scrooge syniadau gwahanol iawn am y Nadolig. Cadwch olwg am y cymeriad crintachlyd wrth iddo wneud ei orau glas i osgoi'r dathliadau sy'n digwydd o'i gwmpas. Cadwch draw wrtho os gallwch chi! 

Mae'r ymweliadau hyn yn dod ag ychydig o hwyl ychwanegol i'ch diwrnod allan, ond bydd Siôn Corn a Scrooge yn crwydro o gwmpas Tŷ Tredegar drwy gydol y dydd, yn hytrach na chymryd rhan mewn sesiynau un-i-un traddodiadol. 

Os gwelwch chi nhw, mae croeso i chi stopio a dweud helo, ond ceisiwch beidio â ffurfio ciwiau fel y gallan nhw barhau i grwydro'r ystâd. Wedi'r cyfan, mae angen seibiant a mins pei ar Siôn Corn o bryd i'w gilydd hyd yn oed, a bydd Scrooge yn gwneud ei orau glas i ddianc rhag yr holl hwyl!  

Dim ond ar ddyddiadau penodol y byddan nhw yma, gyda'r amseroedd yn amrywio yn unol ag oriau agor y diwrnod. Bydd angen talu’r ffi fynediad arferol. 

Nadolig yn Nhŷ Tredegar
Nadolig yn Nhŷ Tredegar | © James Beck

Bwyd a diod y Nadolig 

Cymerwch hoe o’r holl gerdded a mwynhau rhywbeth i’ch twymo yn ystod eich taith Nadoligaidd. 

Galwch yn yr orsaf ddiodydd Nadoligaidd ger y Stablau am siocled poeth, gyda phabell fawr yn cynnig lle i ymlacio a mwynhau'r awyrgylch cyn i chi ymweld â'r tŷ. 

Mae Caffi’r Bragdy hefyd yn lle hyfryd i gynhesu gyda diod boeth, sleisen o deisen neu bastai cynnes i'w bwyta ar ôl archwilio'r gerddi a'r plasty. 

Yn ystod ein nosweithiau hwyr rhwng 14 a 23 Rhagfyr, bydd Caffi’r Bragdy ar agor tan 8pm (archebion olaf am 7:30pm), felly gallwch chi wneud y mwyaf o'ch noson Nadoligaidd yn Nhŷ Tredegar.

Nadolig yn Nhŷ Tredegar
Nadolig yn Nhŷ Tredegar | © James Beck

Ar Grwydr Gaeafol yn Nhŷ Tredegar

Y tu hwnt i'r addurniadau Nadolig, mae'r gaeaf yn amser hyfryd i ddarganfod parcdir cyfagos Tŷ Tredegar. 

Gwisgwch yn gynnes a mwynhewch daith gerdded heddychlon ar hyd Rhodfa’r Dderwen, lle mae’r canghennau noeth, y boreau gaeafaidd clir a’r lliwiau tymhorol yn cynnig persbectif gwahanol ar yr ystâd. 

Dilynwch y llwybr o amgylch y llyn, gan fwynhau'r dirwedd newidiol ac ochr dawelach Tŷ Tredegar ar yr adeg hon o'r flwyddyn. 

P'un a ydych chi'n chwilio am saib o brysurdeb y Nadolig neu ychydig o awyr iach gyda theulu a ffrindiau, mae digon o le i fwynhau taith gerdded aeafol. 

Golygfa o wedd ogledd-orllewinol Tŷ Tredegar, Casnewydd, o’r tu allan i’w gatiau haearn gyr du ac aur addurniadol.

Darganfyddwch fwy yn Nhŷ Tredegar

Dysgwch pryd mae Tŷ Tredegar  ar agor, sut i gyrraedd yno, pethau i’w gweld a’u gwneud a mwy.

Pethau eraill o ddiddordeb i chi

Diwrnodau allan Nadoligaidd yng Nghymru 

O gestyll a thai hanesyddol wedi'u haddurno ar gyfer y Nadolig i ddiwrnodau allan gyda'r teulu, ymweliadau gan Siôn Corn, marchnadoedd Nadolig a theithiau cerdded gaeafol, cewch brofi digon o ffyrdd i fwynhau'r Nadolig yn y lleoedd rydym yn gofalu amdanynt ledled Cymru.

Coed Nadolig Castell Penrhyn

Pethau i’w gwneud yn Nhŷ Tredegar 

Dysgwch fwy am y plasty arbennig hwn a’r Cymry balch a fu’n berchen arno am fwy na 500 mlynedd. Darllenwch ‘mlaen am ragor o wybodaeth am ddarganfod y tŷ hanesyddol hwn.

A view of the front of the red mansion house

Bwyta yn Nhŷ Tredegar 

Galwch draw i gaffi’r Bragdy am ddiod a bwyd poeth. Wedi’i leoli mewn adeilad hanesyddol, mae pob ceiniog a gaiff ei gwario yma yn ein helpu i ofalu am Dŷ Tredegar ar gyfer cenedlaethau’r dyfodol.

Afternoon tea with fruit scones, clotted cream and jam in the restaurant at Sissinghurst Castle Garden, Kent

Ymweld â'r ardd yn Nhŷ Tredegar 

Crwydrwch amrywiaeth o erddi hanesyddol ar eich ymweliad â Thŷ Tredegar. Darllenwch fwy am y llecynnau gwyrdd unigryw hyn, a sut gall ymwelwyr eu mwynhau nhw heddiw.

Rhieni a babanod yn yr ardd