Two children and Father Christmas smiling and looking at a Christmas Tree decorated with red baubles and fairy lights in Tredegar House, Newport, Wales — Mwynhewch ddyddiau allan llawn hwyl yng Nghymru y Nadolig hwn | © National Trust Images/Paul Harris

Y Nadolig yng Nghymru

O addurniadau Nadolig a theithiau cerdded gaeafol i weithgareddau teuluol a marchnadoedd yr ŵyl, mae llawer o ddigwyddiadau a phethau i’w gwneud yn eich ardal chi y gaeaf hwn yng Nghymru. Trefnwch ddiwrnod allan Nadoligaidd a dewch o hyd i lawer o bethau i’w gweld a’u gwneud gyda’r teulu i gyd.

Castell Y Waun a’r Ardd, Wrecsam

Camwch i mewn i ysbryd y Nadolig yng Nghastell y Waun, lle mae addurniadau ardderchog a goleuadau disglair yn llenwi pob ystafell, a theatrau pyped cysgod chwareus yn dod â 700 mlynedd o hanes y castell yn fyw. Y tu allan cewch fwynhau taith gerdded aeafol neu ddilyn y llwybr darganfod coetir i weld os all eich plant ddod o hyd i’r holl anifeiliaid sy’n galw’r ystâd yn gartref.

Family admiring the Christmas trees at Chirk Castle

Neuadd a Gardd Erddig, Wrecsam

Cewch edrych yn fanylach ar addurniadau wedi’u hysbrydoli gan Nutcracker, a chrwydro drwy deyrnasoedd o eira, candi, blodau a choedwigoedd, gan orffen mewn dawns ddisglair. Y tu allan, mae’r goleuadau a’r addurniadau yn creu golygfa aeafol hudolus, a gall y plant ymlwybro ar hyd y llwybr gardd ar thema bale. Dewch draw ar ôl iddi dywyllu am brofiad Nadoligaidd go iawn gyda goleuadau disglair a chrefftau teuluol (15-18 Rhagfyr).

The Music Room at Erddig Hall, Wrexham, with an ornately decorated Christmas tree with baubles and fairy lights, surrounded by gifts. Stockings hand on the fireplace and Father Christmas' coat hangs over a chair.

Castell Penrhyn a'r Ardd, Bangor

Dewch i ddathlu Nadolig Fictoraidd traddodiadol yng Nghastell Penrhyn, lle mae ysblander y Nadolig a thraddodiad oesol yn dod â’r ystafelloedd moethus yn fyw gydag addurniadau cywrain a choed sy’n disgleirio. Mae digon i oleuo wynebau’r ymwelwyr iau hefyd, gyda gorsaf hunlun, crefftau, llwybr darganfod anifeiliaid pren, adrodd straeon (12 Rhagfyr) a dewin (13-14 Rhagfyr).

Addurniadau Nadolig yng Nghastell Penrhyn, Bangor, Gwynedd, Cymru

Tŷ a Gardd Plas Newydd, Ynys Môn

Cyfnewidiwch eich cyrn ceirw am glustffonau a thincial eich ffordd i’r llawr dawns yn Nisgo Tawel Plas Newydd y Nadolig hwn. Ewch i’r Ystafell Gerdd, a ddefnyddiwyd unwaith ar gyfer partïon gan ‘Marcwis y Ddawns’, a dawnsiwch yn ddiddiwedd dan enfys o oleuadau. Wedyn, ymlaciwch gyda thaith gerdded aeafol yn y gerddi, a chael hunlun teuluol yn y dorch 7-troedfedd.

Three children enjoing the silent disco at Plas Newydd, Anglesey. They're wearing lit up headphones and are clustered around a lit up disco ball.

Gardd Bodnant, Conwy

Anadlwch aer ffres, persawrus y pinwydd, gwrando ar gân yr adar, gweld aeron llachar y celyn, a mwynhau golygfeydd o fynyddoedd y Carneddau wedi’u gorchuddio ag eira - mae Gerddi Bodnant yn wych am eich atgoffa fod arafu yn un o anrhegion gorau’r tymor. Peidiwch â cholli’r llwybr natur gaeafol teuluol i ddarganfod mwy am uchafbwyntiau tymhorol yr ardd.

Ymwelwyr yn archwilio Gardd Bodnant, Cymru

Castell a Gardd Powis, Y Trallwng

Dewch i brofi Nadolig Hudolus yn yr ystafelloedd uchaf yng Nghastell Powis, lle mae goleuadau disglair, addurniadau cywrain, a choed tal yn eich cludo i fyd gaeafol llawn hud. Bydd y plant wrth eu bodd yn gweld y llygod bach sy’n cuddio ymysg yr addurniadau. Wedi iddi dywyllu, o 12-22 Rhagfyr, cewch weld tafluniadau disglair yn goleuo waliau’r castell canoloesol, gan greu arddangosfa Nadoligaidd gofiadwy.

A family enjoying the Christmas illuminations at Powis Castle and Garden

Llanerchaeron, Ceredigion

Peidiwch â cholli Ffair Nadolig flynyddol Llanerchaeron o 5-7 Rhagfyr, pan mae’r ystâd hanesyddol yn dod yn wlad hudolus aeafol o oleuadau disglair, cerddoriaeth lawen, ac arogleuon tymhorol. Cewch grwydro dros 70 o stondinau cyn mynd i mewn i’r Fila Sioraidd odidog i fwynhau Nadolig traddodiadol gyda choed wedi’u gwisgo, garlantau naturiol, a goleuadau bach - yn sicr bydd yn gwneud i chi deimlo’n llawn ysbryd Nadoligaidd.

Dinefwr, Sir Gaerfyrddin

Profwch y Ffair Nadolig yn Ninefwr, lle bydd talent, blasau, ac adloniant lleol yn sicr o’ch gwneud i deimlo’n Nadoligaidd. Mae Tŷ Newton hefyd wedi cael ei addurno ar gyfer y tymor - peidiwch â cholli’r goeden boblogaidd Creaduriaid Dinefwr. Ar ôl y Nadolig, beth am ddianc o’r digalondid gyda thraddodiad arbennig Cymru, y Fari Lwyd - gyda cherddoriaeth fywiog, chwerthin a digon o ddireidi.

Perfformiad Nadoligaidd y Fari Lwyd yn Nhŷ Newton, Dinefwr, Cymru

Gerddi Dyffryn, Caerdydd

Beth am ddianc o brysurdeb y Nadolig gyda thro heddychlon yng Ngerddi Dyffryn. Crwydrwch lwybrau rhewllyd, anadlu’r aer ffres, a mwynhau harddwch tawel y tymor. Os ydych yn ymweld hefo’ch plant, efallai y gallwch helpu Siôn Corn i ddod o hyd i’w garw coll, a chwblhau eu heriau hwyliog. Dyma’r lle delfrydol i bawb ymlacio’r mis Rhagfyr hwn.

Tŷ Tredegar, Casnewydd

Camwch yn ôl mewn amser yn Nhŷ Tredegar, lle mae goleuadau disglair a hud Nadoligaidd yn dod â hanes yn fyw. Cewch ddarganfod sut y dathlwyd y Nadolig yma am dros 500 o flynyddoedd a chael i ysbryd yr ŵyl go iawn wrth ymweld yn ystod y 'Nosweithiau Hwyr' (12-23 Rhagfyr). Cewch weld dros 100 o goed Nadolig, miloedd o oleuadau disglair, llusernau disglair, a'r Gedrwydden 250 mlwydd oed yn disgleirio'n llachar.

Tŷ’r Masnachwr Tuduraidd, Dinbych-y-pysgod

Camwch i Nadolig yr 16eg ganrif a chrwydro tri llawr yn llawn gwyrddni ffres, orennau persawrus, a sbeisys blasus - peidiwch â cholli’r bwrdd urddasol wedi’i osod am wledd foethus. Gall y plant gwrdd â’r ‘Arglwydd Anghyfraith’ direidus, meistr Gwledd y Ffyliaid, a fydd yn rhoi tegan Tuduraidd am ddim iddynt

Bwrdd bwyta Gwledd Nadolig yn Nhŷ’r Masnachwr Tuduraidd, Dinbych-y-pysgod

Dinefwr, Sir Gaerfyrddin

Bydd Dinefwr yn cychwyn cyfnod y Nadolig gyda'u Ffair Nadolig flynyddol ar y 21-23 Tachwedd lle bydd stondinau Nadoligaidd, yn gwerthu amrywiaeth o nwyddau hardd o emwaith wedi'u gwneud â llaw i gyffeithiau blasus yn cael eu gosod o flaen Tŷ Newton. Uchafbwynt na ddylid ei golli.

Dyn, dynes a phlentyn yn pori trwy stondin mewn marchnad Nadolig

Llanerchaeron, Ceredigion

Bydd y Ffair Nadolig yn Llanerchaeron yn ôl ar 5-7 Rhagfyr. Mwynhewch fins pei a gwin cynnes wrth i chi grwydro o gwmpas yr ystâd a fydd yn llawn stondinau yn arddangos cynnyrch, bwyd a cherddoriaeth leol. Bydd y fila Sioraidd yn agor ei drysau am dri diwrnod ac yn cael ei haddurno ag addurniadau Nadolig cynaliadwy ar draws y llawr gwaelod.

Dynes yn cario bachgen bach wrth gymryd golwg ar stondin marchnad

Erddig, Wrecsam

Dewch i greu atgofion hudolus wrth i chi ymuno â Siôn Corn am frecwast neu swper yn Erddig ar benwythnosau o 6-23 Rhagfyr (archebu’n hanfodol). Gyda gweithgareddau hyfryd, caneuon twymgalon, a syrpreisys Nadoligaidd, mae’r profiad cofiadwy hwn yn siŵr o lenwi’r teulu cyfan â hwyl yr ŵyl.

A young, smiling girl meeting Father Christmas at Erddig, Wales

Dinefwr, Sir Gaerfyrddin

Mae ymweld â Siôn Corn yn draddodiad teuluol gwerthfawr sy’n ychwanegu ychydig o hud i’r tymor Nadoligaidd. Dewch i’w gwrdd yn ei groto yn Ninefwr ar 7, 14 a 21 Rhagfyr wrth iddo gymryd seibiant o’i amserlen brysur i wrando ar eich dymuniadau Nadolig (archebu’n hanfodol).

A young boy meeting Father Christmas in his grotto at Ickworth, Suffolk

Christmas at Powis Castle and Garden

Ymunwch â Siôn Corn am frecwast hudolus yn Siop Lyfrau Stablau Bodley (archebu’n hanfodol). Cewch weld wynebau bach hapus wrth iddo ymddangos, yna cewch ddod ynghyd wrth y goeden Nadolig i gasglu anrheg fechan a chlywed stori dwymgalon.

Father Christmas in his red suit, is giving a gift to a child. There is a Christmas tree in the background and other children waiting.

Erddig, Wrecsam

Mwynhewch yr anrheg o roi drwy gyfrannu at fanc bwyd Wrecsam yn groto o chwith Erddig; bydd Siôn Corn yno i ddiolch i chi, bob penwythnos 29 Tachwedd i 21 Rhagfyr, 11am-3pm. Rydym yn croesawu rhoddion o fwyd yn ystod yr wythnos hefyd, ond ni fydd Siôn Corn yno i ddweud diolch.

Siôn Corn yn ei groto yn Erddig, wedi ei amgylchynu gan roddion ymwelwyr i’r banc bwyd lleol.

Castell y Waun, Wrecsam

Dyma'r tymor perffaith i roi. Felly, rhowch rywbeth yn ôl i'r gymuned y Nadolig hwn drwy roi rhodd i Fanc Bwyd Croesoswallt a'r Cyffiniau. Rydym yn croesawu rhoddion o fwyd yn ystod yr wythnos, ond ar y penwythnosau, o 29 Tachwedd i 21 Rhagfyr bydd Siôn Corn yno i ddiolch i chi am eich rhodd.