Darganfyddwch fwy yn Nhŷ Tredegar
Dysgwch pryd mae Tŷ Tredegar ar agor, sut i gyrraedd yno, pethau i’w gweld a’u gwneud a mwy.
Datgelu 500 Mlynedd o'r Nadolig yn Nhŷ Tredegar
Eleni yn Nhŷ Tredegar, bydd hud y Nadolig yn fyw i bawb ei fwynhau.
Nadolig yn nhŷ tredegar
Dadorchuddiwch 500 mlynedd o hanes y Nadolig hwn yn Nhŷ Tredegar, gyda goleuadau godidog, awyrgylch hudolus a thros 80 o goed wedi’u haddurno. Cewch cich tywys drwy genedlaethaur gorffennol, archwilio sut oedd y teulu Morgan yn dathlu'r Nadolig, gan ddysgu sut y treuliasant yr wyl, o wieddoedd y Tuduriaid i draddodiadau Fictoraidd, hyd at y 1950au pan odd ysgol Joseff Sant yma.
I ddechrau tymor y Nadolig, dewch i weld goleuadau disglair yr ardd ac addurniadau cain y plasty o 1 Rhagfyr ymlaen. Pa le gwell na Thŷ Tredegar i godi hwyl yr ŵyl.
Oriau agor:
- Bydd y Tŷ a’r Ardd ar agor o ddydd Gwener i ddydd Llun, 1-4 a 8-11 Rhagfyr, a phob dydd o 11am-4pm rhwng 15 a 23 Rhagfyr.
- Byddwn ar agor yn hwyr tan 8pm ar rai dyddiau dewisol.
- Mae’r coetir a’r ystafell de ar agor bob dydd. Ar gau 24, 25 a 26 Rhagfyr.
Cliciwch isod i weld manylion ein digwyddiadau Nadolig.
Golau yn codi gwên
Gall y Nadolig fod yn gyfnod prysur i bawb, felly beth am ymuno â ni i gael eich gwynt atoch a mwynhau’r ŵyl gyda cherddoriaeth Nadoligaidd ar y piano a naws gynnes, braf? Mae’r penwythnos cyntaf ym mis Rhagfyr, sef 1-4 Rhagfyr,a holl ddyddiau'r wythnos yr ydym yn agor yn amser perffaith i fwynhau mynd am dro drwy ardd a Thŷ Tredegar, ac i ymdrochi yn hanes cyfoethog y safle a naws ymlaciol, hwyliog y Nadolig.
Penwythnos llawen i’r teulu cyfan
Mae dydd Sadwrn 9, dydd Sul 10, dydd Sadwrn 16 a dydd Sul 17 o Ragfyr yn benwythnosau cyffrous a phrysur i deuluoedd fwynhau gwir ysbryd y Nadolig. Canwch ganeuon Nadoligaidd, ymunwch â’n côr Nadolig, a chadwch lygad am ddau westai arbennig iawn – Ebenezer Scrooge a Siôn Corn ei hun, a fydd yn crwydro’r ardd a’r Tŷ.
Agoriadau nadolig hwyr
Ddydd Gwener 8 a 15, ddydd Llun 18, ddydd Mawrth 19 a dydd Mercher 20 o Ragfyr, byddwn ar agor tan 8pm, felly bydd cyfle i bawb fwynhau Nadolig hudolus yn Nhŷ Tredegar. Ond, os nad yw’r dyddiadau hyn yn gyfleus, peidiwch â phoeni, byddwn ar agor tan 4pm ar ein dyddiadau agor eraill, sef dydd Gwener 1 – ddydd Llun 4 Rhagfyr, dydd Sadwrn 9 – ddydd Llun 11 Rhagfyr, dydd Sadwrn 16 – ddydd Sadwrn 23 Rhagfyr. Bydd y Bragdy a’r Siop Lyfrau Wirfoddol hefyd ar agor tan 8pm ar y dyddiau agor gyda’r hwyr, felly dewch i fwynhau’r Nadolig dan olau’r lleuad.
Gweithdai creu torchau Sero
Gyda gweithdai gan Lucy Coco Floristry, mae’n amser ymlacio a thanio eich creadigrwydd gyda gweithdy botanegol Nadoligaidd yn adeilad hyfryd y Golchdy yn Nhŷ Tredegar. Bydd gweithdai’n cael eu cynnal ar 1 a 3 Rhagfyr, rhwng 10am - 12:30pm neu 1:30pm - 3:00pm a’r gost yw £55 y pen. Rhaid archebu.
Llwybrau’r Gaeaf
Gwisgwch yn gynnes a dewch am dro drwy diroedd rhewllyd Tredegar. Gofalwch rhag llithro, mwynhewch y gerddi ffurfiol, ac ymgollwch eich hun yn nathliadau Nadolig y gorffennol, a fwynhawyd gan y teulu Morgan drwy’r canrifoedd.
Yn y parcdir, mae’r llyn yn rhewi ar yr adeg hon o’r flwyddyn yn aml, ac ar ddiwrnod rhewllyd mae’r llwybrau’n disgleirio gan droi’r ardd a’r parc yn fyd o hud gaeafol i chi ei ddarganfod.
Pethau eraill o ddiddordeb i chi
Y Nadolig yng Nghymru
P’un a ydych yn chwilio am gestyll sy’n llawn addurniadau addurnedig, lleoedd i gwrdd â Siôn Corn, diwrnod allan mewn marchnad Nadolig neu fwynhau taith gerdded gaeafol ffres, mae gennym ddigonedd o lefydd yng Nghymru i wneud atgofion Nadoligaidd.
Erthygl
Pethau i’w gwneud yn Nhŷ Tredegar
Dysgwch fwy am y plasty arbennig hwn a’r Cymry balch a fu’n berchen arno am fwy na 500 mlynedd. Darllenwch ‘mlaen am ragor o wybodaeth am ddarganfod y tŷ hanesyddol hwn.
Erthygl
Bwyta yn Nhŷ Tredegar
Galwch draw i gaffi’r Bragdy am ddiod a bwyd poeth. Wedi’i leoli mewn adeilad hanesyddol, mae pob ceiniog a gaiff ei gwario yma yn ein helpu i ofalu am Dŷ Tredegar ar gyfer cenedlaethau’r dyfodol.
Erthygl
Ymweld â'r ardd yn Nhŷ Tredegar
Crwydrwch amrywiaeth o erddi hanesyddol ar eich ymweliad â Thŷ Tredegar. Darllenwch fwy am y llecynnau gwyrdd unigryw hyn, a sut gall ymwelwyr eu mwynhau nhw heddiw.