Diwrnodau allan i’r teulu yng Nghastell Penrhyn

Cynllunio eich ymweliad teuluol

Dyma’r wybodaeth y bydd arnoch ei hangen yn gryno i’ch helpu i gynllunio eich diwrnod yng Nghastell Penrhyn:

• Cyfleusterau newid babanod ar gael ger y Ganolfan Groeso, yng nghwrt y gegin ac ym mwa’r Barbican.
• Caiff pramiau eu caniatáu ar y llawr gwaelod. Ar gyfnodau prysur, mae’n bosib bydd gofyn i chi eu gadael wrth y fynedfa.

Haf o Hwyl yng Nghastell Penrhyn a'r Ardd

Dewch i fwynhau gardd a thir Castell Penrhyn yn ystod gwyliau'r haf. Bydd llawer o wahanol gyfleodd i gael hwyl ar y tir – gan gynnwys arddangos eich talentau ar y llwyfan perfformio, profi eich sgiliau adeiladu a chreadigol yn y parth adeiladu a chael y teulu cyfan i gymryd rhan mewn gemau raced.

Pan fyddwch wedi cael digon o chwarae, ymlaciwch yn heddwch a thawelwch yr ardd furiog hanesyddol, efallai y byddwch chi'n gweld gwas y neidr neu ddwy o amgylch y pyllau.

Gyda digon o fannau i gael picnic ymhlith y dolydd, Castell Penrhyn yw'r lle perffaith i ymlacio ar ddiwrnod o haf.

Mae haf o hwyl yn cael ei noddi gan Starling Bank.

Parciau chwarae yng Nghastell Penrhyn

Rook Wood

Heibio’r byrddau picnic wrth fynedfa iard y stablau, gallwch ddarganfod ein parc chwarae yn Rook Wood. Ewch i fyny drwy’r goedwig i fwynhau’r parc lle gallwch ddringo, swingio neu fynd ar y si-so.

Cwt Ogwen

Mae ein parc chwarae naturiol yng Nghwt Ogwen yn mynd a chi i lawr tuag at yr Afon Ogwen. Cewch hyd i fwa pren yn y prif faes parcio lle gallwch ddilyn y llwybr i lawr. Darganfyddwch ein cwt sy’n le perffaith i chwarae tŷ bach twt, neu i eistedd yn ddistaw a mwynhau sŵn a golygfa byd natur. Ar gyfer yr anturiaethwyr bach, mae’r parch chwarae antur i fyny’r llwybr, rhowch dro arni a gweld pwy all orffen y llwybr cyflymach.