Taith Ysbyty Ifan a Chwm Eidda
Ewch i fyny i’r bryniau ar hen ffordd porthmyn i brofi’r golygfeydd o Ddyffryn Conwy a mynyddoedd y Carneddau.
Eiddo ger
Ysbyty IfanMan cychwyn
Maes parcio Ysbyty Ifan, cyfeirnod grid: SH842488Gwybodaeth am y Llwybr
*Bryniau serth, camfeydd, giatiau, traciau garw, tir anwastad a chorsiog. Am ragor o fanylion, darllenwch yr adran Tirwedd.
**Tir anwastad, serth ar adegau gyda rhwystrau fel camfeydd. Am ragor o fanylion, darllenwch yr adran Mynediad.
***Croeso i gŵn ar dennyn. Am ragor o fanylion, darllenwch yr adran Cyfleusterau.
Cyfanswm y rhannau: 10
Cyfanswm y rhannau: 10
Man cychwyn
Maes parcio Ysbyty Ifan, cyfeirnod grid: SH842488
Rhan 1
Ewch allan o’r maes parcio i’r ffordd, trowch i’r chwith ac yna i’r dde bron yn syth wedyn ar y lôn rhwng yr elusendai a’r coed tal. Ewch yn eich blaen ar hyd y lôn yma, trwy’r giatiau, nes cyrhaeddwch chi ffordd darmac.
Rhan 2
Trowch i’r dde a dilyn y ffordd hyd gopa’r bryn. Os yw’r tywydd yn glir fe gewch chi olygfeydd rhyfeddol oddi yma i lawr Dyffryn Conwy ac ar draws at Foel Siabod a’r Carneddau.
Rhan 3
Dilynwch y ffordd darmac, gan anwybyddu’r ffordd sy’n troi i lawr i’r dde, a mynd ymlaen o gwmpas y bryn i’r chwith. Ewch trwy giât ar draws y ffordd, croeswch bont garreg fawr a mynd ymlaen yn syth lle mae’r tarmac yn newid i fod yn ffordd garegog.
Rhan 4
Croeswch y bont nesaf (Pont Rhyd-yr-Halen) a dilyn y ffordd i fyny’r bryn nes cyrhaeddwch chi giât. Croeswch y gamfa ger y giât a cherdded i ben y bryncyn bach i gael golygfa o fynyddoedd Eryri.
Rhan 5
Ewch yn ôl i’r ffordd. Gan gadw’r ffens ar eich ochr chwith, trowch ar draws y rhostir. Ewch ymlaen nes cyrhaeddwch chi dro clir i’r chwith yn y ffens, yna dilynwch yr arwyddion ar i lawr, gan gadw ychydig i’r dde tuag at wal gerrig a giât sydd yn y pellter. Cerddwch ar hyd y ffordd sy’n gyfochrog â’r wal yma ac ewch trwy’r giât yn y pen pellaf. Dilynwch y trac garw i lawr y bryn nes byddwch chi’n mynd i lawr yn serth tua fferm Eidda Fawr. Ychydig cyn i chi gyrraedd y beudy ar y chwith, trowch i’r dde a mynd o gwmpas y domen dail i gyrraedd y gamfa.
Rhan 6
Ewch dros y gamfa a chroesi’r ffordd, gan ddilyn yr arwyddion trwy’r sied, ac i lawr ochr chwith y cae dan y ffordd. Croeswch y nant ar y gwaelod ac anelu am y gornel dde bellaf yn y cae nesaf.
Rhan 7
Croeswch bompren ac yna anelwch am gornel uchaf dde'r cae. Ewch trwy’r giât ac anelu am y gamfa yn nhop y cae, gan gadw’r nant ar yr ochr dde i chi. Dringwch dros y gamfa a throi i’r chwith, trwy’r giât i ffordd arw. Dilynwch hon nes dewch chi i ffordd darmac yn rhan uchaf y buarth. Dilynwch y ffordd hon i’r chwith, trwy giât a heibio’r fferm nesaf. Cerddwch i fyny’r bryn nes gwelwch chi bont fechan. Cyn i chi gyrraedd y bont, ewch trwy’r giât sy’n eich wynebu wrth i chi gerdded i fyny’r bryn. Dilynwch y ffordd hon.
Rhan 8
Croeswch y nant fechan ar y chwith a mynd yn eich blaen, gan ddilyn trac brwynog aneglur ac yna bancyn pridd.
Rhan 9
Dilynwch yr arwydd sy’n pwyntio ar draws ffordd ar ben y bryn yn ôl tuag at Ysbyty Ifan. Mae’r llwybr yn dilyn ochr chwith Coed y Fron, coetir collddail cymysg. Yn y gwanwyn bydd y ddaear dan orchudd o glychau’r gog, briallu a blodau’r gwynt.
Rhan 10
Pan fydd y llwybr yn cyrraedd y ffordd, trowch i’r dde a cherdded yn ôl i’r pentref.
Man gorffen
Maes parcio Ysbyty Ifan, cyfeirnod grid: SH842488
Map llwybr
Map taith Ysbyty Ifan a Chwm Eidda | © Crown copyright and database rights 2013 Ordnance Survey
Mwy yn agos i’r man hwn
Taith Ty’n y Coed Uchaf a Chwm Eidda
Mwynhewch daith gerdded 5 milltir trwy hanes ucheldir Cymru, heibio afonydd, trwy dir amaethyddol a golygfeydd tua’r Wyddfa.
Taith Tŷ Mawr Wybrnant a Chwm Wybrnant
Taith gylchol hawdd trwy dir fferm ucheldir sy’n llawn o gynefinoedd bywyd gwyllt, ac yn mynd heibio adeiladau o bwys hanesyddol yng Nghonwy.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Cotswold Outdoor: Ein partner cerdded
Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)