Darganfyddwch fwy yng Nghastell Penrhyn a'r Ardd
Dysgwch pryd mae Castell Penrhyn a'r Ardd ar agor, sut i gyrraedd yno, pethau i’w gweld a’u gwneud a mwy.
Bwyta a siopa yng Nghastell Penrhyn
Ar ôl bod am dro o gwmpas y castell, yr ardd a’r ystâd, mae’n debyg y bydd arnoch awydd bwyd. Mae digonedd o gynnyrch ffres i’ch bodloni yn y caffi. Os byddwch chi’n brin o amser pam na brynwch chi un o’r danteithion o’r siop i fynd adref. Neu arhoswch am ychydig i fwynhau cyfle haeddiannol i siopa.
Caffi’r Castell
Mae’n gwerthu dewis gwych o ddiodydd poeth ac oer, cawl, brechdanau a dewis helaeth o gacennau, y cyfan wedi eu gwneud gan ein cogydd ar y safle. Mae’r caffi’n ymestyn i’r tu allan gyda seddi ychwanegol yng nghefn y cwrt.
Gwybodaeth am alergenau
Mae’r rhan fwyaf o’n bwyd a diod yn cael ei baratoi ar y safle yn ein cegin gan ddefnyddio amrywiaeth eang o gynhwysion. O ganlyniad, ni allwn warantu bod ein cynhyrchion bwyd a diod yn hollol rydd o alergenau.
Os oes gennych alergedd neu anoddefgarwch ac yr hoffech weld gwybodaeth am gynhwysion bwyd a diod, gofynnwch i’r staff a fydd yn hapus i helpu.
Cadarnhewch cyn eich ymweliad
Wedi ymweld o’r blaen? Weithiau rydym yn newid ein ryseitiau i wella ansawdd a blas, gan gynnwys y cynhwysion. Ar eich ymweliad, siaradwch ag aelod o’n tîm i wirio’r wybodaeth ddiweddaraf am alergenau ar gyfer eich hoff bryd.
Siop y Castell
Gellir dod o hyd i siop y castell yn y tŷ, yn agos at y ceginau Fictoraidd. Mae gennym ddigonedd o anrhegion ar gyfer y cartref, gan gynnwys sgarffiau a charthenni o wlân wedi ei ailgylchu. Rydym hefyd yn gwerthu jamiau, picls a bisgedi blasus.
Diolch
Diolch i’ch ceiniogau a’ch cefnogaeth chi y gallwn barhau i ofalu am natur, harddwch a hanes i bawb, am byth.
Siop lyfrau ail-law
Rydym yn lwcus yn y Penrhyn bod gennym siop lyfrau ail-law wych yn yr hen stablau. Dewch i bori yn eu plith a chwilio am fargen. Mae’r holl lyfrau wedi cael eu rhoi gan ein cefnogwyr.
Pethau eraill o ddiddordeb i chi
Erthygl
Ymweld â Chastell Penrhyn
Mae tu allan y castell yn cuddio tu mewn a addurnwyd yn oludog a chartref yr oedd gan y teulu Pennant feddwl mawr ohono. Dysgwch am rai o’r ystafelloedd rhyfeddol.
Erthygl
Ymweld â’r ardd yng Nghastell Penrhyn
Mae gerddi Penrhyn yn eang ac yn wledd i’r synhwyrau. Cewch heddwch yn yr Ardd Furiog ffurfiol neu ewch trwy’r Ardd Gorsiog debyg i jyngl.
Erthygl
Yn cyrraedd yn fuan: Penrhyn a’i Ddiwydiant
Mae bloc y stablau wedi cau tra ein bod ni’n datblygu profiad newydd fydd yn cyrraedd yn hwyrach ymlaen yn 2024. Am ddiweddariadau a mwy o wybodaeth, ewch draw i’n gwefan.
Erthygl
Hanes Castell Penrhyn a'r Ardd
Castell Penrhyn oedd cartref y teulu Pennant, ac fe’i adeiladwyd ar sail elw’r diwydiant llechi yng Ngogledd Cymru a’r planhigfeydd siwgr yn Jamaica.