Cymru

Taith gylchol Cemlyn a Llanrhwydrys

Llun llydan o rywun yn cerdded ar hyd lan y môr ym Mae Cemlyn, Ynys Môn. Mae’r bae yn crymanu’n eang, ac mae’r môr yn taro’r lan yn dawel. — Ymwelydd yn cerdded ym Mae Cemlyn, Ynys Môn | © National Trust Images/John Millar

Taith dair milltir atmosfferig iawn, sy’n rhoi cyfle i weld safleoedd crefyddol, ffurfiannau creigiau a bywyd gwyllt ar y lagŵn. Os byddwch yn amseru pethau’n iawn, gallwch weld yr haul yn machlud dros fôr Iwerddon.

Eiddo ger

Cemlyn

Man cychwyn

Maes parcio Bryn Aber, cyfeirnod grid: SH329936

Gwybodaeth am y Llwybr

Gweld y llwybr

Argraffu'r llwybr

Pa Mor Heriol*

Hygyrchedd**

Llwybr llawn

PellterMilltiroedd: 3 (km: 4.8)

Hyd2 awr

Addas i gŵn***

*Llwybr tonnog ar hyd traeth neu lwybr yr arfordir. Am ragor o fanylion, darllenwch yr adran Tirwedd.
**Tir tonnog ar hyd y traeth neu lwybr yr arfordir gyda giatiau mochyn a ffordd wledig. Am ragor o fanylion, darllenwch yr adran Mynediad.
***Dylid cadw cŵn ar dennyn. Am ragor o fanylion, darllenwch yr adran Cyfleusterau.

Llifogydd

Cofiwch y gall maes parcio Bryn Aber fynd dan ddŵr. Gwiriwch amseroedd y llanw uchel cyn eich ymweliad.

Cyfeiriad
Cemlyn, Ynys Môn
Cyfarwyddiadau trwy Google Maps
Beicio
Llwybr 566 y Rhwydwaith Beicio Cenedlaethol yn pasio yn agos.
Rhwydwaith Beicio Genedlaethol
Ar fws
Llwybr Amlwch i Gaergybi yn stopio yn Nhregele (gwaith 45 munud o gerdded). Gweler Traveline-Cymru.
Traveline-Cymru
Ar y trên
Gorsaf yng Nghaergybi 12 milltir (19 km). Gweler Traveline-Cymru.
Traveline-Cymru
Ar y ffordd
A5025 o’r Fali, dilynwch yr arwyddion i Warchodfa Natur Genedlaethol Cemlyn yn Nhregele (gyferbyn â’r Douglas Inn). Wrth nesáu at Warchodfa Natur Genedlaethol Cemlyn, cymerwch yr ail droad i’r dde yna trowch i’r dde eto, ar ôl adeiladau fferm, heibio gardd furiog Bryn Aber i’r maes parcio. Cod Post LL67 0DY.
Cyfanswm y rhannau: 7
Cyfanswm y rhannau: 7
Man cychwyn
Maes parcio Bryn Aber, cyfeirnod grid: SH329936
Rhan 1
O’r maes parcio cerddwch heibio’r gofgolofn tua’r penrhyn.
Rhan 2
Trowch i’r chwith trwy’r giât mochyn a naill ai dilyn llwybr yr arfordir neu gerdded ar hyd y traeth.
Rhan 3
Mwynhewch y golygfeydd rhyfeddol o’r môr wrth gerdded ar hyd yr arfordir. Os oes gennych amser mae’n werth mynd draw i Eglwys Llanrhwydrys. Yr adeilad bach hyfryd hwn yw un o safleoedd crefyddol hynaf Ynys Môn ac mae’n un o ychydig iawn o eglwysi ers cyn y Diwygiad Protestannaidd ar yr ynys.
Rhan 4
Pan gyrhaeddwch chi fae bychan Henborth cofiwch chwilio am drymlin Henborth, ffurfiant creigiau sy’n edrych fel morfil ar draeth. Trowch i’r chwith trwy’r giât mochyn.
Rhan 5
Cerddwch ymlaen trwy’r giât mochyn tuag at Hen Felin a chroesi’r bont. Trowch i’r chwith i’r ffordd a cherdded yn ôl tuag at Fae Cemlyn a’r Warchodfa Natur Genedlaethol sy’n cael ei chysgodi gan y marian.
Rhan 6
Ar ôl mynd heibio Fronddu, trowch i’r chwith i fyny’r lôn. Bydd hyn yn mynd â chi heibio lagŵn Cemlyn, a sefydlwyd yn yr 1930au gan y Capten Vivian Hewitt o Fryn Aber.
Adar ar y lagŵn
Adnabyddid y Capten Vivian Hewitt fel ‘y miliwnydd gwylaidd’. Oherwydd ei ddiddordeb mewn adar adeiladodd yr argae a’r gored cyntaf yng Nghemlyn, gan gyfnewid morfa heli am lagŵn mawr a pharhaol yr oedd yn bwriadu iddo fod yn lloches i adar gwyllt. Heddiw mae mwy na 1,000 o fôr-wenoliaid yn nythu ar yr ynysoedd yn y lagŵn yn ystod yr haf, ac yn y gaeaf mae’n lloches i lawer iawn o wahanol fathau o adar dŵr.
Rhan 7
Dilynwch y lôn dros yr Esgair ac yn ôl i’r maes parcio.
Man gorffen
Maes parcio Bryn Aber, cyfeirnod grid: SH329936
Map llwybr
Taith gylchol Cemlyn a Llanrhwydrus | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Llwybr

Taith Esgair Gemlyn

Dewch ar daith ar hyd esgair a gwylio llu o adar y dŵr ar y lagŵn yng Ngwarchodfa Natur Cemlyn. Bydd y daith gylchol yn eich arwain ar draws Esgair ac ar ffyrdd bach gwledig at Fae Cemlyn. Mae’n berffaith i gerddwyr ac edmygwyr bywyd gwyllt.