Skip to content

Ein gwaith yng Ngardd Bodnant

A woman in black weather proof clothes abseils down a green gorge, carrying a small pine sapling in a bright red backpack
Garddwr Alex Davies yn abseilio i lawr clogwyn serth yn Y Glyn i blannu Pinwydden Wollemi yn Ardd Bodnant, Conwy | © National Trust Images/Iolo Penri

Mae cynnal a chadw gardd Restredig Gradd 1 hanesyddol, ac enwog o ran ei garddwriaeth yn golygu llafur cariad trwy’r flwyddyn i’n garddwyr, gwirfoddolwyr yr ardd a myfyrwyr. Dysgwch sut mae’r tîm yn gweithio i’w chadw’n hardd.

Blwyddyn o swyddi i’w gwneud ym Modnant  

Wrth i’r ddaear gynhesu yn y gwanwyn mae’r tîm yn dechrau chwynnu, rhoi compost a wnaed gartref ar y gwelyau, plannu a thocio llwyni (gan gynnwys tocio ein tri lliw ar ddeg enwog) a chlirio erwau o flodau sydd wedi syrthio.  

Glanhau’r gwanwyn ac abseilio  

Y prif swyddi eraill yn y gwanwyn yw tynnu pennau marw’r Cennin Pedr yn yr Hen Barc, pan gaiff y tîm help llaw gan wirfoddolwyr – a chwynnu llethrau’r Glyn, tasg arbennig a wneir gan arddwyr sydd wedi cael hyfforddiant i abseilio. 

Garddwr ym Modnant yn torri gwair o flaen y Felin Binnau
Garddwr yn torri gwair yng Ngardd Bodnant | © National Trust Images/Arnhel de Serra

Tynnu pennau marw, tocio a thorri glaswellt  

Yn nyddiau cynhesach, hirach yr haf mae’r ardd yn ei hanterth ac mae’r tîm yn brysur yn tynnu pennau marw’r rhosod, yn porthi a dyfrio borderi blodau, yn torri a siapio gwrychoedd pren bocs, yn tocio’r tresi aur a’r wisteria ac yn torri, torri a thorri gwair! Boed yn lawntiau perffaith neu lennyrch blodau gwylltion a chaeau, mae yna laswellt yn rhywle sydd angen ei dorri bob amser ar ein safle 80 erw. 

Tasg anferth

Wrth i’r dail droi eu lliw yn yr hydref bydd y garddwyr yn troi eu sylw at ddigroeni lawntiau ac adnewyddu’r tywyrch, tacluso’r arddangosfeydd blodau a phlannu bylbiau at y gwanwyn. Ar ddiwedd y tymor daw’r dasg anferth o gasglu 80 erw o ddail sydd wedi syrthio, sy’n mynd i’n pentyrrau compost.  

Byrhau’r gaeaf  

Er bod llawer o erddi yn cael eu gadael yn y tymor oerach mae digon i’w wneud o hyd ym Modnant; tocio’r rhosod, cynnal yr Ardd Aeaf, clirio’r nentydd sy’n llifo o ran uchaf yr ardd i’r gwaelod, gwaith ar y coed a swyddi disylw, ond hanfodol, fel ail raeanu llwybrau, trwsio draeniau a thrwsio ffensys atal cwningod.  

Garddwr yn gweithio ar y Bwa Tresi Aur ym mis Ionawr
Garddwr yn gweithio ar y Bwa Tresi Aur ym mis Ionawr | © National Trust Images/Paul Harris

Tocio’r Bwa Tresi Aur 

Yng nghanol Ionawr rhewllyd daw’r dasg o docio’r Bwa Tresi Aur byd-enwog, a all gymryd chwe wythnos i ddau arddwr medrus.

Daw’r tymor i ben gydag ymdrech fawr gan y tîm yn plannu eirlysiau yn y tir glas. Rydym yn plannu tua 20,000 bob Chwefror yng ngweirglodd yr Hen Barc, gyda help ymwelwyr – ffordd wych o nodi blwyddyn newydd yn yr ardd. 

Visitors pose for a selfie in front of some roses in the Formal garden at Bodnant Garden, Conwy, Wales

Darganfyddwch fwy yng Ngardd Bodnant

Dysgwch pryd mae Gardd Bodnant ar agor, sut i gyrraedd yno, pethau i’w gweld a’u gwneud a mwy.

Pethau eraill o ddiddordeb i chi

Hanes Gardd Bodnant 

Dysgwch sut y gwnaeth ‘annedd ger y nant’ wrth droed mynyddoedd Eryri droi yn hafan arddwriaethol fyd-eang diolch i genedlaethau o’r teulu McLaren a phen-garddwyr Puddle.

Tŷ gyda choed hydrefol o’i gwmpas yn cael ei adlewyrchu mewn pwll lilis yn y blaendir.

Casgliadau botanegol Gardd Bodnant 

Dewch i ddarganfod y llu o blanhigion a choed egsotig a phrin yng Ngardd Bodnant, gan gynnwys pum Casgliad Cenedlaethol, ynghyd â chasgliad mwyaf Cymru o Goed sy’n Bencampwyr yn y Deyrnas Unedig.

Rhododendrons pinc yn eu blodau yn y gwanwyn yng Ngardd Bodnant, Conwy

Pobl Gardd Bodnant 

Gwaith cenedlaethau yw’r ardd ym Modnant, gan ddechrau gyda’r teulu Pochin ar ôl iddyn nhw symud o Fanceinion. Dysgwch am y bobl a wnaeth wneud Bodnant yr hyn welwn ni heddiw.

Llun du a gwyn yn dangos Henry Pochin wedi ei amgylchynu â phobl yn cynnwys ei Brif Arddwr, yn plannu coed yn yr ardd ym Modnant oddeutu 1885.

Dod â’ch ci i Ardd Bodnant 

Gydag 80 erw i’w harchwilio, mae taith gerdded at ddant pawb. Mae croeso i gŵn ar dennyn byr (tennyn na ellir ei ymestyn) bob dydd Iau, Gwener, Sadwrn a Sul o 1 Ebrill i ddiwedd mis Medi. Darganfyddwch fwy am ddod eich ci i Ardd Bodnant yma.

Little dog sat with tongue out looking excited to try the tub of Scoop's Ice Cream for Dogs being held by a girl at Dunster Castle, Somerset