Ymweld â’r ardd yng Nghastell Penrhyn

Uchafbwyntiau'r Haf yn yr Ardd

Mae ein gerddi yn llawn lliwiau ac arogleuon yn yr haf. Ewch am dro i'r Ardd Furiog i ddod o hyd i flodau hardd gan gynnwys y 'flowering dogwood', yr 'Indian bean tree' ac amrywiaeth o rywogaethau o Eucryphi. Mwynhewch bywyd y pwll wrth i was y neidr, madfall y dŵr a llyffantod gyrraedd y Teras Top ar ddechrau'r haf. Yn is i lawr, fe welwch hefyd ein Bwa Fuschia yn ei flodau o fis Mehefin i fis Awst felly cymerwch sedd y naill ben neu'r llall a mwynhewch olygda'r canopi o flodau pinc. I lawr tuag at yr Ardd Orsiog, dewch o hyd i'r Gunnera Enfawr sy'n ychwanegu at ryfeddod a syndod yr ardd ac yn rhoi cyfle gwych i dynnu lluniau.

 

Yr Ardd Furiog

Cewch heddwch a thawelwch yn y tocwaith manwl, y llinellau geometrig, y pyllau cymesur a’r gwaith plannu manwl gywir yn yr Ardd Furiog. Yma gellir gwerthfawrogi gweledigaeth Walter Speed yn y 19eg ganrif o greu un o dair gardd orau Prydain ar y pryd.

Y Bwa Ffiwsia

O dan y Teras, gallwch ddarganfod y Bwa Ffiwsia a gafodd ei ganmol mewn erthygl Country Life yn 1903 fel ‘the real glory of Penrhyn’.

Mae ffrâm y Bwa Ffiwsia ynghyd â’r meinciau bob ochr iddo yn rhan o gasgliadau hanesyddol yr Ardd Furiog.

Diolch i gyllid adfer mewnol yr ardd, wedi’i gefnogi gan roddion hael a adawyd mewn ewyllysiau mae gwaith helaeth wedi ei wneud i roi bywyd newydd i’r bwa.

Cafodd y gwaith mhetal ei arolygu yn fanwl, gan ddangos bod angen ei drin a rhoddwyd cot o baent newydd iddo er mwyn gallu ei amddiffyn rhag yr elfennau. Wedi hynny, bu’r garddwyr hefyd yn brysur yn dylunio cynllun plannu newydd o dan y bwa fydd yn lleihau’r gwaith chwynnu ac yn ychwanegu diddordeb drwy gydol y flwyddyn. Bu meistr cerrig medrus yn adfer y grisiau ac mae wedi gwneud byd o wahaniaeth.

Mae digonedd o lefydd i eistedd a mwynhau’r golygfeydd bendigedig yn ardal yma’r ardd. Cafodd y meinciau gardd addurnedig cot ffres o baent ffres a phren newydd sy’n eu gwneud yn ddiogel ac yn groesawgar unwaith eto ac mae dau safle eistedd newydd bellach wrth droed y grisiau i’r Ardd Orsiog.

Yr Ardd Orsiog

Mae planhigion rheonllys anferthol yn tra-arglwyddiaethu ar yr Ardd Gorsiog sy’n debyg i jyngl. Ymgollwch ymhlith y dail yn ystod y gwanwyn a’r haf neu ewch i’r man uchel ger y cut â tho gwellt i gael golygfa eang. Cymerwch funud i eistedd ar fainc ardd ac i glywed a gweld y synau o'ch cwmpas.

Gardd â golygfa

O’r ‘Lawnt Fasarn’ yng nghefn y castell gallwch fwynhau golygfeydd clir i lawr arfordir Gogledd Cymru i Landudno, y Gogarth ac Ynys Seiriol. 

Mae wyneb blaen y castell a’r gerddi yn wynebu Eryri ac mae ganddynt olygfeydd eang o gopa Carnedd Llewelyn ar ddiwrnod clir.

Gosodwyd y castell ei hun mewn man strategol i gael golwg glir o Chwarel y Penrhyn ym Methesda.