Darganfyddwch fwy yng Nghastell Penrhyn a'r Ardd
Dysgwch pryd mae Castell Penrhyn a'r Ardd ar agor, sut i gyrraedd yno, pethau i’w gweld a’u gwneud a mwy.
Diwrnodau allan i’r teulu yng Nghastell Penrhyn
Mae rhywbeth i bawb yng Nghastell Penrhyn. Os ydych chi’n darganfod ein hystafelloedd moethus arbennig neu yn dilyn ein hanturiaethau tymhorol, ein tiroedd yw eich lle chwarae, felly ewch i archwilio!
Cynllunio eich ymweliad teuluol
Dyma’r wybodaeth y bydd arnoch ei hangen yn gryno i’ch helpu i gynllunio eich diwrnod yng Nghastell Penrhyn:
- Cyfleusterau newid babanod ar gael ger y Ganolfan Groeso, yng nghwrt y gegin ac ym mwa’r Barbican.
- Caiff pramiau eu caniatáu ar y llawr gwaelod. Ar gyfnodau prysur, mae’n bosib bydd gofyn i chi eu gadael wrth y fynedfa.
Calan Gaeaf
24 Hydref – 1 Tachwedd
Ymunwch a ni hanner tymor mis Hydref i ddathlu ddiwedd y flwyddyn amaethyddol a dyfodiad yr hydref gydag antur hudolus Calan Gaeaf wedi’i hysbrydoli gan draddodiadau cynhaeaf Cymru.
Dilynwch lwybr hydrefol drwy’r gerddi a'r coed, lle mae llysiau cynhaeaf enfawr wedi ymddangos ar hyd y ffordd. Dewch o hyd i arddangosfeydd lliwgar, gweithgareddau difyr, ffeithiau diddorol am y cynhaeaf a chyfleoedd gwych i dynnu lluniau wrth i chi grwydro.
Dysgwch am Stwmp Naw Rhyw, pryd traddodiadol Calan Gaeaf a oedd yn cael ei baratoi o naw cynhwysyn cynhaeaf gwahanol. Ar un adeg roedd cysylltiad rhwng y pryd swmpus hwn a thraddodiadau darogan y dyfodol, gyda modrwy gudd yn cael ei chynnwys i ragweld pwy fyddai’n priodi o fewn y flwyddyn.
Printio Hydrefol gyda Jŵls Williams
29 Hydref, 11am-3pm
Dewch i ddarganfod hud yr hydref drwy argraffu gelli, gan drawsnewid dail sydd wedi disgyn yn waith celf trawiadol wedi’i ysbrydoli gan y cynhaeaf gyda’r artist lleol Jŵls Williams. Bydd hwn yn sesiwn galw heibio a fydd yn rhedeg drwy gydol y dydd yn y Stablau.
Straeon gyda Mair Tomos Ifans
30 a 31 Hydref
Ymgynullwch yn y Neuadd Fawr i wrando ar straeon hudolus Calan Gaeaf wrth i’r storïwr lleol Mair Tomos Ifans ddod â chwedlau Cymreig a thraddodiadau tymhorol yn fyw. Bydd pedair sesiwn bob dydd: un sesiwn Saesneg ac un sesiwn Gymraeg yn y bore, ac un sesiwn Saesneg ac un sesiwn Gymraeg yn y prynhawn.
Parciau chwarae yng Nghastell Penrhyn
Rook Wood
Heibio’r byrddau picnic wrth fynedfa iard y stablau, gallwch ddarganfod ein parc chwarae yn Rook Wood. Ewch i fyny drwy’r goedwig i fwynhau’r parc lle gallwch ddringo, swingio neu fynd ar y si-so.
Cwt Ogwen
Mae ein parc chwarae naturiol yng Nghwt Ogwen yn mynd a chi i lawr tuag at yr Afon Ogwen. Cewch hyd i fwa pren yn y prif faes parcio lle gallwch ddilyn y llwybr i lawr. Darganfyddwch ein cwt sy’n le perffaith i chwarae tŷ bach twt, neu i eistedd yn ddistaw a mwynhau sŵn a golygfa byd natur. Ar gyfer yr anturiaethwyr bach, mae’r parch chwarae antur i fyny’r llwybr, rhowch dro arni a gweld pwy all orffen y llwybr cyflymach.
Pethau eraill o ddiddordeb i chi
Crwydrwch yr ystâd yng Nghastell Penrhyn
Pam nad ewch chi am dro oddi ar y llwybrau cyfarwydd ac ymweld â’r guddfan i lawr ger Afon Ogwen. Bydd teuluoedd yn mwynhau’r ardal chwarae naturiol hefyd. Cofiwch ddod â’ch welis.
Ymweld â Chastell Penrhyn
Mae tu allan y castell yn cuddio tu mewn a addurnwyd yn oludog a chartref yr oedd gan y teulu Pennant feddwl mawr ohono. Dysgwch am rai o’r ystafelloedd rhyfeddol.
Taith darganfod natur Castell Penrhyn
Mwynhewch daith gylchol o gwmpas rhannau llai cyfarwydd o dir y castell wrth i chi ddarganfod amrywiaeth eang o fywyd gwyllt a natur sy’n cartrefu yma.
