Diwrnodau allan i’r teulu yng Nghastell Penrhyn

Hanner tymor Chwefror yng Nghastell Penrhyn a’r Ardd

Mwynhewch fod yn greadigol yr wythnos hanner tymor hon wrth ymuno â ni yn Y Stablau ar 17 ac 19 Chwefror, 11am hyd at 3pm, ar gyfer gweithgareddau crefft wedi’u hysbrydoli gan natur. Cewch fwynhau gwneud eich llyfrnod eich hun ar y thema adar neu dylluan ‘ŵ-ŵ-ŵych’ i fynd adref gyda chi!

Gwisgwch eich welis yr wythnos hanner tymor hon a mynd am dro o amgylch gardd a thiroedd Penrhyn. Ewch i’r maes chwarae antur, Coedwig y Frân, neu cewch fwynhau mynd am dro lawr i Gwt Ogwen. Mae’r gweithgareddau crefft am ddim.

Codir tâl mynediad arferol i’r ardd a’r tiroedd (am ddim i aelodau).

Dathlu Dydd Gŵyl Dewi gyda ni

Ymunwch â ni ar 28 Chwefror a 1 Mawrth ar gyfer dathliad Dydd Gŵyl Dewi o ddiwylliant Cymru.

Ymunwch a ni yng Nghastell Penrhyn a'r Ardd ar Ddydd Sadwrn 28 Chwefror am 10yb am daith cerdded gyda Rhys Mwyn ym Mhorth Penrhyn (rhaid archebu o flaen llaw), fel rhan o Ŵyl Dewi Bangor.

Ar 1 Mawrth, bydd arddangosiad hollti llechi gyda'r chwarelwyr o'r Amgueddfa Llechi Cymru a hefyd coginio yn y Gegin Fictoraidd.

Mae’r gweithgareddau ar gael i’w mwynhau yn rhad ac am ddim. Mae tâl mynediad arferol yn berthnasol i ymweld ddydd Sadwrn 28 Chwefror.

I allu fwy o bobl i ymweld â llefydd ni a mwynhau’r diwrnod arbennig hon, bydd bob un o ein llefydd sy’n codi tal mynediad fel arfer am ddim i ymweld ar 1 Mawrth, yn cynnwys yma’n Castell Penrhyn.

Ariennir y gweithgareddau gan Lywodraeth Cymru.

Anturiaethau'r Pasg yng Nghastell Penrhyn a'r Ardd

Dilynwch y llwybr a dewch o hyd i weithgareddau i'r teulu cyfan sydd wedi’u hybrydoli gan fyd natur. Mae’r llwybr yn agored rhwng 28 Mawrth – 12 Ebrill 2026, rhwng 10yb 4yp, gyda’r mynediad olaf i'r helfa am 3yp, felly dewch draw i archwilio’r ardd hardd yng Nghastell Penrhyn.   

Pris bob llwybr yw £3.50 sy’n cynnwys taflen weithgaredd, clustiau cwningen, a wy siocled neu wy siocled fegan a Rhydd-Rhag*  

Y Pasg hwn, mentrwch ar antur wanwyn gyda llwybr 10-pwynt wedi’i ysbrydoli gan natur. Yn dathlu’r newid yn y tymor a chroesawu dechrau’r gwanwyn yng ngardd y Castell a’r ystâd, mae’r llwybr yn dathlu anifeiliaid, adar a phryfed, y cyfan ohonynt yn dodwy wyau yn y gwyllt.

Strafagansa Basg ar gyfer y teulu cyfan

Mae’r llwybr yn gyfle gwych i grwydro’r ardd ym Mhenrhyn a chwblhau cyfres o weithgareddau hwyliog ar gyfer y teulu cyfan i’w mwynhau. Cewch brofi eich sgiliau taflu gyda gemau targed, creu sŵn yng ngherddorfa’r pryfed a phrofi eich gwybodaeth o adar gyda’n her cyfateb yr ŵy. Mae’n Strafagansa Basg ar gyfer y teulu cyfan! Treuliwch amser fel teulu yn yr awyr agored yn mwynhau byd natur y Pasg hwn, a gweld os allwch herio’ch gilydd ar eich taith!

Cynhelir y llwybr Pasg o 28 Mawrth hyd 12 Ebrill 2026. £3.50 ar gyfer pob llwybr. Codir tâl mynediad arferol i’r castell a’r ardd.

*yn addas i bawb hefo alergeddau llaeth, wyau, glwten, cneuen ddaear a chneuen goed. 

Cynllunio eich ymweliad teuluol

Dyma’r wybodaeth y bydd arnoch ei hangen yn gryno i’ch helpu i gynllunio eich diwrnod yng Nghastell Penrhyn:

• Cyfleusterau newid babanod ar gael ger y Ganolfan Groeso, yng nghwrt y gegin ac ym mwa’r Barbican.
• Caiff pramiau eu caniatáu ar y llawr gwaelod. Ar gyfnodau prysur, mae’n bosib bydd gofyn i chi eu gadael wrth y fynedfa.

Parciau chwarae yng Nghastell Penrhyn

Rook Wood

Heibio’r byrddau picnic wrth fynedfa iard y stablau, gallwch ddarganfod ein parc chwarae yn Rook Wood. Ewch i fyny drwy’r goedwig i fwynhau’r parc lle gallwch ddringo, swingio neu fynd ar y si-so.

Cwt Ogwen

Mae ein parc chwarae naturiol yng Nghwt Ogwen yn mynd a chi i lawr tuag at yr Afon Ogwen. Cewch hyd i fwa pren yn y prif faes parcio lle gallwch ddilyn y llwybr i lawr. Darganfyddwch ein cwt sy’n le perffaith i chwarae tŷ bach twt, neu i eistedd yn ddistaw a mwynhau sŵn a golygfa byd natur. Ar gyfer yr anturiaethwyr bach, mae’r parch chwarae antur i fyny’r llwybr, rhowch dro arni a gweld pwy all orffen y llwybr cyflymach.