Dod â’ch ci i Ardd Bodnant

Ein system sgorio pawennau

Rydym wedi bod yn gweithio’n galed i’w gwneud hi’n haws i chi wybod pa mor groesawgar fydd eich ymweliad i chi a’ch ci cyn i chi gyrraedd. I helpu gyda hyn, rydym wedi creu system sgorio pawennau newydd, a rhoi sgôr i’n holl leoliadau. Gallwch ddod o hyd i’r wybodaeth hon yn llyfryn aelodau’r Ymddiriedolaeth Genedlaethol.

Mae gan Ardd Bodnant sgôr o un bawen. 

Mae croeso i gŵn yma, ond mae’r cyfleusterau’n gyfyngedig. Gallant ymestyn eu coesau yn y maes parcio a cherdded yn y mannau agored gerllaw, yn dibynnu ar y tymor. Darllenwch ‘mlaen i weld ble yn union gallwch chi fynd â’ch ci.

Mynd â’ch ci am dro yng Ngardd Bodnant 

Mae croeso i gŵn bob dydd yn yr hydref a’r gaeaf, o'r 1 Hydref tan ddiwedd mis Mawrth, a thrwy’r dydd bob dydd Iau, dydd Gwener, dydd Sadwrn a dydd Sul yn ystod y gwanwyn a’r haf, o 1 Ebrill tan ddiwedd mis Medi. Sylwer, ni chaniateir cŵn yn yr ardd ar Ddyddiau Llun Gŵyl y Banc rhwng Ebrill a Medi. 

Helpwch ni i ofalu am yr ardd 

Er bod y rhan fwyaf o’n hymwelwyr â chŵn yn dilyn ein polisi tennyn byr ac yn codi ar ôl eu ffrindiau pedair coes, yn anffodus, mae achlysuron o hyd pan fydd cŵn yn cael eu gollwng oddi ar dennyn neu’n crwydro ymhellach ar dennyn y gellir ei ymestyn. Byddwn yn gofyn i unrhyw ymwelydd sydd â chi nad yw ar dennyn byr ei roi ar dennyn byr cyn mynd i mewn i'r ardd, gan gynnwys yr Hen Barc a'r coetir.

Mae gennym ni denynnau byr ar gael, gofynnwch i'r tîm yn y Dderbynfa Ymwelwyr os oes angen un arnoch chi. Helpwch ni i gadw Bodnant yn addas i gŵn yn y dyfodol drwy ddilyn y rheol hon bob amser a dod â digon o fagiau cŵn i godi unrhyw wastraff. Mae biniau baw cŵn o amgylch yr ardd. 

Casglwch Basbort Pero

Mae’n bleser cael cyhoeddi ein bod yn cymryd rhan yn rhaglen Pasbort cŵn yr Ymddiriedolaeth Genedlaethol.   Dewch â’ch ci a chasglu stampiau gan safleoedd sy’n cymryd rhan ar eich dyddiau hamddena a bydd pob pasbort llawn yn sicrhau trit arbennig gan ein partneriaid yn Forthglade. 

Casglwch Basbort Pero o un o’r 133 o safleoedd sy’n cymryd rhan a bob tro y byddwch yn ymweld â safle newydd gyda’ch gilydd rhwng 1 Medi 2025 a 28 Chwefror 2026, cewch gasglu stamp. 

Wedi i chi gasglu chwe stamp bydd eich ci yn cael paced o ddanteithion naturiol am ddim. Wedi i chi gasglu 12 stamp o’ch ymweliadau gyda’ch gilydd, caiff eich ci dag am ddim fel archwiliwr ffyddlon, os bydd rhai ar gael o hyd. 

Cod Cŵn 

Rydym wedi gweithio gyda’n partner Forthglade i lunio’r cod cŵn hwn, sy’n helpu i sicrhau y gall pawb fwynhau eu diwrnod:

• Tynhewch y tennyn: gallwch helpu i leihau’r siawns y bydd eich ci yn tarfu ar adar sy’n nythu ar y ddaear ac anifeiliaid fferm drwy ei gadw ar dennyn byr. Mae’n hanfodol defnyddio tennyn byr o gwmpas defaid. Ond os bydd gwartheg yn dod atoch chi, y peth gorau i’w wneud yw gadael eich ci oddi ar y tennyn, a’i alw’n ôl atoch chi pan mae’n ddiogel i wneud hynny.
• Codi’r baw: glanhewch ar ôl eich ci bob tro. Os nad ydych chi’n gallu dod o hyd i fin gerllaw, ewch â’r bagiau baw adref gyda chi.
• Troediwch yn ofalus: cadwch olwg ar arwyddion a hysbysiadau lleol ble bynnag fyddwch chi’n cerdded. Byddant yn rhoi gwybod i chi os yw cŵn wedi’u gwahardd o draeth, er enghraifft, neu os yw llwybr wedi’i wyro, neu os ydych chi mewn ardal lle gall cŵn redeg yn rhydd.
• Cadw’ch llygad ar y bêl: cofiwch nad yw pawb yn caru cŵn, ac mae rhai pobl yn eu hofni. Felly gwnewch yn siŵr nad yw eich ci yn rhedeg i fyny at bobl eraill, yn enwedig plant.

Llefydd eraill i ymweld gyda'ch ci

Cymerwch gip ar lefydd Ymddiriedolaeth Genedlaethol Cymru sydd gerllaw hefyd.  Gyda chestyll, arfordir a chefn gwlad i’w harchwilio, mae cyfleoedd fyrdd am droeon gwych yn ar garreg ein drws.