Ymweld ag Eryri gyda'ch ci

Family on a walk with their dog at High Peak Estate, Derbyshire — Mwynhewch daith gerdded gyda'r ci yn Eryri | © National Trust Images/Trevor Ray Hart

Dilynwch yn ôl troed chwedlau o amgylch Eryri. P'un a ydych am dro hamddenol neu daith gerdded fynyddig, isod mae detholiad o llefydd i flino'r pedwar cymal (a'ch rai chi). Mae gan bron bob un o'r lleoliadau hyn da byw yn pori, felly cadwch eich ci ar dennyn. Helpwch ni i gadw’r llwybrau troed yn ddiogel ac yn arbennig i bawb eu mwynhau trwy lanhau ar ôl eich ci a chael gwared ar y baw mewn modd cyfrifol.

Ein system pawen

Rydyn ni wedi bod yn gweithio ar ei gwneud hi’n haws i chi ddarganfod pa mor gyfeillgar i gŵn fydd eich ymweliad cyn i chi a’ch ffrind pedair coes gyrraedd. I helpu gyda hyn, rydym wedi creu system raddio newydd ac wedi rhoi sgôr i'r holl leoedd yn ein gofal. Gallwch ddod o hyd i’r wybodaeth hon yn llawlyfr aelodau’r Ymddiriedolaeth Genedlaethol.

Mae gan Eryri sgôr o un bawen.

Mae croeso i gŵn yma, ond mae’r cyfleusterau’n gyfyngedig. Gallant ymestyn eu coesau yn y maes parcio a cherdded yn y mannau agored gerllaw, yn dibynnu ar y tymor. Mae llawer o lefydd i ymweld â nhw yn Eryri, darllenwch ymlaen i ddarganfod yn union ble gallwch chi fynd â'ch ci.

Beth sydd angen i mi gofio yn Eryri?

Rydym yn cynnal rhwydwaith enfawr o dros 100km o lwybrau troed ar draws Eryri, y gallwch eu mwynhau gyda’ch ci. Mae'r ardaloedd hyn yn aml yn wyllt gyda chyfleusterau cyfyngedig ar gyfer cŵn. Mae gan bron bob un o’r lleoliadau hyn da byw, ac maent yn gartref i rai planhigion bregus ac adar sy’n nythu ar y ddaear, felly cadwch eich ci dan reolaeth agos, a chlirio baw ci yn gyfrifol.

Byddwch yn barod am camfeydd, gan nad yw bob amser yn bosibl gosod gatiau sy’n croesawu cŵn. Gall y dirwedd greigiog a garw fod yn anodd i bawennau cain. Mae hefyd yn werth gwirio eich ci am drogod ar ôl eich ymweliad.

Ble gall fy nghi fynd yn Eryri?

Ysbyty Ifan: Rydym yn cynnal a chadw 39 milltir o lwybrau troed i chi eu harchwilio yn y gornel dawel hon o Eryri. Cychwynnwch ym mhentref Ysbyty Ifan a dilynwch heol yr Hen Borthmyn – a arferai gael ei defnyddio i gerdded da byw i farchnadoedd yn Lloegr o gyn belled i ffwrdd â Llŷn. Mae’r ystâd yn cynnwys 51 o ffermydd felly cofiwch ddod ag tennyn gan eich bod bron yn sicr o ddod ar draws da byw. Efallai y byddwch hefyd yn dod ar draws rhai camfeydd (yn enwedig dros waliau cerrig) lle nad yw'n bosibl i ni gynnwys giât sy'n croesawu cŵn.Ymweld â Ysbyty Ifan
Dinas Oleu: Ewch â'ch ci ar daith hanesyddol a darganfyddwch ble ddaru gwreiddiau'r Ymddiriedolaeth cydio, trwy archwilio llethr serth Dinas Oleu yn Abermaw. Am daith gerdded drwy'r goedwig, dilynwch y llwybr o Ganllwyd i'r Rheadr Ddu ac o amgylch stad Dolmelynllyn. Rydych chi'n siŵr o wlychu a chael yn fwdlyd yma! Mae yna hefyd ychydig o wartheg yr ucheldir yn pori yn y coed a siawns o ddefaid i fyny ar y ffridd, felly cofiwch ddod â thennyn. Efallai y byddwch hefyd yn dod ar draws rhai camfeydd (yn enwedig dros waliau cerrig) lle nad yw'n bosibl i ni gynnwys giât sy'n croesawu cŵn.Ymweld â Dinas Oleu
Cwm Wybrnant: Ewch am dro o amgylch dyffryn Cwm Wybrnant gan alw yn Nhŷ Mawr Wybrnant, man geni’r Esgob William Morgan, a fu’n gyfrifol am gyfieithu’r Beibl Cymraeg. Mae croeso i gŵn ar dennyn o amgylch yr ardd. Nid oes biniau ar y safle, felly dewch yn barod i fynd â'ch baw ci adref gyda chi.Ymweld â Chwm Wybrnant

Two people and a dog walking along a rocky ledge through a gorge with fast moving river to the right — Ymwelwyr yn cerdded ar hyd afon Glaslyn, Eryri | © National Trust Images/Chris Lacey

Beddgelert: Dewch â'ch ci i Feddgelert cartre'r ci ffyddlon, Gelert. Dilynwch ei olion traed wrth i chi fentro o amgylch y pentref neu ewch ychydig ymhellach i lawr bwlch syfrdanol Aberglaslyn. Fel arfer mae defaid mewn rhai o’r caeau ar hyd y llwybr hwn, felly cadwch eich ci ar dennyn. Mae biniau cyhoeddus yn y pentref hefyd ar gael ar gyfer baw cŵn.Ymweld â Beddgelert
Cwm Idwal: Mae gan Warchodfa Natur Genedlaethol hynaf Cymru, Cwm Idwal, olygfeydd mynyddig ysblennydd, bywyd gwyllt arbennig, a daeareg enwog. Byddwch yn ymwybodol bod y llwybr hwn yn mynd trwy ardaloedd sy'n ffafriol i adar sy'n nythu ar y ddaear a thir fferm sy'n cael ei bori gan wartheg a defaid. Efallai y byddwch hefyd yn dod ar draws geifr gwyllt. Mae’n gyrchfan boblogaidd iawn felly i helpu pawb i deimlo’n ddiogel ac i leihau’r risg i fywyd gwyllt a da byw, cadwch eich ci ar dennyn. Mae biniau y gellir eu defnyddio ar gyfer baw cŵn ger y ganolfan ymwelwyr.Ymweld â Chwm Idwal

Cod Cŵn

Rydym wedi gweithio gyda’n partner Forthglade i lunio’r cod cŵn hwn, sy’n helpu i sicrhau y gall pawb fwynhau eu diwrnod:

Tynhewch y tennyn: gallwch helpu i leihau’r siawns y bydd eich ci yn tarfu ar adar sy’n nythu ar y ddaear ac anifeiliaid fferm drwy ei gadw ar dennyn byr. Mae’n hanfodol defnyddio tennyn byr o gwmpas defaid. Ond os bydd gwartheg yn dod atoch chi, y peth gorau i’w wneud yw gadael eich ci oddi ar y tennyn, a’i alw’n ôl atoch chi pan mae’n ddiogel i wneud hynny.
Codi’r baw: glanhewch ar ôl eich ci bob tro. Os nad ydych chi’n gallu dod o hyd i fin gerllaw, ewch â’r bagiau baw adref gyda chi.
Troediwch yn ofalus: cadwch olwg ar arwyddion a hysbysiadau lleol ble bynnag fyddwch chi’n cerdded. Byddant yn rhoi gwybod i chi os yw cŵn wedi’u gwahardd o draeth, er enghraifft, neu os yw llwybr wedi’i wyro, neu os ydych chi mewn ardal lle gall cŵn redeg yn rhydd.
Cadw’ch llygad ar y bêl: cofiwch nad yw pawb yn caru cŵn, ac mae rhai pobl yn eu hofni. Felly gwnewch yn siŵr nad yw eich ci yn rhedeg i fyny at bobl eraill, yn enwedig plant.

Cadwch eich ci dan reolaeth 

Mae ein diffiniad o reolaeth agos neu effeithiol fel a ganlyn:

Y gallu i alw eich ci atoch mewn unrhyw sefyllfa, ar yr alwad gyntaf.
Gallu gweld eich ci yn glir bob amser (nid yw gwybod ei fod wedi diflannu i mewn i’r llystyfiant neu dros y bryn yn ddigon). Yn ymarferol, mae hyn yn golygu ei gadw ar lwybr cerdded os yw’r llystyfiant o’ch cwmpas yn rhy drwchus i allu gweld eich ci.
Peidio â gadael iddo fynd at ymwelwyr eraill heb eu caniatâd.
Cael tennyn i’w ddefnyddio os byddwch yn dod ar draws da byw, bywyd gwyllt neu os gofynnir i chi ddefnyddio un.

Teulu yn mynd â’u cŵn am dro yn y parc yn Erddig, Wrecsam, Cymru

Dewch o hyd i'r lle nesaf i gerdded eich ci yng Nghymru

Mae digonedd o lefydd sy’n croesawu cŵn yng Nghymru. O fynyddoedd a thraethau i erddi a pharciau, darganfyddwch lefydd i gerdded a chrwydro.

Trefnwch daith

Rydym wedi ffurfio partneriaeth â’r gwneuthurwr bwyd anifeiliaid anwes naturiol, Forthglade fel y gallwch chi a’ch ci gael mwy fyth allan o’r lleoedd arbennig sydd dan ein gofal.

Ymweld â'r wefan