Cymru

Llwybr glan llyn Tredegar

Visitors in the gardens at Christmas, Tredegar House, Newport, Wales | © Paul Harris

Bydd y gylchdaith fer hon yn eich tywys o amgylch perimedr y parc yn Nhŷ Tredegar. Mae’r llwybr gwastad, sy’n filltir o hyd, yn ddihangfa heddychlon o’r ddinas i’r teulu i gyd.

Eiddo ger

Tredegar House

Man cychwyn

Maes parcio Tŷ Tredegar, cyfeirnod grid: ST288850

Cyfeiriad
Tŷ Tredegar, Pencarn Way, Casnewydd, NP10 8YW.
Cyfarwyddiadau trwy Google Maps
Ar y trên
Mae gorsaf Casnewydd 2 filltir i ffwrdd.
Ewch i wefan Traveline Cymru
Ar fws
Mae llwybrau bysus lleol 30 a 36 yn stopio 5 munud i ffwrdd o Dŷ Tredegar ar droed.
Ewch i wefan Traveline Cymru
Ar y ffordd
Mae arwyddion ar gyfer Tŷ Tredegar o’r M4. Cadwch olwg am symbol deilen dderwen yr Ymddiriedolaeth Genedlaethol ar yr arwyddion brown a’r symbol ‘tŷ hanesyddol’ o gwmpas cyffordd 28. Gallai gwaith ffordd wrth C28 darfu ychydig ar eich taith.
Mae arwyddion ar gyfer Tŷ Tredegar o’r A48. Cadwch olwg am symbol deilen dderwen yr Ymddiriedolaeth Genedlaethol ar yr arwyddion brown a’r symbol ‘tŷ hanesyddol’.
Os yn defnyddio llywiwr lloeren, peidiwch â defnyddio cod post Tŷ Tredegar. Yn hytrach, defnyddiwch yr enw ffordd ‘Pencarn Way, Casnewydd, Cymru’. Dilynwch y ffordd i’r gylchfan ac fe fyddwch wrth fynedfa Tŷ Tredegar.
Cŵn
Mae croeso i gŵn yn y parcdir, ac ar dennyn yn y gerddi a’r caffi. Dim ond cŵn cymorth sy’n cael mynd i’r plasty. Cadwch gŵn allan o’r llyn gan fod bywyd gwyllt yn nythu yno.
Maes parcio
Maes parcio talu ac arddangos. Mae’r holl arian yn mynd tuag at y gwaith cadwraeth hanfodol rydym yn ei wneud yn Nhŷ Tredegar.
Pwynt gwefru cerbydau trydan
Mae gennym un pwynt gwefru cerbydau trydan. Gwefru ceir trydan: Mae gennym un pwynt gwefru ceir trydan. Y gyfradd wefru yw 7.2KW, gyda modd cysylltu tri. Ni chewch barcio yma dros nos.
Toiled
Mae tai bach ar gael drws nesaf i’r maes parcio. Mae yna gyfleuster newid babanod hefyd.
Caffi
Mae Caffi’r Bragdy ar agor bob dydd, gyda diodydd, cacennau a brechdanau i'w bwyta yno neu eu mwynhau ar eich taith.
Ardal bicnic
Ardal bicnic wedi’i lleoli ger yr ardal chwarae naturiol.
Ardal chwarae
Lle chwarae ac ardal chwarae naturiol.
Gall y tir yn y parcdir fod yn fwdlyd. Gallai’r llwybrau graean drwy’r parcdir fod yn heriol i gadeiriau olwyn, bygis ac offer symudedd arall, yn enwedig ar ddiwrnodau gwlypach.
Parcio dynodedig
Mae llefydd parcio hygyrch ar gael yn y prif faes parcio. Parcio am ddim i ddeiliaid bathodyn glas.
Toiled hygyrch
Toiled hygyrch ar gael yn y prif faes parcio.
Cadeiriau olwyn ar gael
Mae yna nifer gyfyngedig o gadeiriau olwyn ac un sgwter symudedd ar gael i ymwelwyr eu benthyg. Os hoffech drefnu i ddefnyddio un ymlaen llaw, anfonwch e-bost atom neu cysylltwch â ni ar y cyfryngau cymdeithasol. Y cyfeiriad e-bost yw: tredegar@nationaltrust.org.uk
Cyfanswm y rhannau: 10
Cyfanswm y rhannau: 10
Man cychwyn
Maes parcio Tŷ Tredegar, cyfeirnod grid: ST288850
Rhan 1
Dechreuwch eich taith ym maes parcio Tŷ Tredegar. Safwch yn wynebu’r dderbynfa ac ewch i’r dde tuag at y gât pum bar ger y llyfrgell gyhoeddus. Ewch drwy’r gât a byddwch yn ardal yr Hen Fferm yn ystâd Tŷ Tredegar.
Rhan 2
Ewch yn syth ymlaen, heibio Caffi’r Bragdy. Ewch drwy’r gatiau dwbl wrth gefn y plasty. Byddwch nawr wrth y fynedfa Fictoraidd, gyda chylch troi ar eich chwith.
Rhan 3
Cerddwch rownd y cylch troi a dilynwch y llwybr i’r dde. Byddwch yn pasio’r ardd danddwr Eidalaidd ar y dde, cyn dilyn y llwybr glan llyn gyda’r hen Dŷ Cychod ar eich chwith.
Alarch a’i chywion ar y llyn yn Nhŷ Tredegar, Cymru | © National Trust Images/John Millar
Rhan 4
Dilynwch y llwybr dros bont fechan ac i’r coetir, gan gadw’r llyn ar eich chwith.
Rhan 5
Wrth gerdded drwy’r coetir, ymhen tipyn fe welwch fod y llwybr yn gwahanu. Mae’r holl lwybrau’n arwain i’r un man, ond y llwybr canol yw’r un lleiaf mwdlyd a mwyaf hygyrch. Gan ddilyn y llwybr hwn i’r chwith, fe ddewch at nant fechan.
Rhan 6
Ewch dros y bont a stopiwch am gêm o frigau Pooh os oes amser gennych chi. Wrth ddod allan o’r coed, dilynwch y llwybr i’r dde a cherddwch heibio’r Porthdai o’r 17eg ganrif. Mae’r llwybr yn dod yn llai clir yn y fan hon, ac ychydig yn fwy mwdlyd yn ystod tywydd gwlyb, felly gwyliwch eich cam.
Plentyn yn edrych dros bont yn Nhŷ Tredegar, Cymru | © National Trust Images/Aled Llywelyn
Rhan 7
Cadwch y wal ffiniol i’r dde ohonoch a dilynwch y llwybr yr holl ffordd o gwmpas y parc.
Rhan 8
Ewch i’r ardal fechan o goetir yng nghornel dde-orllewinol y parc.
Rhan 9
Wrth ddod allan ym mhen arall yr ardal chwarae naturiol, fe welwch y parc chwarae o’ch blaen.
Rhan 10
Cadwch at y llwybr tan i chi gyrraedd yr heol a dilynwch hi rownd i’r chwith. Byddwch yn cerdded heibio’r bloc stablau a’r plasty, sy’n dyddio o’r 17eg ganrif, felly mae hwn yn lle da i aros ac edmygu’r bensaernïaeth hyfryd. Dilynwch yr heol rownd i’r dde ac fe basiwch drwy set o gilbyst trawiadol. Rydych chi nawr wrth y fynedfa Fictoraidd i’r plasty unwaith eto. Ewch yn ôl drwy’r gatiau dwbl, a dyna ni, pen y daith. Sbwyliwch eich hun yng Nghaffi’r Bragdy gyda sleisen o deisen Fictoria neu de hufen blasus.
Man gorffen
Maes parcio Tŷ Tredegar, cyfeirnod grid: ST288850
Map llwybr
Map llwybr glan llyn Tredegar, Cymru | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Golygfa o gopa Ysgyryd Fawr yn Sir Fynwy, Cymru

Llwybr

Llwybr Ysgyryd Fawr ym Mynydd Pen-y-fâl a Dyffryn Wysg

Heriwch fynydd o chwedlau ar y llwybr heriol hwn a fydd yn eich tywys i gopa Ysgyryd Fawr.

Lle

Tŷ Tredegar

Mae Tŷ Tredegar a’i erddi a’i barcdir amgylchynol, lleoliad sydd wedi’i siapio gan y gymuned leol, yn sefyll yn falch wrth galon treftadaeth Casnewydd.

Tredegar House, Pencarn Way, Newport, NP10 8YW

01633811661

tredegar@nationaltrust.org.uk

Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.

Ymweld â'r wefan

Golygfa o lan y Llyn yn Nhŷ Tredegar, Casnewydd, yn edrych drwy ddail tuag at y Tŷ Cychod.

Erthygl

Crwydrwch y parcdir yn Nhŷ Tredegar

Dysgwch am y pethau gorau i’w gweld a’u gwneud ar eich ymweliad â’r parcdir yn Nhŷ Tredegar a darllenwch ein canllaw i sicrhau bod eich ymweliad yn un diogel a hwyliog.

Dau blentyn yn cymryd golwg agosach ar arlleg yn tyfu yn yr ardd yn Nhŷ Tredegar, de Cymru, yn ystod mis Mai.

Erthygl

Ymweld â'r ardd yn Nhŷ Tredegar

Crwydrwch amrywiaeth o erddi hanesyddol ar eich ymweliad â Thŷ Tredegar. Darllenwch fwy am y llecynnau gwyrdd unigryw hyn, a sut gall ymwelwyr eu mwynhau nhw heddiw.

Coffee and cake at the Orangery restaurant Cliveden National Trust

Erthygl

Bwyta yn Nhŷ Tredegar

Galwch draw i gaffi’r Bragdy am ddiod a bwyd poeth. Wedi’i leoli mewn adeilad hanesyddol, mae pob ceiniog a gaiff ei gwario yma yn ein helpu i ofalu am Dŷ Tredegar ar gyfer cenedlaethau’r dyfodol.

Pâr a'u ci yn crwydro'r stad yn Nhredegar, Cymru

Erthygl

Dod â'ch ci i Dŷ Tredegar

Mae gan Dŷ Tredegar sgôr o dair pawen. Mae digon o gyfleoedd i lamu, neidio a snwffian yn Nhŷ Tredegar. Dysgwch bopeth sydd angen i chi ei wybod am ymweld gyda’ch ci.

Erthygl

Cotswold Outdoor: Ein partner cerdded

Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.