Diwrnodau allan i'r teulu yng Erddig

Cynllunio eich ymweliad ar gyfer y teulu

Cymerwch gip ar y wybodaeth yma i’ch help i gynllunio eich ymweliad nesaf ag Erddig:

• Mae toiledau a chyfleusterau newid babanod wedi’u lleoli yn Iard y Domen. Mae toiledau compostio ychwanegol wedi’u lleoli yn Ffau’r Blaidd, ein hardal chwarae naturiol.

• Caiff pramiau eu caniatáu ledled llawr gwaelod y tŷ yn unig, sy’n gwbl hygyrch, gyda lloriau carreg gwastad. Gallwch hefyd adael pramiau wrth fynedfa’r tŷ.

• Sylwer – ni chaniateir cŵn y tu mewn i’r tŷ, yn yr ardd, yn y siop, ym mwyty’r Daflod nac yn Ffau’r Blaidd, sef ardal chwarae naturiol. Yr unig eithriad i’r polisi hwn yw cŵn cymorth cofrestredig.

Dathlu Dydd Gŵyl Dewi gyda ni

Ymunwch â ni yn Erddig ar 28 Chwefror a 1 Mawrth o 10am-4pm am ddathliad bywiog o ddiwylliant Cymru sy’n cynnwys cerddoriaeth fyw, crefftau i blant, adrodd straeon dwyieithog a theithiau gydag elfen Gymreig iddynt, mewn lleoliad anhygoel.

Cewch ddysgu rhywfaint o Gymraeg, canfod straeon Cymreig diddorol yn y tŷ, mwynhau rhywfaint o fwyd blasus o Gymru a gwrando ar gerddoriaeth hudolus ein cenedl gyda’r delynores Hero Douglas ddydd Sadwrn a Lleisiau Clywedog a Chôr Meibion Dinbych ddydd Sul.

Mae’r gweithgareddau ar gael i’w mwynhau yn rhad ac am ddim. Mae tâl mynediad arferol yn berthnasol i ymweld ddydd Sadwrn, 28 Chwefror (mynediad am ddim i aelodau a phlant dan 5).

Er mwyn galluogi mwy o bobl i gael mynediad i’n lleoedd a mwynhau’r diwrnod arbennig hwn, cewch ymweld â’n holl safleoedd talu-am-fynediad yng Nghymru, gan gynnwys Erddig, yn rhad ac am ddim ar 1 Mawrth. *

Dewch i ddathlu Cymru gyda ni!

Ariennir gan Lywodraeth Cymru.

* Rydym yn disgwyl bod yn brysur iawn dros y penwythnos hwn (28 Chwefror a 1 Mawrth). Ein hamseroedd distawaf wrth gyrraedd fydd cyn 11am ac ar ôl 2pm. O ganlyniad i’r glaw diweddar, mae ein capasiti parcio wedi’i leihau. 

Ymunwch â helfa Pasg

Profwch antur y Pasg yn Erddig y gwanwyn hwn.

Rhwng 21 Mawrth a 12 Ebrill, ewch ar hyd llwybr y Pasg a chymerwch ran mewn gweithgareddau i’r teulu cyfan.

Ar sail ysbrydoliaeth cardiau’r wyddor anifeiliaid yng nghasgliad y tŷ, dilynwch y map a chwblhewch bob un o’r 10 gorsaf weithgaredd cyn casglu eich ŵy.

Allwch chi neidio dros rwystrau a dod yn fuddugol yn y ras i seinio'r gloch buwch, neu falansio bag ffa ar eich cefn fel crwban? Heriwch eich teulu a’ch ffrindiau i weld a allwch neidio cyn belled ag ysgyfarnog, neu ddod o hyd i’r dylluan sy’n hwtian heb allu gweld dim. Yna, cwblhewch ras ŵy ar lwy gydag wyau estrys enfawr.

Cynhelir y llwybr rhwng 10am a 4.30pm o 21-27 Mawrth a 10am-5pm 28 Mawrth-12 Ebrill ac mae’n costio £3.50 y llwybr, sy’n cynnwys taflen weithgareddau'r llwybr Pasg, clustiau cwningen ac ŵy siocled Rhydd Rhag* (*Addas ar gyfer pobl gydag alergeddau llaeth, wyau, glwten, cnau mwnci  a chnau coed.)

Ffau’r Blaidd

Ni fyddai unrhyw ymweliad teuluol ag Erddig yn gyflawn heb ymweld â Ffau’r Blaidd. Wedi’i hadeiladu gan ddefnyddio adnoddau o’r ystâd yn bennaf, mae’r ardal chwarae naturiol hon yn ymestyn dros bron i ddwy erw o dir chwarae gwyllt. Cewch hedfan yn uchel ar y siglen raff, profi’ch cydbwysedd ar y trawstiau pren a’r cerrig camu, rhoi cynnig ar adeiladu ffau, croesi’r pontydd neu ddringo’n uchel yn y gaer am oriau o hwyl deuluol. Mae yma hefyd feinciau picnic, sy’n ei wneud yn llecyn perffaith i fwynhau byrbryd neu ginio rhwng chwarae.

* Noder, bydd Ffau’r Blaidd wedi cau o 3 Tachwedd 2025 tan 13 Chwefror 2026 at ddibenion gwaith cadwraethol a chynnal a chadw, er mwyn rhoi amser i wreiddau’r coed gwerthfawr orffwys.

 

Pethau i’w gwneud i deuluoedd yn yr ardd

Mwynhewch y llwybr teulu diweddaraf neu ticiwch nifer o’r gweithgareddau 50 o bethau i’w gwneud cyn bod yn 11¾ yn yr ardd. Gallwch yn hawdd wneud Rhif 8 Gweld pysgodyn neu Rif 31 Dewch i adnabod pry ac mae’r ardd yn berffaith ar gyfer Rhif 1 – Dewch i adnabod coeden. 

Ymddiheurwn, ond ni chaniateir cŵn yn ein gardd Restredig Gradd 1, ond mae croeso iddynt ar yr ystâd 1,200 erw ac yn yr ardd de hyd at Iard y Domen.

Hwyl i bawb o'r teulu ym mharcdir Erddig

Mwynhewch lwybr sydd wedi ei farcio o gwmpas yr ystâd 1,200 erw neu ticiwch nifer o’n gweithgareddau 50 o bethau i’w gwneud cyn bod yn 11¾ ar yr ystâd. Gallwch wneud Rhif 1 yn hawdd iawn, dod i adnabod coeden neu Rif 5 Sgimio carreg ac mae’r pontydd ar yr afon yn berffaith ar gyfer Rhif 19, chwarae Rasys Priciau.

Yma ac acw ar hyd y llwybrau mae digon o fannau i fwynhau picnic, boed yn y coed, ger yr afon neu mewn cae.  

Mae croeso i gŵn sy’n cael eu rheoli’n ofalus ac ar dennyn yn ymyl anifeiliaid, yn arbennig yn y gwanwyn pan fydd ŵyn o gwmpas. Dewch i weld y rhan heb dennyn ger Melin Puleston lle gall eich ci grafu, ffroeni a charlamu’r hyn a fynno’n rhydd.