Taith gerdded Llanbedrog
Bydd y daith hon trwy goetir i fyny i Fynydd Tir-y-Cwmwd yn cynnig golygfeydd o’r penrhyn a Bae Ceredigion. Cofiwch gael tynnu eich llun gyda’r cerflun Dyn Haearn enwog pan gyrhaeddwch chi’r copa.
Eiddo ger
Llanbedrog BeachMan cychwyn
Maes parcio’r Ymddiriedolaeth Genedlaethol, traeth Llanbedrog, cyfeirnod grid: SH 33017 31530Gwybodaeth am y Llwybr
Pa Mor Heriol
Llwybr llawn
PellterMilltiroedd: 3 (km: 4.8)Cyfanswm y rhannau: 5
Cyfanswm y rhannau: 5
Man cychwyn
Maes parcio’r Ymddiriedolaeth Genedlaethol, traeth Llanbedrog, cyfeirnod grid: SH 33017 31530
Rhan 1
Wrth adael y maes parcio, croeswch y ffordd a cherdded tuag at Blas Glyn y Weddw.
Rhan 2
Yma byddwch yn cyrraedd tir oriel gelf hynaf Cymru, Plas Glyn-y-Weddw. Cerddwch heibio’r tŷ a’r theatr awyr agored tuag at fan cychwyn y llwybr trwy’r coetir. Mae’r llwybr yn codi’n raddol tuag at benrhyn Mynydd Tir-y-Cwmwd.
Rhan 3
Ar ôl dringo’r grisiau carreg olaf i gyrraedd y rhostir gwastad cewch olygfeydd o Fae Ceredigion a’r mynyddoedd. Mae cerflun enwog y Dyn Haearn ar ben y rhostir yn edrych i lawr tua thraeth Llanbedrog a’r bae. Ar ôl edmygu’r golygfeydd hardd, dilynwch y llwybr sy’n mynd o amgylch y penrhyn.
Rhan 4
Cewch ragor o olygfeydd anhygoel wrth gerdded o gwmpas y penrhyn. Byddwch yn gallu gweld Ynysoedd Tudwal ac Abersoch.
Rhan 5
Ar ôl gadael y llwybr fe gyrhaeddwch chi drac, ac yna ffordd darmac. Pan gyrhaeddwch chi’r ffordd darmac, trowch i’r dde. Byddwch yn awr yn rhan uchaf Llanbedrog a byddwch yn dod i lawr rhiw heibio neuadd yr eglwys. Trowch i’r dde eto yn ôl at ffordd y traeth a dychwelyd i faes parcio’r Ymddiriedolaeth Genedlaethol. Os byddwch chi angen torri syched, mae caffi yn yr oriel neu mae tafarn Glyn-y-Weddw (ddim yn eiddo i’r Ymddiriedolaeth Genedlaethol) yn ôl i gyfeiriad y briffordd.
Man gorffen
Maes parcio’r Ymddiriedolaeth Genedlaethol, traeth Llanbedrog, cyfeirnod grid: SH 33017 31530
Map llwybr
Taith gerdded Llanbedrog | © Crown copyright and database rights 2013 Ordnance Survey
Mwy yn agos i’r man hwn
Taith gylchol Pen Dinas
Crwydrwch trwy ran syfrdanol o Lwybr Arfordir Sir Benfro, gan gael golygfeydd o Fae Ceredigion a mynd heibio safleoedd llongddrylliadau ac eglwys a chwalwyd gan storm wrth i chi ddilyn y llwybr garw.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Cotswold Outdoor: Ein partner cerdded
Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Ymwelwch â traeth Llanbedrog
Ewch i Lanbedrog, darn hir o arfordir tywodlyd â chytiau traeth lliwgar sy’n ddelfrydol i deuluoedd. Cyrchfan boblogaidd ger Pwllheli ar Benrhyn Llŷn.