Bwyta a siopa yng Ngardd Bodnant

Mynnwch damaid i’w fwyta yng Ngardd Bodnant

Mae bwydlen o brydau ysgafn poeth ac oer, cinio, cacennau, pasteiod a diodydd ar gael o'r Pafiliwn ac ystafelloedd te Magnolia. Mae byrbrydau a diodydd yn cael eu gweini o Giosg y Glyn yn ystod a llefydd i eistedd tu allan ar gael.

Y Pafiliwn

Yn aml, y Pafiliwn yw’r lle cyntaf a’r lle olaf i alw heibio ar ymweliad â Bodnant. Yma, cewch amrywiaeth o brydau poeth ac oer, prydau ysgafn, cacennau wedi’u pobi’n ffres, danteithion melys a detholiad o ddiodydd poeth ac oer. Dyma’r lle perffaith i gael rhywbeth yn eich bol cyn crwydro’r ardd neu ymlacio ar ôl diwrnod yn yr awyr agored.

 

Caban y Glyn

Mae Caban y Glyn, sy'n swatio ger Afon Hiraethlyn, yn cynnig seibiant gwerth ei gael yn ystod eich crwydr drwy’r ardd. Dewiswch o ddetholiad o fyrbrydau, hufen iâ a diodydd poeth ac oer wrth fwynhau’r tawelwch o'ch cwmpas. Mae’n fan delfrydol i gymryd seibiant a mwynhau prydferthwch y cwm.

 

Caffi Magnolia

Mae Caffi Magnolia, sydd wedi'i leoli o fewn yr iard gerrig hardd y drws nesaf i’r siop, yn lle hyfryd i ymlacio dros goffi a byrbryd. P’un a ydych yn cwrdd â ffrindiau neu’n cael eiliad dawel ar ôl crwydro drwy’r ardd, cewch groeso cynnes a detholiad blasus o luniaeth.
 

Bwyd a diod tymhorol 

Mae'r tîm arlwyo gwobrwyedig bob amser yn brysur yn coginio danteithion tymhorol i'ch temtio, o fwydlenni misol sy'n newid yn barhaus i ddigwyddiadau coginio arbennig. Waeth beth fo'r tymor, gyda phryd poeth, byrbrydau cyflym a dewis da o frechdanau a danteithion melys ar gael, mae yna rywbeth ar gael i fodloni'ch bol bob amser. 

Gwybodaeth am alergenau 

Mae’r rhan fwyaf o’n bwyd a diod yn cael ei baratoi ar y safle yn ein cegin gan ddefnyddio amrywiaeth eang o gynhwysion. O ganlyniad, ni allwn warantu bod ein cynhyrchion bwyd a diod yn hollol rydd o alergenau.

Os oes gennych alergedd neu anoddefgarwch ac yr hoffech weld gwybodaeth am gynhwysion bwyd a diod, gofynnwch i’r staff a fydd yn hapus i helpu.

Cadarnhewch cyn eich ymweliad

Wedi ymweld o’r blaen? Weithiau rydym yn newid ein ryseitiau i wella ansawdd a blas, gan gynnwys y cynhwysion. Ar eich ymweliad, siaradwch ag aelod o’n tîm i wirio’r wybodaeth ddiweddaraf am alergenau ar gyfer eich hoff bryd.

 

Diolch

Mae pob paned neu drît blasus a brynwch yn ein helpu i barhau i ofalu am lefydd i bawb eu mwynhau.

Siopa yng Ngardd Bodnant

Ewch ag atgof o’ch ymweliad adref gyda chi drwy alw draw i siop Ymddiriedolaeth Genedlaethol Gardd Bodnant sydd newydd agor, y Ganolfan Grefft a’r siop llyfrau ail-law.

Draw yn yr iard gerrig ddeniadol, mae’r siop yn llawn anrhegion a ddewiswyd yn ofalus, llyfrau, nwyddau i’r cartref, ysbrydoliaeth garddio, casgliadau tymhorol a chynnyrch lleol. Byddwch hefyd yn dod o hyd i amrywiaeth o ffefrynnau’r Ymddiriedolaeth Genedlaethol, o gyffeithiau a melysion i gardiau, teganau a chofroddion.

P’un a ydych yn chwilio am anrheg feddylgar, cofrodd o'ch diwrnod neu rywbeth arbennig ar gyfer eich cartref a’ch gardd, mae digonedd o ddewis.

Eisiau rhoi llyfrau ail law? 

Mae ein Siop Llyfrau Ail Law yn dibynnu ar roddion i gadw stoc dda, a bydd ein tîm yn falch iawn o dderbyn rhoddion llai yn y basgedi yn y Ganolfan Ymwelwyr ac yn y siop llyfrau ail law ei hun. Os ydych yn dymuno rhoi nifer fawr o lyfrau, cysylltwch â ni ymlaen llaw fel y gall aelod o staff fod ar gael i’ch helpu ac i dderbyn unrhyw roddion mwy sydd gennych i’w rhoi. 

 

Diolch

Diolch i’ch ceiniogau a’ch cefnogaeth chi y gallwn barhau i ofalu am natur, harddwch a hanes i bawb, am byth.