Taith Trwyn Cemlyn ar Ynys Môn
Mae’r daith gerdded hon o gwmpas y penrhyn yn dathlu darn o dreftadaeth ddiwydiannol Ynys Môn, ei bywyd gwyllt cyfoethog ac awyrennwr arloesol. Mwynhewch awel y môr a golygfeydd o ynysoedd creigiog ar hyd y ffordd.
Llifogydd
Cofiwch y gall maes parcio Bryn Aber fynd dan ddŵr. Gwiriwch amseroedd y llanw uchel cyn eich ymweliad.
Cyfanswm y camau: 6
Cyfanswm y camau: 6
Man cychwyn
Maes parcio Bryn Aber, cyfeirnod grid: SH329936
Cam 1
O’r maes parcio cerddwch yn syth ymlaen tua’r penrhyn. Byddwch yn mynd heibio’r hen siediau glo a choed, lle’r oedd cychod yn gwagu eu llwythi ers talwm. Bryn Aber oedd cartref y Capten Vivian Hewitt, y dyn cyntaf i hedfan ar draws Môr Iwerddon. Fe wnaeth hedfan 75 milltir o’r Rhyl i Ddulyn mewn ychydig dros awr yn 1912, ond chafodd ei gamp fawr o sylw oherwydd trychineb y Titanic.
Cam 2
Dilynwch y llwybr trwy’r giât a heibio’r gofgolofn sy’n coffau’r bad achub cyntaf ar Ynys Môn. Cadwch i’r chwith a dilyn y trac i arfordir y gogledd.
Cam 3
Wrth edrych oddi yma fe welwch chi Mynachdy, y marcwyr mordwyo a’r simnai, sef gweddillion y gwaith copr.
Cam 4
Ewch ymlaen ar hyd y trwyn tuag at ei ben eithaf. Mwynhewch y golygfeydd ac awel y môr ar hyd y llwybr glaswelltog hwn.
Cam 5
Cerddwch i ben y trwyn bydd gennych olygfa glir o Fae Cemlyn ac Esgair Gemlyn, un o blith nifer fechan ym Mhrydain. Chwiliwch hefyd am Orsaf Ynni Wylfa ac Ynys Badrig tu hwnt iddi.
Cam 6
Dilynwch y llwybr yr ochr arall i’r penrhyn yn ôl at y gofgolofn. Ewch yn ôl yr un ffordd i’r maes parcio heibio’r hen siediau glo a choed.
Man gorffen
Maes parcio Bryn Aber, cyfeirnod grid: SH329936
Map llwybr
Mwy yn agos i’r man hwn
Taith Esgair Gemlyn
Dewch ar daith ar hyd esgair a gwylio llu o adar y dŵr ar y lagŵn yng Ngwarchodfa Natur Cemlyn. Bydd y daith gylchol yn eich arwain ar draws Esgair ac ar ffyrdd bach gwledig at Fae Cemlyn. Mae’n berffaith i gerddwyr ac edmygwyr bywyd gwyllt.
Taith gylchol Cemlyn a Llanrhwydrys
Dilynwch y daith gylchol dair milltir hon yng Nghemlyn, Ynys Môn, i weld golygfeydd o’r môr, ffurfiannau’r creigiau, safleoedd crefyddol a bywyd gwyllt. Gall ymwelwyr lwcus hyd yn oed weld morloi, ac os byddwch yn amseru pethau’n iawn, gallwch weld yr haul yn machlud dros fôr Iwerddon.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)