Bwyta a siopa yn Ninefwr

Fruit scones on baking parchment on a baking tray — Sgonau ffrwythau | © National Trust Images/John Millar

Dewch i eistedd yng nghaffi dan do Tŷ Newton a mwynhewch amrywiaeth eang o fwydydd poeth ac oer, cacennau a hufen iâ. Yn y maes parcio, mae’r caffi awyr agored “Rydych Chi Yma” yn lle cyfleus i gael diodydd a byrbrydau tecawê, cyn mynd am dro neu wylio Gwartheg Gwyn y Parc.

Y caffi dan do yn Nhŷ Newton

Mwynhewch ddetholiad o frechdanau, byrbrydau sawrus, pasteiod a rholiau selsig cynnes, cacennau, diodydd a hufen iâ yn yr hen ystafell filiards hanesyddol, y prif gaffi ar lawr gwaelod Tŷ Newton. Croesewir cŵn ufudd ar dennyn yn y caffi y tu mewn i’r Tŷ (mae prisiau mynediad yn berthnasol, am ddim i aelodau) .

Fel arall, eisteddwch yn yr ardd parterre ffurfiol y tu ôl i’r tŷ lle mae ceirw Dinefwr i’w gweld yn crwydro’r parc ceirw hanesyddol.

Neu, dewch i fwynhau iard Tŷ Newton, a fydd yn agor ar ffurf yr ‘Iard Dderw’ ar 20 Gorffennaf.

Caiff y coffi masnach deg ei brynu o ffynonellau moesegol a’i gyfuno’n arbennig ar gyfer yr Ymddiriedolaeth Genedlaethol.

Mae wedi’i achredu gan y Gymdeithas Bwytai Cynaliadwy (SRA) ac mae wedi ennill Gwobr Efydd ‘Food for Life Served Here’ gyda Chymdeithas y Pridd.

Caffi yn Ninefwr | © National Trust Images / Aled Llywelyn

Pitchfork & Provision: ein gwesteion arbennig yn yr Iard Dderw

Noson Agoriadol 2 Awst. Ar agor yn ddyddiol 3-31 Awst 2024.

Mae Pitchfork & Provision, caffi lleol cyfarwydd yn ymuno â ni fis Awst yn yr Iard Dderw i gynnig amrywiaeth o ddanteithion tymhorol. Yn lleol i Landeilo, mae Pitchfork & Provision yn arbenigo mewn bwydydd artisan sy’n defnyddio’r cynhwysion lleol gorau posib.

Bydd danteithion melys artisan, cacennau ac opsiynau sawrus fel focaccia wedi’u llenwi a rholiau selsig. Wrth edrych yn fwy manwl ar y fwydlen, efallai y gwelwch fod rhywfaint o’r cynnyrch yn dod o Ddinefwr, ffermydd Dolaucothi a Llanerchaeron, ry’ ni’n falch iawn o weld cynnyrch o lefydd yr Ymddiriedolaeth Genedlaethol ar y fwydlen.

Yn ystod y noson agoriadol ar y 2 Awst a’r dathliad diwedd yr haf ar y 30 Awst, bydd amrywiaeth o fwyd blasus, gwin da, cwrw a seidr lleol. Bydd bara fflat gyda chig oen wedi’i farinadu gan denant un o ffermydd yr Ymddiriedolaeth Genedlaethol, llysiau a hwmws cartref a phlatiau mezze.

Mae modd archebu ticed ar gyfer y digwyddiad ar ein tudalen digwyddiadau.

Bwydydd a chacennau gan Pitchfork & Provision, caffi yn yr Iard Dderw, Dinefwr, Sir Gâr — Bwydydd blasus gan gaffi Pitchfork & Provision yn yr Iard Dderw, Dinefwr Sir Gâr | © NT/Jason Elberts

Y caffi tecawê yn yr adeilad ‘Rydych Chi Yma’

Mae ein caffi tecawê awyr agored newydd ar agor yn yr adeilad “Rydych Chi Yma” yn y maes parcio. Mae’n cynnig amrywiaeth o ddiodydd poeth ac oer, byrbrydau a hufen iâ. Cewch fwynhau diod neu fyrbryd cyn mynd am dro, neu gallwch dretio eich hun ar ôl dod yn ôl.

Gwybodaeth am alergenau

Mae’r rhan fwyaf o’n bwyd a diod yn cael ei baratoi ar y safle yn ein cegin gan ddefnyddio amrywiaeth eang o gynhwysion. O ganlyniad, ni allwn warantu bod ein cynhyrchion bwyd a diod yn hollol rydd o alergenau.

Os oes gennych alergedd neu anoddefgarwch ac yr hoffech weld gwybodaeth am gynhwysion bwyd a diod, gofynnwch i’r staff a fydd yn hapus i helpu.

Cadarnhewch cyn eich ymweliad

Wedi ymweld o’r blaen? Weithiau rydym yn newid ein ryseitiau i wella ansawdd a blas, gan gynnwys y cynhwysion. Ar eich ymweliad, siaradwch ag aelod o’n tîm i wirio’r wybodaeth ddiweddaraf am alergenau ar gyfer eich hoff bryd.

Llyfrau clawr papur ar silff yn y siop lyfrau ail-law yn Ystâd Shugborough, Swydd Stafford — Mae yna ddewis enfawr o lyfrau ail-law i bori drwyddynt | © National Trust Images/David Goacher

Y siop lyfrau ail-law yn Ninefwr

Porwch drwy’r siop llawn llyfrau ail law yn Nhŷ Newton, lle gallwch brynu trysor ail law o blith amrywiaeth eang o lyfrau a fydd at ddant pawb. Rydym yn croesawu rhoddion ar ffurf llyfrau ail law o ansawdd da. Felly, os ydych wrthi’n clirio eich silff lyfrau, siaradwch ag aelod o staff.

Bydd pob ceiniog yn mynd tuag at gynnal y lle arbennig hwn. Diolch.